好早就起咗身
, 就同Brian 落街食個breakfast 囉!! 我同Brian 去咗Tim hortons 咖啡店, 食早餐
, 因為依間咖啡店係依排成日係電視賣廣告話
, 出咗新早餐食物, 都好似幾吸引, 所以,未同Brian去試下囉!! 順便可以玩埋中獎杯!!
我哋去食早餐之前,都買份中文報紙, 因為中文報紙
係星期日會奉上一本娛樂雜誌
, 所以, 見經開報紙店, 就買份報紙, 順便可以一邊食早餐,一邊嘆下報紙囉!!Tim 記 (我稱呼Tim hortons 咖啡店做Tim記) 啲早餐都算係咁喇!! 價錢就同麥當當差唔多喇!! 但Tim 記個啲好似健康過麥當當, 因為麥當當啲包好多油架!! 食完個早餐飽足成日呀!! 哈哈!!
Brian 就食sausage and egg sandwiches
囉!! Tim 記杯中獎杯
...我又唔中喇!! 要Play again 喇!! 哈哈!! 唔緊要喇..食早餐仲嘆埋chinese newspaper! 都好舒服!0
食完早餐, 嘆下報紙
, 之後, 去咗書店打書釘, 睇咗好多雜誌, 睇完雜誌就行返屋企, 之後, 同咗Brian 去睇電話, 賣電話
, 買電話...又順便行下街咁喇!! 行街又有收獲, 又買咗袋野返屋企, 今次係買咗成袋零食, 薯片
, 朱古力
咁囉!! 雖然,知無益, 但我見減價, 又買買買, 買啲零食看下門囉!! 到夜晚都唔係好想煮飯, 因為差唔多係條街行咗成日, 好攰呀
!!..... 我就係咁已, 係街買啲飯盒食,就算喇!! Weekend 又話咁快完喇!! 
好大雪呀
ReplyDelete[版主回覆03/09/2008 02:04:00]Miss cheese cake: 今年我依邊特別凍, 連落雪都比以前多好多添!! 我知香港個邊都凍過以前好多呀!! 你都take care 呀!
我都成日食零食架．．．我好奇怪架，食到生暗瘡先會停口，休息一排好返，又再食過架！
ReplyDelete呢日你地食叉燒飯及乾炒牛河，好少有喎．．．．．．．呢排真係食多咗中國嘢呀！
[版主回覆03/09/2008 02:16:00]爆炸魔女: ~你食零食都幾誇張, 食到生暗瘡先停,咁你咪要同仔仔爭零食囉!! 哈哈!! 我諗你需要飲多啲涼茶喇!! 哈哈!! ~其實, Brian 好喜歡食chinese 野架!! 越港式越仲意!! 我唔食牛肉架!! 所以,我好少整牛肉,而且乾炒牛河,都幾難炒得好,所以,我出街,都會叫Brian....叫多啲牛肉食架!!
我老公都幾鐘意Tim Horton's...不過我地而家住果到冇~ 哈哈
ReplyDelete[版主回覆03/09/2008 02:22:00]晴天蛙蛙: 我間唔中都去Tim Horton's, 咪就係杯double double and butter bagel 囉!! 最例牌架喇!! 你先生以前又係咁order 呀?? 哈哈!! 你返黎加拿大玩,就一定去Tim Horton's 飲杯野喇!! 哈哈!
我都覺得Tim Horton's breakfasta sandwich幾好，不過最衰我仲係鐘意麥記既hash brown，所以都係去個度多d!
ReplyDelete[版主回覆03/09/2008 02:27:00]Mui: 講真,Tim horton's 個B.E.L.T 又真係幾好食, 而且唔油, 都幾好食, 而且都好健康!! Tim Horton's 而家都有Hash Brown 賣架!! 但緊係麥當當啲Hash brown 好食好多!! 哈哈!!
原來明報~~仲有乜中文報紙架?
ReplyDelete好耐都無食過乾炒牛河喇....細細個時我成日都食架, 食完就做功課, 幾乖丫
[版主回覆03/09/2008 02:39:00]細細粒: ~依道除咗有明報之外,仲有星島囉!! 仲有一份叫現代日報(係加國華人自己創立架) 講真,依道都幾多中文報紙!! 但我好少買架!! 係星期日如果經開先買份黎睇!! 話樣你知,我細個都仲意睇報紙架!! 所以,daddy 就訂比我睇囉!! 哈哈!! 但黎咗依邊就order 英文報紙...但搬出黎住就無睇報紙習慣喇!! ~你咁乖架!! 食完野就做功課架喇!! 如果我啲妹, 食完唔叫做功課,真係唔知幾時先肯做呀!! 你阿哥 and 家姐, 一定唔洗勞氣!!我唔食牛架!! 所以, 出街會叫Brian ....order 牛肉食, 但Brian 有無牛肉都ok......所以,我少整牛肉...他都無投數架!! 哈哈!
嘩.....有我既至愛"維他檸檬茶"呀~~~
ReplyDelete[版主回覆03/10/2008 13:36:00]檬檬: 我依樹有維他飲品賣架!! 我就比較少飲....個包檸檬茶係Brian架!!