March 16(Sunday)
依個weekend 風和日麗, 一起身就看見太陽
, 非常開心!! 起身無幾耐就同咗Brian去deal 電話
, 之後, 我就自己坐車
返媽咪屋企
, Brian 做完自己野, 夜少少就會上去我媽咪度!!
一見到媽咪, and daddy and 細妹, 當然係出街飲茶喇, 但我哋依家人越黎越遲先飲茶, 成兩點先到茶樓嘆點心
!! 由於,個個都太遲食lunch, 啲點心一黎到就清晒!! 自己都無影到相!! 哈哈!! 食完lunch , 二妹要daddy 車她到一個商場會合, 二妹自己個男朋友!! 我哋成家人都唔想二妹渣車
, 因為我哋發覺, 每次二妹渣車, 她男朋友好像當她係司機般!! 要我二妹車出車入!! 有時去到二妹男朋友屋企門口, 依位男士仲未起身, 仲反過黎話我二妹自己早到!!! 我坐在車裡都覺過份!! 最過份係二妹男朋友明明有車都唔渣!! 一啲gentlemen 都無!! 我發完"爐 蘇"!!!
講返, daddy and mommy!! 其實,我次次返去都差唔多節目!! 飲完茶,就同媽咪去超市
買餸返屋企煮, 係超市途中五妹話要整jelly 食
!!! 我上幾次返媽咪屋企都有整小甜品返屋企比啲妹品賞!! 今次,五妹都話要自己整啲飯後甜品!! 哈哈!!!
五妹整嘅o者哩, 有兩隻味, 有荔枝味同提子味!! 仲加士多啤利作裝飾添!0
同屋企人買完餸,返屋企, 我都未坐穩, 媽咪又比涼茶我飲!! 仲要飲兩大杯!! 飲完仲陪我daddy 落basement 做跑步機運動!! 當中daddy 又同我傾計, daddy 真係勁, 一邊做跑步機, 一邊仲傾到計, 比我都無晒氣喇!!
到夜晚, Brian 黎咗我屋企就開飯
!! 媽咪煮飯
真係快!! 我哋依餐dinner 又係魚餐!! 因為我屋企人都喜歡食魚
!! 連湯都係魚湯!
! 食完飯仲同daddy and mommy打麻雀
!!! 我同Brian 對麻雀都非常陌生,要五妹從傍指導!! 先知點玩!! 玩到零晨1點, 之後, Brian 同我, 四妹 and 五妹出街飲野!! 就係去咖啡店
飲中獎杯
,喝足四杯都無一杯中!! 真激氣!! 但就同四妹 and 五妹講將來嘅工作, and 前途問題!! 由於我哋係生長加拿大嘅香港人, 有時揾工都會諗埋究竟去唔去香港!! 講依啲, 講到成零晨三點, 但我同四妹and 五妹都係床上繼續傾!!! 傾到零晨七點先瞓!! 哈哈!! 其實,我哋幾姐妹成日都傾計, 成日都講唔停!! 哈哈!
媽咪煮嘅dinner, 有陵魚肉煎蛋,煎午餐肉,搖柱上湯娃娃菜, 蒸青斑, 一隻凍蟹, 而係蒸魚旁邊,啲檸檬荽茜魚露醬, 好野味, 連食菜都點黎食!! 0
第一個感覺係張枱好大~~~你又會得閒就返去family day, 其實好好架~~加上你同d妹感情又好, 反而我大個咗都好少同家姐傾咁多偈, 有時家姐同我講嘢, 我都無心機聽佢講, 好快就收線~~~
ReplyDelete睇嚟你對你二妹個男朋友麻麻哋....不過, 佢唔係幾好囉, 好似蝦你細妹咁~~~佢哋係咪拍咗好耐架啦? 有時我屋企人都麻麻哋鍾意raymond架, 覺得佢太靜, 唔多出聲, 我屋企人又唔會問佢嘢, 搞到大家鬼死咁靜~~~
[版主回覆03/20/2008 17:12:00]細細粒: ~我屋企多成員嗎!! 當然,要大張啲檯先夠坐喇!!我依日family day 只有5個人食飯咋!! 因為其他妹有節目!!所以,5個人坐依張檯,仲影得仲大呀!! ~你好似有個家姐,見你上次約家姐去食日本野,仲以為你哋好好感情添!! 原來,你同家姐唔係好friend架!!乜你咁架!! 家姐同你傾電話,你又無心機聽,點得架!! 有時好多野,都有雙對架!! 你試下用心啲聽你家姐講野!! 你哋啲感情會好好架喇!! 我同啲妹,啲年齡都差幾遠架!! 但我哋咩都講架! 瞓係床都會係咁講,可能我哋唔係一齊住!! 有啲妹又去咗school residence 住,都係一星期先返屋企一次, 所以,大家一見面就好多野講!! 可能,我哋又係女仔! 講咩都得!! ~我二妹個男朋友, 我哋成家都唔仲意!! 二妹男朋友都唔同我傾計架!! 好似好巴幣咁!! 我都有同二妹講,但二妹仲好似想同依個男仔拍拖, 我唔理喇!! 二妹仲意就算喇!! ~Raymond 係咪不流都係靜架!?? 所以,咪少野講囉!! 你屋企啲人,唔問佢野架咩!!? 我媽一見到我哋帶男仔返黎, 就已經同啲男仔傾下傾!! 傾到唔想停!! 哈哈!! 而且,我啲妹又八卦,一人一句, 就自自然然容入咗喇!! 你有時,都主動啲講下野, 令到Raymond 放膽講野嗎!! 雖然,你話Raymond 靜, 但他錫你咪得囉!!
