自從, Brian 去完旅行之後, 我都好似好耐都未試過同Brian 過周末....Aug 8 號(星期五) 一放工已經急不及代, 走去買啤酒and pizza 返屋企食, 順便睇奧運!!! 而家Brian 食啲pizza 食到好齋, 唔食有肉類pizza, 最好係薄皮pizza添!! 仲要倒啲olive oil 係pizza 上面先食!!! 完全同他以前食pizza 方法唔同晒!!! 原來去一轉意大利, 食野品味會變得咁快架!! 好彩, 我都唔係無肉不歡啲人, 如果唔係, 我都幾難忍受到無肉到肚嘅感覺!!
↓Friday dinner 有beer and pizza...咁多塊pizza 得一塊有肉...個塊有肉pizza 仲係我叫架!! 而綠色支beer 係我至愛, 因我只喜歡飲 ale 啤酒, 而紅色個罐啤酒係加拿大本地啤酒, 而支加拿大甜酒係Brian's daddy 攞黎比我哋飲架!! 依支加拿大甜酒好好, 因味道真係似法國啲 Late Harvert!
到星期六(Aug 9), Brian 一起身已經事先聲名...話要食chinese 野, 因為Brian 去咗旅行好多日都未食過街外啲chinese 野!!! Brian 返黎加拿大之後, 日日都話要去飲茶, 好喇!!! 就星期六去飲茶喇!! 去咗一間好普通嘅茶樓飲茶....兩個人, 竟然order 咗好多點心, 成臺都係....我初時都怕食唔晒, 但出奇地, 咩都食得晒!!! 有時出街, 我哋食剩啲野, 都唔知打唔打包好, 因為食完野之後, 多數都係行街, 攞住盒食剩點心周圍走, 我覺好肉酸...雖然, 出街係渣車, 但放盒食剩點心..係車裡面我又怕會變壞....唔打包又怕晒啲食物.....其實, 我而家都唔係好老0者!! 但點解啲思想咁婆仔架...咩都計!!哈哈!!!!!
↓星期六lunch 去咗食點心!! 我求其影咗啲...我顧住食, 有啲都無影到相!!! 我最喜愛食三角形果個榴蓮酥, yummy!!!
食完點心lunch, 我同Brian 去咗行街, 去咗Sherway Garden 行!!! 其實,都無咩特別野想買, 至在去行下街, 通便去下超市買野and 行下, 行到攰就去咗starbucks 飲咖啡嘆報紙...我哋本來想坐starbucks 啲patio 飲咖啡, 但突然落好大雨...依幾排就係咁, 成日都突然間落大雨, 而且, 入夜就開始涼....加拿大夏天, 你真係咁快要走喇!!!
↓去starbucks 嘆咖啡....Brian 幫我order 咗杯Green tea frappuccino, 他自己飲iced double shot coffee!!
嘆完咖啡, 就返咗屋企...好懶, 只係坐咗係屋企個電視機前睇奧運...同埋熨下啲衫囉!!! 懶到成夜晚十點幾, 先至出街食台灣野做dinner, (因為Brian 仍然話要食chinese 野) !!! 而且,順便可以飲埋珍珠綠茶!!! Brian 依日開始喉嚨痛...Brian 話飲啲冰凍綠茶會舒服啲!! 依餐台灣食店叫客飯, 係跟甜品(布丁), 但食完客飯....等咗好耐都無, 吹都吹過, 但都無黎...啲甜品食咗又唔會發達, 我真係費事追人個甜品, 而且, 我開始有攰意, 最尾無等甜品埋單走人!
↓珍珠綠茶....一個客飯, and 一碗肉碎台灣香腸飯就係我哋啲dinner, 依餐dinner 食咗好耐, 因為杯珍珠綠茶好大杯...飲到肚都脹, 哈!! 但同Brian 傾咗好多計, 好似以前細個拍拖咁, 哈哈!!
而星期日Aug 10, 一起身天暗暗, 出街買完份報紙就落雨, 我哋都無出街, Brian 喉嚨痛, 就順便係屋企休息, 而我哋見坐係屋企, 就開始係屋企煲「家好圓月」囉!! 睇每一集「家好月圓」﹐我都好感動, 集集我都喊咗出黎, 非常水皮!!! 但睇依齣電視劇, 令我好想食返雞仔餅, 皮蛋酥, 老婆餅, and 月餅!!! 哈哈!! Brian 話下個weekend 要去超市買啲老婆餅止下癮先食得...!! 哈哈!! 其實, 我而家見到啲chinese supermarket 都有月餅賣喇!! 但好似九月中先中秋節...而家好似太早買, 我驚食晒啲月餅都未到中秋....哈哈!! 都係九月頭先買月餅應節! 不過, 下次去chinese超市買野, 我一定睇下有無雞仔餅, or 皮蛋酥賣至得..哈哈!!
