當飛機到香港(零晨5am --hk time), 真係好開心!! 飛機未落地....我對眼就望住個飛機窗實一實!! 想即刻望清楚香港係點!! 哈哈! 一到了香港, 感覺好實在, 好有親切感!
香港夜景
由於, 我Daddy 下午時間先係香港....所以, 舅父接我機, 舅父都認得我!! 見香港零晨無咩人....又係機場附近, 舅父就帶我去迪士尼門口望一望!! 估唔到自己一落機就去咗迪士尼!! 哈哈!! 其實, 迪士尼都幾大吖!! 舅父渣車兜咗好耐, 都係迪士尼繞圍....哈哈!! 係迪迪尼, 我當然,唔放過影相喇!! 門口都照影!
↓迪迪尼呀!!! 一落機就走咗去迪迪尼門口 !!! 哈哈!!!
返到自己香港住所, 我有鑰匙都唔識開門...因為, 香港住所度門好難開, 要開好重鎖先開到!! 估唔到Daddy 換咗把鎖咁有份量......好彩, 舅父係身邊...如果唔係,我連香港間屋都入唔到!!! 真係有家歸不得!! 哈哈!!
回到自己長大個屋企....都無咩變! 雖然, 曾經裝飾過, 但我仲認得!! 可能裝飾時, Daddy 唔要啲大櫃...所以, 望落去, 自己成長間屋, 好像大了一點!!! 哈哈!! 10 年之後, 望返自己成長間屋..., 整到我想起好多, 以前成長啲片段添!! 哈哈!! (突然間好似好覺觸添!!) 自己都忍唔住係間屋周圍行, 周圍摸香港間屋....
↓我成長地方 (我係香港嘅住所)
我係香港第一天, 都嗱嗱聲爭取時間....一清早, 第一時間去啲政府合處度, 做香港身份証(智能) and 續香港車牌!! 真係太耐無係香港!! 雖然, 我做兩樣証件!! 但唔洗半日已經攪掂, 香港做事真係有效率!! 我仲可以慢慢坐車去揾婆婆食lunch 添!! 見到婆婆好開心!! 我哋講咗好多野講, 仲講咗好耐添!! 我仲比婆婆"吹"婚添!! 哈哈!! 婆婆真有記醒, 知我拍咗幾多年拖添!! 哈哈!!
↓依個就係我婆婆, 都成80幾歲喇!! 婆婆話, 如果係街見到我, 一定唔認得我--依個孫女...因為, 婆婆話我長大咗好多!唔同晒喎! 而且仲高咗添!! 其實, 我依10年都無長高到, 我相信係婆婆隨着年記增長, 身型縮細了!所以, 覺我長高咗! 哈哈!!
到黃昏, 終於見到Daddy, 同Daddy 短聚一陣, 同埋同Daddy 練習開屋企度門, 真係重重仗外, 先練到啲次序黎開香港間屋度 "門"!!
--------------------------------------------------------------------------------
係香港第一餐dinner! 我約咗個知心嘅朋友(爆炸魔女), 其實, 依個朋友從blog 認識, 現變成知心朋友!! 估唔到自己到依個年齡, 仲要透過電腦, 都可以認識到知心朋友!! 因為, 成日感覺知心朋友, 係兒時才會識到!! 但唔好理, 咩年齡, 咩地域, 我見到爆炸魔女, 有說不出的興份感覺, 就算係事前, 我未真正見過爆炸魔女, 只係透過書信, msn, 講電話黎聯絡.........到我第一日回港.....知自己真係可以見到爆炸魔女嘅真人!! 我心理上, 完全無陌生嘅感覺, 大家相約係某地鐵站等, 我就好像等一位老朋友咁! 心情好期待!! 我還期待到....係香港每次電話響起, 我會不自覺, 以為係爆炸魔女call 我添!!!
嘩! 見到爆炸魔女好高興, 大家一齊擁抱, 一齊"Q" 手, 一齊影相, 一齊傾計, 一齊行商場 (apm 商場), 一齊食野 (和民日本食店 and 滿記甜品)!! 真係好開心!! 亦感謝爆炸魔女, 對我所有的安排, 我相信她一定用咗好多腦汁安排節目比我....... 因為她想我係有限嘅香港時間裡, 享受到香港嘅美食, and 購買到我所需要的物品!! 她也餐餐飯都係她找數, 仲預訂咗hello kitty 物品送給我! 總之, 我就收唔少Hello kitty 物品 and 享受到好多美味食物喇! 真係唔知點多謝她好!! 但你的心意, 我係深深感受到!!!
而依個世界,真係人夾人緣架!! 唔係個個都憑指對你好! 唔係個個都啱channel! 而家比我遇到爆炸魔女!! 我真好感動!! 因為, 好難得遇到步伐一致, 心理上又差唔多嘅人!! 我要珍惜珍惜!!! 雖然, 我無宗教信仰, 但我都要講一句....感謝上天對我嘅安排!!
