香港....第二天

香港...Day 2....Novemeber 13 (Thursday)

      係香港第二日, 點可以忘記daddy 呢?? 我一起身就同Daddy去食早餐!! 食早餐地點, 都係Daddy 公司附近!  同時, 見到好多Daddy 熟識啲朋友!! 我食早餐之餘, 都黎唔切同Daddy 啲朋友揮手添!! 返到香港....先發覺Daddy 係香港識到好多朋友, 只係一個早餐時間, 都可以見到好多Daddy 啲熟人!!! 怪不得Daddy 係香港會至在咁多喇!!....

       而我好耐無嘆過香港傳統早餐! 感覺好親切, 我買埋報紙...一邊食一邊看報紙!!真係幾爽!! 雖然, 加拿大都有港式早餐!! 但此終都覺香港啲風味係唔同啲!! 係好味啲, 選擇仲好多添!!

↓香港啲早餐好有風味....由其事杯熱茶!!

      

          今次, 返香港真係好感動, 我有好多朋友專登同公司請多幾個鐘頭假, 同我食個悠長lunch or 我有啲朋友直情同公司請成日假陪我出街吃, 飲, 玩, 樂!!! 

        第二日香港旅程, 我就約見我識於微時個朋友, 我哋讀中一就識, 由寫信, email, icq, msn, 講電話, keep 到而家!!! 依個朋友仲同公司請成日假, 陪我玩, 講真, 調轉係我, 我都未必向公司請一日假陪朋友架!! 但我依個識於微時嘅朋友, 就會咁做!! 係我未返香港前, 就一早向公司請定假, 嘩!! 我知道都唔知幾感動!! 你估行街唔洗腳骨力架!! 去玩唔傷神咩!!! 

        我哋大家約咗係中環置地等.......嘩!! 成10 年無見, 見到大家當然好高興!!! 仲當街當行, 互相擁抱添!! 一見面, 我朋友就送咗禮物比我!!!  需要我朋友話啲禮物唔值錢!! 但我已經覺好珍貴喇!! 我朋友, 知道加拿大冬天非常冷, 係香港見到手套, 冷帽, 頸巾, 總之, 係保暖物品,早早收藏下來, 一次過送給我!! 真係感動!!! 香港唔係度度都有啲咁保暖物品賣...而家, 啲保暖物品, 真係用得着!!! 仲好有用添!!!

        依日節目, 其實係我有提議過, 因為我想去ifc.....我依個朋友就盡量幫我安排, 仲安排得好好添!!

        我哋首先係中環食一個好地道嘅lunch...就係喺大排檔食蕃茄麵....估唔到一碗蕃茄麵咁多人排隊....但真係好好味. 我唔介意係大排檔食野架!! 坐係大排檔食仲有風味喇!! 因為加拿大邊有得坐街食麵架!! 企係街一陣都凍到牙都鎮喇!! 哈哈!!

↓依碗番茄麵就係中環某間大排檔食架!!! 好好味, 仲成支樽裝可樂上....正!

       食完野, 就行ifc....終於,比我去到ifc,...我覺ifc 比我感覺好親切, 因為, 好多人同我係加拿大一樣用blackberry 架!! 而且, 好多外籍人士, 個個嘅樣子, 都好似好衝忙買個salad 一杯果汁,三文治就走人....之後, 就好衝忙返工, 真好似我平時係加拿大咁!  我相信Brian 見到, 也會好喜歡這種環境!!

↓依間就係ifc 啲x'ams 裝飾....同埋ifc 望出外啲景色

        而我今日行ifc 外, 仲行咗好多名店, 仲咁岩我比我遇到 H&M-- Comme des garcons 第一日發行日, 人多到排到街外....有記者仲係H&M 門口做訪問添!! 因為有人排成晚為件球點衫囉!! 我就無學人發顛, 我買咗其他H&M 啲野...而且, 比我發覺香港H&M 有啲accessories 係印有hello kitty 架!! 我當然唔放過喇!!

↓依間就係香港區個間H&M ....好多人呀!!! 因為, 我咁岩去個日, 係Comme des garcons 第一日發行, 啲人爭相購買件球點衫!!! 哈哈!!

        行咗ifc and 置地一陣,已經有啲收穫, 但對腳好攰, 當然, 去嘆下tea喇!! 順便, 大家傾下計, 我哋去咗landmark 嘆afternoon tea!! 睇下撞唔撞到拉姑....哈哈!! 點知拉姑就見唔到, 見到Joey yung's mom and 澳門何生 and 四太!! 仲見到一推Papparazzi 添!! 哈哈!!餐afternoon tea 除咗可以同朋友relax 下, 仲比我感受到香港啲Papparazzi 原來真係跟啲名人, 跟得好掂身!!!哈哈!!

↓去afternoon tea....見到啲咁嘅格局, 成日人鬆晒!!! 我乎近張抬係何生and 四太呀!! 見唔見到呀?

        依日, 我哋好強勁, 食完tea, 再shop多中環一陣, 真係咩街都比我街勻.....入夜啲仲唔夠喉, 再去尖沙嘴再行過, 真係好似我哋讀中學時, 一放summer holiday就去行街, 行到入黑先捨得返屋企, 完全唔覺攰!! 哈哈!!!

        夜晚, 我依個朋友就安排一間日本餐廳同我餐臺腳.....依間餐廳環境好舒服!! 啲野食又好味!! 感覺好舒服!!! 朋友仲爭住請我食野添!!! 哈哈!......有時, 自己都唔知有咩力量, 我哋10 年無見, 平時有啲咩事, 就寫email, 或者 msn 問大家意見, ...係唔知咩原因, 我哋要同大家傾過先安樂!! 我哋就係咁keep 咗17-18 年喇!! 同周慧敏有得"煇"!! 哈哈!!

↓去咗北京道1 號 (唔知邊層)食日本野....間餐廳叫"火間土".....坐嘅地方好舒服架!!!

   **依日返到自己屋企, 腳都痛, 因為, 真係行咗好多街, 我就舒服得過, 因為我第二日唔洗返工, 但我朋友仲要返公司開會!! 真係唔好意思!! 哈哈!!