通常WEEKEND既節目都係同屋企人一齊過架喇~~~你二妹男朋友唔係好得喎~~~做男人點可以咁架~~~
ReplyDelete[版主回覆03/20/2008 17:16:00]檬檬: ~我都覺你weekend 都會同你媽咪飲下茶,行下街!! 其實,我哋依啲咁嘅年齡嘅人, weekend 生活就係咁架喇!! 哈哈!!但返屋企, 食媽咪煮嘅野, 食得好開心!! ~有時,我都忍口唔講二妹男朋友, 但真係忍唔到,他真係, 唔係太好, 但二妹仲好似好想和他拍拖, 總之,二妹仲意就算喇!!
你媽媽和五妹好勁呀!~.....
ReplyDelete[版主回覆03/20/2008 17:20:00]小威威: ~我都覺媽咪煮啲野食,好好味, 雖然,相比街外啲restaurant,就好似係普通菜式, 但媽咪煮飯,有媽咪嘅愛心!! 所以,媽咪餐飯變得好好食!! ~而我五妹,好喜歡整jelly 食架!!
我又来（KacAU）打扰你啦。。
ReplyDelete[版主回覆03/20/2008 17:21:00]歐冰冰@比樂太太: hello! 你點呀!
個男仔真係唔得喎, 過份啲呀
ReplyDelete你媽咪, 好掂呀, 我都想加入食番餐
[版主回覆03/20/2008 18:13:00]通少: ~你係男仔都話過份,我依個家姐見到, 氣都難吞喇!! 但算喇!! 見二妹好似無咩咁, 我都費事出聲呀!! ~得架! 你黎我媽咪屋企食飯, 她都好開心, 都係加多兩雙筷!!因為預埋通太嗎!! 你哋唔"鹽" 氣就得架喇!! 我媽咪都係煮家常便飯咋!! ~我都想食你啲餸呀!! 去Montreal 一定揾你!! 你唔洗帶我出街食,我食你啲餸菜就夠架喇!!
一家人坐埋一齊食飯係最開心既
ReplyDelete[版主回覆03/20/2008 18:14:00]睛天娃娃: 一家人坐埋一齊, 無論食咩都會好開心!! 因為好溫暖!!
其實一家人簡簡單單食一餐已經好足夠,所以我好鐘意你媽咪呢餐dinner !
ReplyDelete我都係唔識打麻雀,D人成日都覺得好奇怪,好少H.K 人會唔識!
[版主回覆03/21/2008 02:20:00]高貓貓: ~你講得岩,一家人簡簡單單食一餐, 就好足夠! 我都好仲意返媽咪屋企食飯架!! 覺得好熱鬧,好warm, 食飯時間仲比平時食得耐,因為你一句,我一句,一邊傾計,一邊食!! 好開心架!! ~我都唔識得打麻雀架!! 我媽咪啲雀友都唔信我唔識打!! 我都係剛剛學,但唔係成日打, 好快又唔記得!! 成日係打麻雀之前都要review 下先得!! ~好多人,都以為,係親香港黎,就會識打牌!! 唔識打牌,好似係怪人黎!! 哈哈!!
ReplyDelete祝你有個 Happy Easter~^^
[版主回覆03/21/2008 02:50:00]MaGGie: Happy easter too!! 你襯依個假期,就玩下喇!!你遲啲又返學喇! 而家玩多啲喇!
wow..you have many sister wor..I am the only child in my family la..
ReplyDelete[版主回覆03/21/2008 03:12:00]Miss LL: 有時一個child 想決定一樣野係會快速啲!! 但人多啲係就熱鬧啲, 但idea 又會多啲!!
gd Aftern!Vicky...:)
ReplyDelete[版主回覆03/21/2008 03:13:00]歐冰冰@比樂太太: good afternoon too!! 你好得意,成日會send 啲hello kitty icon 比我!! thanks!
