已經一早聽天文台講
, 話March 8 場雪係入冬已來最大嘅一場雪, 其實, 由琴日(Friday) afternoon 已經開始落落落...到我星期六起身
都繼續落....天文台話落到星期日朝早先停. 場雪
真係幾長氣喎!!
我已經諗住今個Weekend乖乖咁坐係屋企,唔出街...做下家務!! 但我一見到出面啲雪,就好想落街玩雪
, 而且屋企又唔夠洗衫啲detergent and Fabric Softner...想試新洗衣機
都唔得添!! 我咪用依個籍口
,叫Brian 同我一齊落樓下買, 順便可以去埋麥當當食早餐and 玩雪囉
!! 哈哈
!!嘩!!今次,啲雪
真係落得幾多, 我沿途一邊行啲雪就係咁落....周圍都白晒!! 而我真係發咗神經, 我玩玩下雪, 我竟然瞓咗
係雪上面玩呀!!哈哈!! 我都係黎咗加拿大第一次瞓係雪上面咋!! 好彩件樓係防水....唔會feel 到太凍!! 而且, 一早條街無咩人, 我先咁做! 如果唔係, 我幾驚
比人話我crazy 呀!! 哈哈
!!我都以為食完麥當當 and 買完洗衫啲detergent!! 會係屋企做家務
做成日, 點知, Brian 有個客話想買佢部手提電話
, 想係今日deal...因此,Brian 就約個電話客係地鐵站
附近某個商場等, 我哋都費事渣車, 因為啲雪落到能見度好低!! 坐地鐵仲着數, 就係咁, 我同Brian 係大風雪日都去咗行街街
!! 去到商場
, 真係好靜!! 我都好少見星期六啲商場會咁靜, 無咩人行!! 突然間, 感覺個商場好似多咗好多空間添!! 哈哈!!! 由於坐地鐵, 我就同Brian 一次過行兩個商場先捨得返屋企
!! 今日收獲, 就係買咗支紅酒
!!到dinner, 我就係屋企食, 又食打邊爐
囉!! 還掂屋企仲有好多打邊爐料...又紅酒
配打邊爐喇!! 食完dinner...唔知點解我哋大家都好想食dessert...但我又費事整,....我同Brian 又落樓下
(我屋企附近都有幾間24 小時超市) 買dessert 食
!! 順便送埋dinner 飲剩果半支紅酒
囉!! 雖然,落到街夜麻麻....但啲
仲係咁落, 都無停過!!! 同Brian 係樓下仲玩咗陣snow fighting, 先買dessert 返屋企!! 哈哈!!本來我仲以為今場大風雪會留屋企.....所以, 留定好多家務係今日做, 我仲食完早餐之後,洗咗機衫, 由於,想試新洗衣and 乾衣機, 所以, 我咩都洗一餐!! 點知, 下午就出咗街,我到食完dessert
, 洗完碗
, 我仲要接衫
, 抹地
,真係好攰, 今日, 仲係冬令時間最後一日, 仲少咗個鐘頭用添!! 攰上加攰
! 但大風雪出街,又幾好玩!! 哈哈!! ((如果比要鏟雪啲人聽到我咁講, 一定好angry都似!))
擋一擋先得!! 0
哈哈哈, 你真係好enjoy呀, 哈哈
ReplyDelete[版主回覆03/13/2008 16:12:00]通少: 哈哈哈!! 如果唔洗鏟雪,唔洗渣車,唔洗返工,落雪其實係好好玩架!! 我幾enjoy 架!! 哈哈!! 我咁講,對你要成日鏟雪嘅你,你一定會眼紅我...哈哈!!
好鬼多雪!!
ReplyDelete瞓係啲雪到感覺係咪好正~~
[版主回覆03/13/2008 16:17:00]畫: ~其實,係加拿大住預咗落雪!! 但今年差唔多落親雪, 啲份量都比以前多!! 有時出入都幾唔方便!! ~我自己都傻傻哋!! 玩雪玩到瞓係度!! 講真,起初瞓係地軟棉棉,都幾爽架!! 但瞓多陣就開始凍喇!! 哈哈!! 我都係第一次瞓係條街,哈哈!!
