Labour Day

August 30 (Saturday)

   依個labour day長周末(Monday Sept 1,係假日), 我沒有返媽咪屋企, 況且, 我daddy and 媽咪都有節目(去Niagara Fall 玩), 剛剛好我可以留係自己屋企休息, 我同Brian喜歡幾點就幾點出街行, 想幾點就幾點食野!! 感覺都幾relax!!! 

  雖然, 係長周末, 但我都係好早就彈起身, 一起身, 就去平時唔多食嘅麥當當買早餐!! 由於, 我仍然太喜歡自己張餐臺, 所以,麥當當早餐我要買外賣返屋企嘆!! 我仲拍醒Brian 同我食早餐嘆報紙...哈哈!!

  話就話係長周末, 其實, 我同Brian 都係無咩特別節目, 係屋企坐到下晝先渣TT仔仔出去, 去行下商場囉!! (行Sherway Garden)....都唔知係咪啲細佬趕買開學啲物品, 成個商場都係小朋友,...但我都唔執輸, 我都學啲讀書人買文具, 我買咗支Hello kitty 筆, 哈哈!! 依家多咗好多Hello Kitty 返學物品賣, 我以前都無咁多嘅!! 突然間, 見到hello kitty 文具, 我又好想再返學添!! Brian 聽到, 我咁講, 都話我傻架!....哈哈!! 

↓Hello kitty有香味原子筆...

    行街行到攰, 就去starbucks 坐下, 嘆下咖啡囉!! 嘆完咖啡就去超市買餸, 入下貨囉!! ...........夜晚,我又懶到無煮飯...去咗食台灣野, 但依餐台灣晚餐食得好快, 因為, 食食下台灣野, 有人message Brian ...要啲電話...所以, 我都好快手食完啲台灣飯, 就同Brian 去電話交易囉!! 攪到我無得同Brian 一邊飲珍珠飲品, 一邊傾計添!! 等我仲叫到杯珍珠綠茶大大杯添!!

↓去starbucks 飲下凍咖啡and 食件蛋糕..., 而dinner, 去食台灣野, 最喜歡有bubble tea 飲.,飲完先記起自己咳...哈哈..而個魯肉台式香腸飯好好味...

↓台灣餐廳, 有台灣月餅賣架!! 有啲月餅做到成個兔仔型, 幾可愛架!!

   

August 31 (Sunday)
   哈哈!! 依日好自然醒, 醒完先知, 都成1pm 喇!! 緊係出街嘆lunch 喇!! 去食chinese 野!! 我同Brian 成日幫襯依間chinese 食店架!! 食到有啲侍應哥哥都同我打招呼添!! 哈哈!! .....係加拿大, 食完野, 想消磨下時間..就係去行下超市囉, 順便買啲咳藥囉! 咳到Brian 都頂唔順我喇!! 哈哈! 但唔知係咪Brian 接受比較多西醫文化, 我咳好似唔需要介口咁!! 行完超市...又去starbucks 買野飲...哈哈!!

   夜晚, 我好開心, 我等咗好耐, 因為我可以係我喜愛嘅餐臺打邊爐, .....打邊爐又係我至愛, 又可以玩..又可以食, 哈哈!! 我哋打邊爐, 好喜歡用小籠包打邊爐架, 啲小籠包索晒啲湯低汁, 味道幾好架!! 我同Brian 一打邊爐就食得比平時多,但唔緊要喇!! 放假就比個胃都relax 下喇!! 哈哈!! 

↓Lunch-- Brian 食咗蝶叉燒,燒鴨飯, 我食咗榨醬撈麵, 下午茶, Brian 飲double shot on ice,我飲咗杯芒果+香蕉飲品, 係starbucks 出嘅energy drink..但就好杰. 可以話好足料嘅!!

↓Dinner 食打邊爐, 有蠔,有蝦, 小籠包, 燒賣, 包芯肉丸,雲吞,豆腐,小棠菜 and 打邊爐啲薄肉(羊肉,因為我唔食牛肉架!!), 仲有beer....聽到咁多野食, 當然食唔晒喇!! 但打邊爐係要放晒啲食物係臺先食得開懷架嗎!!哈哈!! 