我地就成日都好晏先出去食嘢喇，朝早就俾麵包同奶阿仔，我地大人就慣咗兩餐當一餐，同埋香港有下午茶，覺得下午茶抵d．．．．如果同媽咪飲茶，佢都係同我去飲下午茶架，因為佢都覺得抵呀，又唔想我地飲貴茶呢！
ReplyDelete即係係二妹＆男友飲完茶就走咗喇？嘩，佢男友已經冇風度架啦，仲要人地成家人等佢，又要二妹去接佢．．．．唉，我地就會鄧二妹嬲，但格食格，無計！一個願打，一個願捱．．．．唯有叫你媽咪有時當同佢傾計咁傾，叫佢再慢慢選擇吓其他男仔，千祁唔好嫁錯郎啦！（最好都係由父母俾意見好d）
邊個咁曳，食飯有湯飲都仲要飲檸檬茶，係咪你？．．．．我屋企唔俾我地咁架，所以而家我都一樣唔俾阿仔咁樣．．．．．．
d餸好正呀，都好啱我食喎，我返屋企食都好開心架．．．．不過就唔夠你開心，因為你仲有好多好妹妹同你傾計，實在係好好，我想要都冇．．．．．
[版主回覆03/21/2008 04:13:00]爆炸魔女: ~我依邊加拿大,係weekend 都無下午茶!! 要閒日先有,而且唔係間間restaurant 都有下午茶, 我哋邊個會有時間係閒日去飲茶吖!! 但我daddy and mommy 多數係閒日都會同啲做運動朋友飲早茶!! 因為聽媽咪講,朝早飲茶都會有啲優惠!! 不過, 媽咪閒日飲茶都係消磨下啲時間!! 因為係閒日多數都無人係屋企, 得媽咪自己一個, 而家daddy 返咗黎, 都有daddy 陪!!所以, 我搬咗出黎住之後,都日日打電話返媽咪屋企架!! 而你媽咪都好識做, 唔想你哋比貴茶錢!! 都同你哋飲下午茶, 下午茶真係抵食啲!! 但我發覺我依邊好少有依啲下午茶架!!可能唔流行喇!! 我daddy 好快肚餓,所以, 他喜歡早啲食lunch 架!! 哈哈!! ~我而家, 大咗,都係一餐當兩餐食!! 好似早餐同lunch 一齊食!! 不過,weekend 多數都會瞓晏咗, 連早餐時間都過埋!! 好少食足三餐!! ~依日,一家人出黎飲茶, 我哋渣一架車都夠位坐, 但二妹話點都要渣多架車出街飲茶,原因--就係想去個男朋友度囉!! 但我daddy 唔比二妹渣多架車出街飲茶,所以, 飲完茶,二妹就叫daddy 車...二妹本人去商場揾佢男朋友囉!! 個男仔明明有車, 都唔車我二妹!!!而且,我哋飲茶地方同二妹男朋友逗留果個商場都好近, 但二妹男朋友, 都唔過黎車我二妹出街!! 真係一啲風度都無!! 二妹男朋友好似, 整到見唔見我個妹都得咁!! 我知道後極angry!! ~早排, 我返屋企, 二妹係車站接我, 順便接埋他男朋友去食lunch... (一家人食lunch) 我見我上車時,我二妹call 咗佢男朋友起身!!仲講埋幾多點會到達二妹男朋友屋企!! 我哋已經遲咗少少到二妹男朋友屋企, 但依位男士仲未起身, 仲話我哋早到,又話我哋咁早食!! 嘩!! 我哋係女仔黎架!! 已經特鄧渣車(都唔係好順路架!!) 去你屋企接你食lunch, 仲好似要三吹四情...一啲禮貌都無, 我妹黎車你,唔洗用神架!! 一聲唔該都無!! 仲一啲都唔覺我哋等佢係錯!! 依位男士,唔知錯不特止,上到車已經分乎我二妹,做咩做"襪"!! 車他去邊!! 聽到佢把聲都眼火爆!! ~不過,唔理喇!! 我二妹唔知點解仲好想同依為男士拍拖!! 我哋同二妹講晒,我哋應該講嘅比二妹諗!! 總之,二妹有咩選擇,我哋會支持!! ~包檸檬茶係....Brian 架!! 佢有特權,可以食飯時飲檸茶!! 我媽咪都唔比我啲食飯時飲其他野, 除咗水, and 湯!! 你見唔見到我隻藍色水杯, 係我架!! 我食飯就算有湯飲,都會飲暖水架!! 我係屋企先係咁,平時出街,唔會咁架!! 哈哈!!但依餐飯,我照飲到兩杯湯架!! ~依餐好家常便飯, 係媽咪煮架!! 可能人哋會覺普通,但我覺好好食!! 啲餸岩你食呀!! 我媽咪聽到有人欣賞佢啲餸,一定好開心!! 哈哈!! ...總之,返屋企食飯, 好開心!! 我覺得你都係...返娘家食飯都會好開心!因為媽咪永遠知我哋啲口味, 而且啲野食永遠向健康出發! 食多多都唔怕!