好嘢....第一呀!....哈哈.....
ReplyDelete[版主回覆08/20/2008 09:07:00]爆炸魔女: 你第一呀!! 就送個hello kitty icon 比你喇!!
Brian一返嚟又正常返喇, 又可以同你周圍食嘢, 而家你唔洗自己一個食咁悶喇!
ReplyDelete原來去完一次旅行就會有改變架? 如果佢去多幾個地方, 咁咪有好多改變囉?.....我諗佢遲d會正常返, 變返以前咁嘅口味架(我唔係話佢而家唔正常呀!)
Brian梗係食得太多西餐, 所以返嚟就想去飲茶啦.....你地兩個真係好犀利呀,次次都食到咁多嘢架?
我每晚睇家好月圓都好激動, 但我就冇你咁水皮, 我冇喊呀.......但係睇到好忟憎......
如果唔係寄食物有阻滯, 我都好想寄Hello Kitty月餅俾你架, 不過........
人地之前係手信嗰篇度留咗言, 打咗好多字架, 點知又冇晒, 所以後來冇打喇!
[版主回覆08/20/2008 09:54:00]爆炸魔女: ~ 哈哈! 我依排飲食又特別返...一到weekend 就周圍食野喇!! 有時出街食野, 真係要人陪先好食, 如果自己一個堂食, 都無果隻樂趣喇!!
~ 而每一次, Brian 去旅行, 都好想我隨行架!! 但我就有種種理由隨行唔到, 我同唔到Brian 去旅行, Brian 都好擔心我自己一個人係屋企唔知發生咩事...今次遊輪, 有特別理由, 他更加想我隨行添喇!! 哈哈!! 但Brian 每次去完旅行都會帶我去啲特別地方行下or 食下野, 有一次, 他去旅行時, 坐係啲patio 食野,感覺好舒服, 之後去完旅行返黎多倫多,就帶我去多倫多啲patio 餐廳食野, 比我感受返他旅行氣氛,而今次, Brian 去完意大利...都特登帶我係多倫多食返意大利野...比我感受返意大利人食野文化!! 站時為止, Brian 仍然好掛住意大利啲食物...我哋係屋企也自己煮過意大利餐黎食, 扮意大利人!!
~ 係郵輪當然食西餐多!! 想食chinese 野都難!! 而且, 我覺Brian 個胃係chinese 胃黎架!! 所以, 太耐無食chinese 野, 會非常掛住架!! 如果依排出街食野, 我都盡量會諗啲chinese 食店同Brian 食!!! 等他chinese 胃舒服啲!!!
~ 我都係上網copy 家好月圓睇, 因為上次唐心風暴實在好好睇, 今次原班人馬, 我一定會再追喇!! 我有時見到菊姐出聲, 我就好肉緊, 好忟憎架喇!! 不過, 有集黎耀祥鬧返菊姐個集,我覺大發人心囉!! 哈哈!! 睇到爽晒...哈哈!! 但依齣戲, 個個都好戲之人, 集集講啲野, 好有人情味...所以, 我會追到大結局為止!! 但依齣戲成日都講chinese 餅, 真係令到為食嘅我...流晒口水, 好想食chinese 餅,....我都仲有3個月倒就返香港..到時真係想食咩都容易啲喇!! 哈哈!! 其實, 我依邊都有老婆餅, 皮蛋酥賣架!! 但味道就馬馬哋囉!!! 而月餅...就係香港進口架!! 所以, 味道都同香港一樣, ...我知如果我住係香港, 你一定係第一送月餅比我...仲要係Hello kitty 月餅添!! 你寄唔到餅比我, 唔洗失望架!!!.......我知你對我好好就得...其實, 你去襯旅行...都買野比我, 記住我...依啲野已經令我好開心喇!! 係真架!! ~ 原來你係我個篇手信篇打咗好多字嘅message 比我架!! 無晒呀!!! 咪晒咗你啲時間and 心機囉!!! 有啲唔抵添!!! 但唔緊要喇!! 我都大概知你會講咩架喇!! 我哋心靈相通架嗎!!! 而且, 你成日寫信比我., 我都已經心裡有數你對我嘅感覺架喇!!! ....你以前教我開個notepad 寫留言and blog 架!! 我而家已經係咁做喇!! 如果yahoo blog 有咩事post 唔到, 我都有個copy 嗎!!!