  

September 1 (Monday)
  假期最後一日, 依日成日都無出街, 因為都無咩地方開門營業, 係屋企開下洗衣機,熨下衫, 左抹右抹清理下囉!!.... 而最多時間就望住個電視, 因為"家好月圓"囉!! 真係好好睇, 我成日睇完都會喊, 見人家嘈屋閉就越想追看, 我發覺自己好似有啲變態...要喊,要嘈...就話齣電視劇好睇....哈哈!! 以前,聽到 "如果你有事"一定會喊...而家睇"家好月圓",聽到"分分鐘需要你", 一定喊.......突然間, 想自己ipod 有依首歌添!! 得閒揾下先得!!!

   雖然, 長周末假期, 好似過得好平淡, 唔學似啲外國人去cottage輕鬆下!!! 但我覺係長周末同Brian 咁樣簡單過, 都已經好舒服....

意大利餐

August 29 (Friday)

   長周末假期開始喇(Labour day)! 放到星期一(Sept 1)! Brian 話等咗長周末假期等咗好耐喎, Brian成日都倒數住邊日放假!! 我真係無Brian 收, 日日數住幾時放假...哈哈!!

    由於,早倫Brian 去咗意大利旅行, 成日都念念不忙意大利食品, 所以, 放假前, 我哋係網上摷咗一間近似Brian 口中嘅意大利餐廳, Friday 一放工, 我同Brian 就即刻走去試. 我依日仲專登着靚靚去添!!! 哈哈!! 間餐廳格局都ok...一入餐廳已經係意大利佬招呼, 我心諗依間應該係Brian 想去啲意大利餐廳!!  我哋由頭盤食起, Brian 一邊食, 一邊話...「係呀係呀!! 就係依隻味道!!!」Brian 終於, 都揾到一間餐廳, 係近似意大利當地啲食物, Brian 係依日仲開心過我....仲咩都比多啲我食, 依餐食到我個肚都脹"book book" 喇!!哈哈! 食完dinner, 我同Brian 去附近一間gelato 店食Gelato, 我個胃全部裝住晒, 意大利食物喇!! 哈哈!!

   終於, Brian 係加拿大, 帶咗我去食意大利口味嘅食物,...我好感激, Brian 為咗帶我品賞意大利食物嘅味道, 而周圍奔波....

↓由於西人餐廳比較靜and 有啲黑, 我一影相, 個閃光燈就着, 攪到全間食店啲食客都望住我, 所以, 我都係影咗兩張相, 就唔敢再影, 係埋單時攞張take out menu 走...返屋企對住個take out menu影啲餐廳環境比大家睇.....

↓我就係影咗以下兩張食物相, 而依個意大利餐, 我哋食咗好多野, 有Bruschetta, Prosiutto and Melon (第二張相), Cheese Torellini, and Prosciutto goat cheese 薄pizza

餐臺樂

August 28 (Thursday)

    由於,前排買咗新餐臺, 真係好享受係屋企食飯, 而且,依幾排Brian 可以早一點放工, 所以, 可以早一點時間開飯 (dinner). 其實, 我煮啲晚餐非常簡單...但係新餐臺食dinner 好似好興份, 所以, 煮得簡單, 但都覺好享受...哈哈!!!  有時, Brian 仲早啲起身,坐定定食早餐先返工添!!  今次,我決定買餐臺真係買得無錯...哈哈!!
 
    黎緊個weekend, 係長周末, 我都想係屋企食....我已經同Brian 講, 我set 定咗幾餐, 要係屋企食架!! Brian 平時, 一放假就出街食...但因為新餐臺, Brian 都喜歡係屋企食!!Yeah!! 
 