Vicky: ~唔使咁勞氣呀,依家d男人好多都無乜風度架,真係買少見少啦!你二妹無你咁好彩啦,搵到個對你體貼入微既Brian...嘻嘻第時你生BB,都要教個仔要有風度呀! ~原來你daddy仲係加國,你就好啦,有跑步機係屋企,可以幾時做運動都得,我都好想好似你咁呀,可惜經濟未許可啦!第時我買屋都要整部跑步機係屋企先得! ~我覺得係外國既香港人有個好處,就係進下攻,退下守,邊度好環境就去邊度做野,其實美國依家經濟好差架,所以我同老公都想年尾返香港玩之餘順道搵工架!你同細妹傾多d計係好架,關係好d之餘亦可以教導下佢地嘛!你真係一個好家姐啦
ReplyDelete[版主回覆03/23/2008 16:17:00]陶陶夫人: ~有時真係好勞氣架!! 但無辦法, 二妹都無話啲咩,而且, 我都同二妹講過好多野!! 希望二妹會知點!! 但二妹做咩決定無論點,都會支持!! ~至於,風度嘅野,係發自內心, 我都唔係好想講二妹男朋友太多, 好似背住人講人嘅不是...其實,唔係咁好!! 但我將來自己啲bb 就會由細個開始慢慢教, 但自己當然要以身作則先!!! 所以, 我都係未適合做媽咪住!! 二妹男朋友一唔好,我就黑面架喇!! 哈哈!! ~我daddy仲係加拿大, 他唔係成日肯做運動架!! 要我哋迫下,講下先肯做架!! 但我都唔好得daddy 幾多, 我都唔係成日去跑步機跑步架! 我令願幫下手做家務好過!!但如果長假期返媽咪屋企,都會去跑下個跑步機! 其實,唔一定要跑步先會健康架!! 有時行得路多, 食清啲,都有健康嘅效果架! ~有時我都覺身為外國嘅我哋!! 真係有進下攻,退下守依個好處, 但once 你決定咗一個落腳位, 就最少要停留兩,三年, 如果係好嘅發展,當然係好喇!! 如果係worse 嘅!! 要係外國領土從頭黎過, 都幾吃力!! 所以,第一步永遠都好難作決定! ...至於,我係咪一個好家姐, 我答唔到你呀!!但我哋五姐妹, 全女班, 咩都會講架!! 哈哈! 但, 我會盡量了解啲妹發生咩事, 再加啲意見作參考, 希望能夠她們自己嘅路會行得順啲喇! ~我覺你先生好abc 架!! 返香港會唔會唔慣呀?? 但美國係經濟貨車頭, 如果美國經濟係唔好, 好多國家都會受到拖累!!不過,你哋係香港依個地方,做多個防圍線都係好架!! 因為可以有個保障!! 而且, 返香港見工一轉,就可以順便知道有咩類型嘅工作會適合自己, 同埋你同你先生會唔會適合香港嘅環境!! 我都支持你咁做!! 都係岩架!!
好開心呀，又番屋企過family day，你地幾姊妹真係好好感情呀，傾計傾天光!聽你咁講，唔怪得知你話你唔係幾鐘意二妹個男友，拍緊拖都已經係咁，結左婚咪仲差？不過好難既，你妹妹鐘意，好難talk her out of it既。
ReplyDelete[版主回覆03/23/2008 16:26:00]Mui: ~我哋五姐妹嗎!! 全部都係女仔, 女仔就多野講啲! 我哋講到喉沙沙都會講架!!哈哈!! 而且, 我哋唔係成日見, 所以,一見面就更加多野講!! ~你講得岩, 二妹仲意,我哋都幾難講到啲咩,我哋要忠告啲野都講晒!! 二妹咩決定,我哋會謂有支持!! 如果我哋反對,...二妹第時有咩野係唔開心,都唔敢同我哋講架喇!! 咁咪會仲麻煩!!
我好少... 直頭無咩會機好似你咁幾姐妹一齊傾咁耐呀~~
ReplyDelete鬧交就有份~~ 哈哈哈
大家都唔係好 close 架咋~~ 應該係話有代溝 傾唔埋架!!
[版主回覆03/23/2008 16:33:00]畫: 我發覺你啲兄弟姐妹比你大啲,而且你啲家姐又嫁咗出去,又有自己頭家,所以,就少咗同你傾計囉!! 我同啲妹係細個都有鬧交架! 但大咗, 大家好少見架!! 因為我哋住學校residence, 唔係成日見,但一見就多野講,而且,我哋又係全女班, 女仔自然多野講架喇!! 有時我daddy都話我哋好嘈架!! 哈哈!!