↓終於, 可以見到爆炸魔女...真人喇! 好開心呀!!Yeah! 她帶咗我食啲好好味嘅食物,又帶我周圍行....其實, 爆炸魔女有帶埋個仔出黎架!! 但做咗我哋兩個嘅攝影師!! 哈!! (唔該晒﹐仲言仔!) 但我就掛住同爆炸魔女傾計and 行街, 而且, 我太耐無回港, 我對眼成日周圍望!! 都無咩時間同到爆炸魔女個仔傾下計添!!! 哈
我依位朋友, 仲傻到, 晒了好多時間清理她自己屋企, 好像農歷新年大掃除咁....其實, 就算她屋企係點, 我都會唔客氣, 自己走上去坐架喇!!哈哈!! 不過, 我能在爆炸魔女家坐一坐...感覺好榮幸! ! 而她屋企真係好舒服!!! 好warm 架!!
可惜, 我係香港第一日, 樣子好疲倦, 好無神采 (可能時差問題), 所以, 好似對爆炸魔女唔夠熱情!! 但我第一日同爆炸魔女見到面真係好開心!! 仲好感動添!! 因為, 她連我坐咩交通工具返屋企, 都照顧埋, 真係唔該晒!
同爆炸魔女食完晚飯....返自己屋企真係一瞓..就直到天光!!! 我某程度都要多謝爆炸魔女同我度過咗, 我最想sleep 嘅時間!!!因同爆炸見面令我awake! 無時間想起攰, 無時間想起時差.....所以, 魔女令我....可以盡早適應香港時間!!! 哈哈!!
你幾時得閒理我? 我好快會唔記得你
ReplyDelete[版主回覆12/13/2008 05:50:00]Kitty: 依排唔係成日可以鼠到出黎食lunch...所以, 約到你,都衝衝忙忙,同你食....sorry!!
見到你咁興奮, 就知係幾開心啦, 同魔女一樣咁興奮呀.........
ReplyDelete有少少相我已經喺魔女度睇到, 但再睇埋你的感想就好完滿喇...嘻嘻....我知你哋可以keep得好好既....
[版主回覆12/13/2008 05:57:00]細細粒: ~講真,我見到魔女真係好興奮! 仲開心過初戀拍拖見男朋友咁!!哈哈!!! 而且,魔女仲安排啲節目比我,安排得好好!! 見魔女咁悉心為我安排, 真係好開心!! ~而家, 你好似追緊我and 魔女啲blog, 追到好似連續劇咁, 要去完魔女and 我度睇, 先完滿!! 哈哈!! ~我都好開心,可以同你食到一餐lunch, and thx your 日本手信!
今次會留幾耐呢？
ReplyDelete[版主回覆12/13/2008 05:58:00]cc: 我返咗加拿大喇!! 今次,係香港只係玩咗兩星期咋!
哈哈......一落機就去迪士尼, 如果入埋去玩就仲正啦!!
ReplyDelete咁你今次返黎留幾耐呢??
[版主回覆12/13/2008 06:03:00]Bの家: ~我都想去香港迪士尼呀!! 但時間問題, 去唔到!!但咁先有籍口,比自己返多次香港...哈哈! ~我而家已經返咗黎加拿大喇! 我返咗香港只有兩星期, 但我係香港昂平個樹,見到你呀!! 但我同成班親戚去昂平, 所以,唔好意思,截停你, 同你打招呼!!!
你地真係好朋友啦，第一日落機就約到見，咩jetlag都無晒啦。
ReplyDelete[版主回覆12/13/2008 06:05:00]Mui: 我哋一早就約定喇!!! 依個約會真係等待咗好耐, 所以, 一見到面就好開心!! 因此,連自己眼瞓都唔記得架喇!!哈哈!!
Thru your wording for sure u have a wonderful trip in HK. For me HK is a good place to shop and eat, but too bad not a good place to live.
ReplyDelete[版主回覆12/13/2008 06:09:00]小col: 係呀!! 我真係好享受香港生活........係香港每一分鐘,都感覺好舒服!!! 香港交通真係一流...我覺係香港住都ok!!! 可能我太喜歡香港喇!!哈哈!!
見到blog友真係開心呀!!!
ReplyDelete[版主回覆12/13/2008 06:11:00]V&M: 你講得岩,見到blog 友真係好開心架!! 而且,我今次, 係香港, 好難得先見到啲blog 友架!!!
真係開心呀係blog到識到知心好友~
ReplyDelete[版主回覆12/13/2008 06:12:00]睛天娃娃: 係呀!! 真係好難得!! 我自己真係發夢都無諗過可以咁架!! 哈哈!
一落機就去迪士尼
ReplyDelete[版主回覆12/13/2008 06:15:00]Little Greenworm: 係呀!!! 我舅父話經開嗎!! 咪去迪士尼兜個圈囉!!哈哈!! 但就無機會真正入去,如果入埋去,會開心好多!!!哈哈!!