我都好想快D有月餅食呀...好開心今年終於可以係香港食月餅喇~
ReplyDelete[版主回覆08/20/2008 13:57:00]睛天娃娃: 你就返香港喇!! 而且, 你今次返香港時份咁岩係中秋節...你真係可以試下真真正正嘅香港月餅喇!! 我都登你返香港而開心!!
咁帶個cooler出街，擺係車度，打包既野放入去，咪唔怕舐野，又唔會變壞囉，冬天就無里個問題啦
ReplyDelete[版主回覆08/20/2008 14:15:00]Mui: 多謝你個方法先...其實, 我以前係大學讀書, summer 出去Toronto 都有帶個cooler 架!! 但而家spend 係道路上比較短程啲, 所以, 就無帶喇!!! 費事麻煩!!!而且, 又唔係次次都食唔晒啲野!!! 所以, 我已經無帶cooler 依個習慣喇!!
I went to T&T last sunday too =)
ReplyDelete[版主回覆08/20/2008 14:17:00]Kitty: 你去T&T...入菜心呀?? 我星期日無去T&T 呀!! 我去咗No frills 呀!!
你果邊都有得睇 '家好月圓' 我都追緊係呀.. 哈哈
ReplyDelete[版主回覆08/20/2008 14:19:00]畫: 我依樹, 邊有咁快可以睇"家好月圓"吖!! 我去你個邊用私人留言先答覆你!!!
仲咩Brian去完旅行口味都轉哂呀???家好月圓真係好好睇架~~~
ReplyDelete[版主回覆08/20/2008 14:25:00]V&M: ~ 每一次, Brian 去完旅行(他差不多每年同他parents 去一次旅行, 但今次旅行去得最耐) Brian 都會帶當地食野啲文化返黎加拿大, 因為Brian 都想我感受下外國食物文化係點...想同我一齊分享下!!! ~ "家好月圓"真係好好睇....每一集都有好多感動位!! 我依家, 真係中咗"家好月圓" 毒...每一日都要追看先安樂!!
Vicky: ~其實好多人去左其他地方之後,個口味都會改左架,好似好多人都話,去完日本食壽司,就唔會就想係香港食架啦,情況同Brian既差唔多啦! ~ Green tea frappuccino?聽落個名好似真係幾好飲,但我鍾意green tea既,咩都會話好食同好飲架...哈哈 ~我都知你等甜品既情況架,我都成日遇到,有時又真係唔好意思出聲,覺得唔知點咁,我通常會睇清楚個餐係咪真係包甜品囉,如果真係包既,就會問下個待應,但有時都會好似你咁,等太耐就埋單算架啦,所以呢方面我都好明白!
ReplyDelete[版主回覆08/27/2008 02:39:00]陶陶夫人: ~我都好明白, 有好多人去完成日本之後, 都會掛住日本壽司嘅風味!!其實, 去完邊度旅行, 都試到當地食物, 配埋當地環境 and 氣氛食, 味道自然特別!! 我記得, 我去美國時, 成班朋友一齊去, 雖然, 食啲普通野, 但仍然掛住個隻啲野食味道!! 其實, Brian 都係籍着食物...比我感受下他去旅行啲經驗...你知喇!! 食物就容易帶出當地人的生活習慣喇!!!
~我知你喜歡green tea 食品!!! 因為我都係好喜歡green tea 食品!!!你個邊啲starbucks 有無green tea frappuccino 呀?? 如果有就去試下買黎飲, 因為真係幾好飲架!! 我發覺好多外國人越黎越喜歡green tea, 有啲三文治食店, 什至果汁店都有green tea 產品賣架!! 而且幾受歡迎添!!! ~我覺chinese 食店, 好喜歡博大霧架!! 想慳得就慳, 有時明明話有甜品包!! 但遲遲都唔黎,如果追...就話check 下!! 但check 好耐囉!!! 其實, 如果甜品賣晒or 無晒, 出聲就得,點解又要人等呢!! 我黎得食野, 都唔會話特別為個甜品先黎食喇!! 所以, 有時好勞氣囉!! 不過, 我依日happy, 甜品依件事...無乜點記住喇!!! 哈哈! ~陶陶..你依排忙搬屋, 仲篇篇blog 都回, 你個人好細心呀!! 而且,我覺你讀我啲blog 讀到好detail 呀!! thanks..