    其實,買咗新餐臺, 我還未整過我心愛嘅甜品蛋糕食過!! 可能Brian 早了一點放工,平時,我等Brian 放工有時間, 都會做啲蛋糕仔, 之後, 先煮飯... 而家一放工就係時候煮飯, 所以, 好似忽視咗我啲蛋糕工具添!! 但依排咳, 都係唔好食太多甜椰椰野,...等好返啲先.....我要介一介口!!!

↓有一日,我煮咗星洲炒米...飯後有cherries 食

↓有一日,我整咗啲抆肉...加蝶菜就開飯, 飯後有哈蜜瓜,其實, 我仲煮好多日飯, 但有時煮啲野實在太家常..所以,都費事影相..哈哈!!

Women day

August 27 (Wednesday)

     依排都唔知咩事係咁咳, 一朝起身就咳,  有時會忍住唔咳, 但一有人同我講野, 我就忍唔住咳, 都唔知做咩, 我會咁容易咳!! 

     到下午lunch time 就食飯時候,...同個blog 友係網上傾計,  講開先知今日係women day, 差啲咳到唔記得有依個日子添!!!  好彩blog 友提下我咋!! 如果唔係我攞唔到women day 啲free gifts...哈哈!! 其實, women day 已經舉辦咗成六年喇!!! 我都係第一年去Women day,  而依個Women day 係一個針對女性產品嘅推廣, 好多針對女性產品嘅公司都會參展, 當中會送啲贈品比啲參觀啲人, 等你試到好用, 就幫襯啲產品囉!! 大家互相互利互用喇!!   所以, 好多着到好行政人員啲女士, 都走去攞free gift 架!! 我仲見到啲西裝男人都攞添!!! 哈哈!!   而我見有free gift,....以前又未去過, 見lunch time 有啲時間就即刻去行個圈喇!!! 哈哈!! 仲攞咗成袋贈品, 先捨得走...哈哈!!

     我返到屋企同Brian 講, 我lunch time 去咗Women day, 仲攞咗成袋贈品返屋企, Brian 都配服我, 係 lunch time 短短時間可以攞到成袋 (好似超級市場袋) 嘅野返屋企!! 真係如果打仗, 我都應該搶到野食, 唔會餓死...哈哈!! 

     到食完飯, Brian 仲摷我啲贈品, 因為贈品當中有盒茶包, Brian 見到咪沖黎飲囉, Brian 仲話啲茶幾好飲添!! 但如果我叫Brian 幫我去攞免費茶包贈品, Brian 一定唔理我喇!! 調轉頭, 如果我攞啲贈品返屋企, Brian 就會享用...(偷)我啲贈品用!!哈哈!! 所以, 我覺好多男士, 都唔夠膽攞贈品架!!! 仲害羞過啲女仔...哈哈!

↓Women day係戶外舉行 ....依日有Free gift 派, 緊係人山人海喇!! 有啲產品仲要排隊先有得派....

↓有個產品迫人上貨櫃參觀先派贈品...就係參觀個廁所裝飾!!!

↓有健康飲品推廣, 由於依隻牌子會派成盒茶包, 所以, 大把人排隊, 但排隊途中會有人派飲品,我飲咗成三杯呀!! 其實, 我都唔想飲太多, 因為我咳......但我次次飲完都拋個杯入垃圾筒...啲人見到我手上無杯又比一杯我試飲...後尾醒啲, 渣實個杯, 就無人再比飲品我飲....哈哈!!

↓以下, 就係我係Women day 嘅傑出...攞咗啲無糖成份嘅珍寶珠糖and 喉糖, 仲有coupons, 果汁沖濟, 步行計算機, 一啲sample 裝嘅hand cream, 洗髮液, 茶包, 防敏感藥, Shaves, and 啲八婆雜誌囉!! 哈哈!!