You are so happy to meet a real friend from the blog and see the real person in HK ! It must be fun !!! Your days in HK are very busy !
ReplyDelete[版主回覆12/19/2008 02:44:00]happy Girl: ~我真係好開心架!! 見到我知心朋友, 我真係發夢都無諗過,我會識到佢, 仲要見到真人!! 真係非常高興!! ~係香港, 當然要爭取每一分時間!! 如果,唔係就見唔晒啲朋友!! 雖然, 啲時間好似好緊迫, 但好充實!!
呢個回鄉之旅 我諗你都有排先 post 得晒啊~~~ 哈哈
ReplyDelete仲有 多謝你婆婆讚我個蛋糕好味呀!!!!
[版主回覆12/19/2008 02:47:00]畫: ~你講得岩, 我自己都唔知幾時先post 得晒回鄉嘅blog...哈哈!! 有時自己望返自己回鄉啲相, 就越望越耐, 變咗寫blog 時間都流走埋...哈哈!! ~咁你啲蛋糕係好食嗎!!! 好食就一定會讚喇!!
我等你返嚟就等咁耐，但話咁快呢個香港遊又完咗喇，真係好似發夢咁呀！
ReplyDelete其實我同你去的地方都好普通咋，你唔好嫌棄就得喇，最緊要係你覺得開心咪得囉．．．．．
等我忙埋少少先寫信俾你丫，係度唔講咁多住．．．．
你delete Kitty第一個留言丫，我唔想俾人睇到呀．．．．．哈哈哈！
[版主回覆12/19/2008 03:03:00]爆炸魔女: ~返香港啲時間真係好快...一陣間就過去!! 但而家時常都回億着香港啲片段!!! 仲好開心!! 哈哈!! ~我相信你應該攪盡腦汁...帶我去香港唔同地方行, 我真係好高興, 可以同你一邊行街,一邊傾計!! 我哋咁friend, 我點會嫌棄呀!! 我多謝你時常請我食野就真!!! ~我已經寄咗信比你喇!! 但你可能過咗聖誕節至收到!! 因為, 我同Brian 買聖誕卡時, 我才知道加拿大郵局截咗郵!! 因此, 你未能係聖誕時段收我的聖誕卡!! ...sorry!! 今年有啲失察添!! ~Delete Kitty 個留言...係咪你係christmas lunch 個篇留言呀? 我delete 咗喇!!
Vicky: ~睇黎你既第一日係過得非常開心同滿意喎！ 首先，你同你舅父都好搞野，一落機就去Disney，但同一時間又覺得你兩個好聰明，因為咁夜去先可以無人同你爭靚景呀！ ~爆炸魔女真係好有心呀，安排好晒你既行程，和民都好食架，但我諗你地已經掛住傾計而忽畋野食啦！哈哈 ~你咁耐無返屋企，我諗唔多唔少都好有d感觸，其實係度出世，又點會唔掛住香港丫，所以，如果你有時間，就返去睇下你既出生地啦！BTW,我都要開始追返你d blog啦，哈！
ReplyDelete[版主回覆01/09/2009 11:15:00]陶陶夫人: ~返香港已經好開心....而且,我成十年無返過香港!! 我對香港每一樣野都好興份!!! 唔止係第一日過得開心!!我每日係香港都過得好開心!! 但我到依家我只係update 兩天咗香港旅程!! 但今次, 返香港比較多見朋友and shopping!! 都無咩特別點行香港....但今次此行好開心!! 可以見返好多朋友!!! 見朋友我就已經高興!!
~我舅父都係靈機一觸諗到去迪士尼!! 因為機場近迪士尼嗎!!! 雖然, 我只係經過迪士尼門口,無真正入過迪士尼......算喇!! 今次去唔到迪士尼,我有多個籍口再返香港再旅行....哈哈!!!
~唔知你有無去過"和民"....我覺依間和民啲野食都幾好食吖!!! 我都係第一次去依間食店食野,啲野食都幾好味架!! 而且裝飾幾舒服架!!! 不過, 依餐飯, 我第一次見爆炸魔女....真係興份多過食野...哈哈!! 不過,我覺係香港食野好方便!!! 環境又舒服!! 可以坐耐啲傾計都得!!! 而且, 啲野食又好味!!! 完全唔洗擔心....食完野要晒神渣車!! 好舒服!!
~嘩!! 返自己香港屋企,真係好感動!!! 因為,我係香港間屋大.....雖然, 係外國住得耐, 外國環境係舒服!! 但香港此於都係方便.....一落街咩都有...交通又好完善....跟本如果有得比我揀, 我一定係選擇香港..唔會走架!!! 我十年, 無返香港....但一返就好習慣!!! 真係完完全全返咗自己屋企!!!