由於,前排買咗新餐臺, 真係好享受係屋企食飯, 而且,依幾排Brian 可以早一點放工, 所以, 可以早一點時間開飯 (dinner). 其實, 我煮啲晚餐非常簡單...但係新餐臺食dinner 好似好興份, 所以, 煮得簡單, 但都覺好享受...哈哈!!! 有時, Brian 仲早啲起身,坐定定食早餐先返工添!! 今次,我決定買餐臺真係買得無錯...哈哈!!
黎緊個weekend, 係長周末, 我都想係屋企食....我已經同Brian 講, 我set 定咗幾餐, 要係屋企食架!! Brian 平時, 一放假就出街食...但因為新餐臺, Brian 都喜歡係屋企食!!Yeah!!
其實,買咗新餐臺, 我還未整過我心愛嘅甜品蛋糕食過!! 可能Brian 早了一點放工,平時,我等Brian 放工有時間, 都會做啲蛋糕仔, 之後, 先煮飯... 而家一放工就係時候煮飯, 所以, 好似忽視咗我啲蛋糕工具添!! 但依排咳, 都係唔好食太多甜椰椰野,...等好返啲先.....我要介一介口!!!
↓有一日,我煮咗星洲炒米...飯後有cherries 食
↓有一日,我整咗啲抆肉...加蝶菜就開飯, 飯後有哈蜜瓜,其實, 我仲煮好多日飯, 但有時煮啲野實在太家常..所以,都費事影相..哈哈!!
我叫左你唔好食生果架啦
ReplyDelete[版主回覆09/09/2008 04:30:00]Kitty: ~係呀!! 我記得架喇!! 但見雪櫃有水果成剩...我就忍唔住想消滅佢...哈哈!! ~但而家開始會緊記..."唔食水果"!!!
係呀,咳就唔好食生冷野,尤其係橙同提子! Take care !
ReplyDelete[版主回覆09/09/2008 04:35:00]高貓貓: 你好有我心!! 我會介口架喇!! 我而家開始唔食飯後雪糕架喇!! 多謝關心!!
咳真係要介下口喇~~~
ReplyDelete[版主回覆09/09/2008 04:36:00]V&M: OK!! 我知道喇! 多謝你關心!!
早兩日我都去咗IKEA行呀，因為出了新catalogue,咪去攞本睇吓啦，每次行親都幻想將某些傢具買返屋企架，事實上佢地真係display得幾靚呀！
ReplyDelete雖然你話煮家常便飯啫，但都已經好好喇，你又要返工，放工返嚟又要打理屋企，你仍然肯煮飯都已經好難得了，唔係個個都願意呢！
唉！我地呢排就冇啖好食喇，原來平時冇事冇幹，咩嘢都可以做並唔係必然架，以後我都要記住能夠隨時隨地可以做任何嘢係一種福氣呀！
[版主回覆09/09/2008 05:16:00]爆炸魔女: ~我大廈每年都會派Ikea catalogue 架!! 我好喜歡攞幾本架!! 一本係自己keep, 其他啲比朋友or 我個五妹......我以前玩唔返學, 都鼠咗去Ikea 行架!! 好喜歡幻想啲傢具,如果Ikea 啲佈景, 係自己屋企出現就好喇!! 哈哈!! 不過, Ikea 啲野,都係一啲啲野先比較耐用, 有啲傢具,就真係好睇, 唔"come"用!! 哈哈!! 但Ikea 啲design 真係好岩現今社會啲人用, 就算住大屋,定住細屋, Ikea 啲傢私...都型合到!!! ~我以前,真係好少時間入廚房煮野食, 如果入到廚房煮野食, 我覺好開心, 因為可以享受煮野食樂趣, 而且,入到廚房煮野食,代表有extra 時間, 所以, 我有機會煮野食, 我會毫不考慮去煮...而且, 自己煮真係健康啲 !!! 仲有呀!! 我煮啲野好普通, 我唔覺辛苦架!! 但而家Brian 可以早啲放工, 我一返屋企要煮飯先...以前可以整住甜品蛋糕先, 等晏少少煮飯都得!! 但Brian 早放工, 就早了食飯...買咗新餐臺,都未享受到做蛋糕嘅滋味!!! 但早食飯, 個腸胃好似舒服啲!!! 哈哈!! ~你真係工作狂, 而家一可以掂少少水...你就忍唔住做屋企野....你而家可以掂水, 你可以煮到飯喇!! 唔會無啖好食喇!(不過, 你都要惜可而止) ! 我覺你好本事!!!咩野都做得妥妥當當先覺舒服!!! 你唔好忘記,你而家又要返工, 你屋企又有個小朋友要照顧...你今次整襯手指, 乘機比你先生學習下家庭工作(家務), 料理一頭家, 真係一啲都唔容易架!!! .....但我都明, 你平時好多野都親力親為, 真係要自己做返, 你先滿意!!! 好似,我咁, 我以前, 由於太多因素, 無時間入到廚房......經常食街外野....而家, 我可以返到屋企入到廚房煮餐飯食, 我真係覺得好開心, 好保貴架!! 有時失去咗, 就會懂得珍惜!!!
忍下口... take care!~
ReplyDelete[版主回覆09/09/2008 05:17:00]小威威: 我會架喇!! 多謝你關心呀!!
你係咪對甜品手痕 咁就快啲動手啦 哈哈哈
ReplyDelete啲甜品工具就快生 '秀' Lu~~~~~~~
[版主回覆09/09/2008 05:25:00]畫: ~我真係開始有啲手痕,好想整甜品!! 由其事見到你成日整曲奇餅, 我真係好想動手自己整啲黎食...但近排,我又咳, 都係停一停手先...費事, 食得多甜椰椰多,啲咳唔好, 我仲麻煩!!哈哈!! ~希望, 蛋糕啲用具唔好生 '秀' 喇!! 如果啲工具生 '秀' 咗, 我要Brian 贊助我買套新工具...哈哈!! 所以, Brian 買咗啲咳藥比我,都想我快啲好返!! 有蛋糕食!! 哈哈!
Vicky: 依家因為有左餐檯,所以你同Brian都變得好癡家,其實, 兩個人係屋企煮下飯,點都好過出去食既,我同我老公大 多數都係一個星期先出去食一兩次,其他都會係屋企煮, 一來平d,二來健康d囉! 同埋,你地多倫多多野食過我地呢 邊,淨係你上次講既大有名糖,我都記到依家啦,所以你話丫!
ReplyDelete[版主回覆09/16/2008 05:10:00]陶陶夫人: ~初頭, Brian 唔係太想買張餐臺架!! 但當買咗張餐臺返黎, Brian 反而享受多過我!!! 而且, 仲自己早啲起身食早餐添!!! ~我同Brian 都係weekend 先出街食多, 閒日都係食屋企野, 因為係屋企食, 真係化算啲, 而且, 會健康啲!!! 雖然, 我依邊有好多地方食野, 但都唔太近我居住地方, 都係要渣車先去到!!! 而且, 閒日放工之後, 已經好攰, 再出街食, 真係攰上加攰喇!! 永遠都覺食完飯係屋企休息下係最舒服!!! ~如果你黎我依樹, 我帶你去大有名糖吖!!