August 29 (Friday)
長周末假期開始喇(Labour day)! 放到星期一(Sept 1)! Brian 話等咗長周末假期等咗好耐喎, Brian成日都倒數住邊日放假!! 我真係無Brian 收, 日日數住幾時放假...哈哈!!
由於,早倫Brian 去咗意大利旅行, 成日都念念不忙意大利食品, 所以, 放假前, 我哋係網上摷咗一間近似Brian 口中嘅意大利餐廳, Friday 一放工, 我同Brian 就即刻走去試. 我依日仲專登着靚靚去添!!! 哈哈!! 間餐廳格局都ok...一入餐廳已經係意大利佬招呼, 我心諗依間應該係Brian 想去啲意大利餐廳!! 我哋由頭盤食起, Brian 一邊食, 一邊話...「係呀係呀!! 就係依隻味道!!!」Brian 終於, 都揾到一間餐廳, 係近似意大利當地啲食物, Brian 係依日仲開心過我....仲咩都比多啲我食, 依餐食到我個肚都脹"book book" 喇!!哈哈! 食完dinner, 我同Brian 去附近一間gelato 店食Gelato, 我個胃全部裝住晒, 意大利食物喇!! 哈哈!!
終於, Brian 係加拿大, 帶咗我去食意大利口味嘅食物,...我好感激, Brian 為咗帶我品賞意大利食物嘅味道, 而周圍奔波....
↓由於西人餐廳比較靜and 有啲黑, 我一影相, 個閃光燈就着, 攪到全間食店啲食客都望住我, 所以, 我都係影咗兩張相, 就唔敢再影, 係埋單時攞張take out menu 走...返屋企對住個take out menu影啲餐廳環境比大家睇.....
↓我就係影咗以下兩張食物相, 而依個意大利餐, 我哋食咗好多野, 有Bruschetta, Prosiutto and Melon (第二張相), Cheese Torellini, and Prosciutto goat cheese 薄pizza
呀~~ 呢排真係好少見你去食西餐啊~~~
ReplyDelete哈哈 有時比人望我都會照影相 最多唔開閃光燈~~
[版主回覆09/09/2008 05:48:00]畫: ~依家, 可以係街用刀叉食野喇!! 其實, 我食西餐或 唐餐都無所謂架!!! 因為,我出街食咩, 同樣都開心!! 而且, 今次食西餐係Brian 專登帶我去食...所以, 食得好開心!! ~我覺得出街影食物相, 有時都幾怪架! 我成日影食物相都令到好多人望住我!! 可能,依度唔太流行影食物相喇!! 但如果,唔開閃光燈, 影到同涼粉無分別!! 哈哈!!
你都冇影你自已
ReplyDelete[版主回覆09/09/2008 05:51:00]Kitty: 我成日出街都無影自己架!! 成日都唔記得...哈!! 而且, 我依日打扮得好好!! 都唔記得影,真係晒........你下次,同我出街, 記住提我, 要影自己呀!!
Brian去完意大利,仲好掛住果邊既美食喎~~~
ReplyDelete[版主回覆09/09/2008 05:53:00]V&M: Brian 好想我試他去旅行啲味道...所以, 係加拿大都要揾意大利美食!!! 不過. 意大利食物, 真係幾好食架!!
Why don't you travel with Brian ? It seems that he always travel alone without you.
ReplyDelete[版主回覆09/12/2008 04:49:00]Happy Girl: 因為我請唔到假,所以, 不能同Brian 一齊去旅行!!!! 今次Brian 去旅行有他parents 陪架!! 所以, 都唔會好loney!
Vicky: ~你講起gelato,你有無跟個食譜整過黎食呀? 其實,如果係好暗既地方,我唔會開閃光燈,因為一來會爆光,二來又會影得好唔自然,如果係我既做法,就將ISO調教大一點,如果部相機無得教ISO,就用相機本身有既夜間mode,但手要定少少先好影,因為佢要捕光耐d先夠光,影完後幾秒唔好郁,如果唔係就會有鬼影,呢個係我影相既心得,希望你會受用!
ReplyDelete[版主回覆09/16/2008 05:23:00]陶陶夫人: ~Sorry!! 我近排有啲咳, 所以, 我都要介口, 停食咗雪糕喇!! 所以, 都咪跟你個gelato 食譜做gelato 食, 但我已經keep 起咗你個食譜, 我有時間會學整黎食...唔該你!! ~係呀!! 夜晚mode 要手定架!! 但我個人好心急, 都手定唔到, 影到啲相, 好似同啲光一齊飛, 哈哈!! 而且,係啲西人食店, 好緊張人哋影啲食物架!! (我感覺) 我影完一張食物相, 啲侍應好像行過黎我張臺特別密...所以, 我之影咗兩張食物相, 都無攞相機出黎, 都係唔好太失禮喇!!哈哈!!