**寫完依篇blog,覺自己好貪小便意添, ...攞咗好多贈品返屋企...哈哈!!

Cruise

Aug 27 (Wednesday)
   早排Brian 同他parents 去咗17天旅行, 17日喎!! 時間好長呀!!...Brian 一家人究竟去咗邊度玩!! 佢哋去咗歐洲坐遊輪( Emerald Princess), 而坐遊輪有個好處, 就係唔洗成日轉酒店, 唔洗日日執行李!! 而坐郵輪, 每日都會停一個地方, 你上岸就玩, 玩到船駛走之前上返船就ok...而且, 船上有許多設施(戲院,賭場,游泳池, gym...)仲有好多唔同地方食物供應, 有一日仲有機會同船長食飯添!!!!所以, 而家坐旅輪都唔太悶!!

  一去旅行, 一定會影相喇!! Brian 去完旅行都成個月, 依排Brian 終於整理啲旅行相喇!! 聽Brian 講, 今次旅行影咗2千張相...乜歐洲真係咁多景要影架?? 我都係唔講咁多野!!! 我介紹啲歐洲景色比大家睇喇!!

↓第一張相係喺Venice (威尼斯河), Brian就係威尼斯上遊輪, Brian 今次旅行自己住一間房, Brian 一到自己房, 就走去露台影威尼斯河...打開17天之旅.... Brian 上遊輪時仲坐gondola (小艇, 有水手)遊覽威尼斯河添.  

↓好多時Brian 都要坐快艇先上到岸...Brian 身後白色細細粒嘅船, 其實係遊輪黎架!! 由於遊輪體積太大喇, 如果埋岸啲水唔夠深,  郵輪就會係海中心停, Brian 就係海中心上快艇上岸,  坐快艇...可以背住茫茫大海影相,...感覺好舒服呀!! 而第二張相, 係Brian and 佢parents, 係郵輪上着靚靚, 去formal night dinner (同船長食飯呀!!)

↓愛琴海, 小白屋, 成個山都係白色屋好靚呀!!...有齣台劇都係依樹拍架!!

↓係 Santorini啲景咁靚,咁特別緊係要影全家福喇!! 第二張相係由山上影落個海(愛琴海)...住又住白屋...望又望到個愛琴海, 好舒服呀!!!

↓見唔見到好多凳呀!! 其實係餐廳黎架!! 坐正係愛琴海側邊食飯..好嘆呀!! Brian 就係依間餐廳食lunch.....食飯時真係近距離對住愛琴海, 仲可以望到白屋!! 依間餐廳真係識揾地點做生意!!

↓Brian 企係St. Mark Square (都係威尼斯)...依度好多白鴿架! 啲白鴿好似唔怕人咁, 哈哈!!! 而第二張相, 係喺羅馬(Rome)...依座係購物商場, 歐洲真係有藝術細胞, 連商場都起到咁古典味, Brian 仲話, 個購物商場周圍都有好多大大件藝術擺切添!! 我有啲手信, Brian 就係依個商場買比我 ...而第三張相, ...係意大利參觀一個手製Mozarella cheese嘅地方...個嬸嬸手上就係試範緊Mozarella cheese 嘅製作囉!!

↓啱啱北京奧運會過去咗, 而Brian 無去到北京奧運會嘅鳥巢, Brian 去咗第一屆奧運會嘅地方---雅典(Greece, Athens)參觀, 其實, 雅典奧運會場地, 已經得返幾條柱(Acvoplis), 有啲場地什至得幾o舊石 or 變成空地, 因為地鎮, 而且, 沒有好好保養, 所以, 參觀第一屆奧運會場地要好好想像力先知道, 邊度係跑道, 邊度係以前嘅會場, 真係要估估下先知....Brian 仲係個雅典奧運跑步徑...跑住步影相添!!!哈哈!

**後記:  其實, 依次17天之旅, 日日都有成40℃, 天氣非常熱, 而且, 歐洲好多地方唔興有冷氣供應架!!  所以, Brian 一邊參觀一邊流汗, 身型也好像瘦了! 啲皮膚晒到好黑, 生了些雀斑添! 但Brian 去完依次旅行..好像好喜歡, 間唔中都聽Brian 提住, Brian仲話遲啲帶我去添..Ok...聽住先喇!!...哈哈!!