嘩，你真係好似傻咗咁呀，瞓落d雪度，睇到都好凍呀．．．不過又真係好得意，瞓落去軟綿綿，真係未試過呀！
ReplyDelete哈哈．．．．你又點會咁乖留喺屋企唔去街呢？你一定會出去行吓架．．．．．
呢一日，你要做咁多家務，Brian有冇幫吓你手呀？．．．．．我每日都一樣要做好多家務，所以要到夜晚先有時間坐定定呀！
[版主回覆03/14/2008 01:34:00]爆炸魔女: ~我都覺自己傻咗!!! 當街當行瞓係啲雪道,初頭感覺幾舒服,學你話齋, 係軟棉棉架!! 但之後就有啲凍, 當然即刻起身喇!! 哈哈!!我聽啲細妹講,話依邊啲小朋友都會咁瞓係啲雪度架!! 但係小朋友囉!! 成人就少見啲!! 哈哈! ~你真係太了解我, 我聽天文台講話,落大風雪,...我就同自己講,如果起身時,出面啲雪係大,積雪又多,會迫Brian同我去麥當當食野!通便玩雪架!! 哈哈!! 但就無預到會去坐地鐵行商場囉!! 所以,行商場係意外收穫!! 哈哈!! ~我喜歡整齊,所以,喜歡自己做家務, Brian有時都會幫我抹洗手間, 我都覺得好大工程架喇!! 因為他由細到大,都唔洗做家務架!! ~我都估到你一日會做好多家務,而且你又喜歡乾淨, 會更加做唔停!! 我無你咁勤力架!! 我一星期先吸塵一次!! 哈哈!! 但Brian都已經話我坐唔定,有時我會襯他未放工,返屋企盡量做啲家務!! 費事Brian幫手!!搞亂我檔灘!! 哈哈!!
Oh my... I was talking to my brother and he was telling me how much snow they got in Montreal. You guys in Toronto had it the day before. I'm so glad I'm not there!
ReplyDelete[版主回覆03/14/2008 01:39:00]Fatgarfield: ~你真係吖!! 笑我...你係壞人黎架!! (講笑咋!!)哈哈!! ~我唔洗鏟雪架!! 所以,落雪都ok...但就唔可以渣車出街玩囉!!係星期六落都好,又唔洗返工, 安全好多! ~我睇電視話,Montreal 場雪好似仲多仲大呀!你brother 鏟雪都要小心!
唔記得睇過邊套戲又係講影低過"大"字形雪印!
ReplyDeleteBrian 同你好浪漫!係街(仲要係downtown )玩雪!
[版主回覆03/14/2008 01:46:00]高貓貓: ~我好少睇電影架!! 但我都聽人講過,"大字"型雪印!! 我都係第一次,當街當行瞓係啲雪度!! 初頭都幾軟棉棉!! 但之後,就幾凍喇!! 即刻彈起身!! 好彩做到個幾似樣嘅雪印!! ~玩雪都浪漫,....Brian陪我玩多!! 我玩雪係朝早 and 夜晚,所以,條街無咩人..哈哈! ~講真,唔洗鏟雪,玩雪當然開心....但要鏟雪,見雪就驚喇!!!夏天又要鏟草,所以,喜歡住apartment 多啲!
哈哈.....你好鍾意玩雪喎,唔凍咩???不過我都想試下~~~
ReplyDelete[版主回覆03/14/2008 14:14:00]檬檬: ~其實,落雪時白色,好靚,但要襯啲雪仲未被烏jo 之前玩先開心!! 哈呀! 遲咗玩啲雪,會變黑色,一啲都唔靚!! ~你有機會黎加拿大旅行,都試下玩雪吖!! 我同你and 張生一齊玩吖!
乜冬天真係落咁耐雪架, 到3月都仲落咁耐, 定係d天氣反常晒呢? 香港呢幾日都幾暖, 中午時仲會升到廿幾度....我哋都係著2件衫就得喇~~~~
ReplyDelete可能畀我第一次見到雪我都會玩得好癲, 如果成日見到就未必會玩咁多次囉, 你真係傻傻哋架, 每次見到都要玩一餐
呢排你真係飲多咗紅酒喎.....幾篇blog都聽你講飲酒, 咁你咪食多咗嘢? 除咗正餐之外, 又食蛋糕, 甜品咁~~~唔好變肥妹丫~~~
我而家去新屋住時都要做多好多家務呢, 真係唔慣丫, 但唔做又畀人話.....哎, 想懶d架嘛~~~
[版主回覆03/14/2008 14:31:00]細細粒: ~我依邊落雪,落到四月都有得落架!! 而且天文台,都話會係未來依幾個星期,都有機會再落雪架!! 鏟雪工人,仲要繼續做野!! ...三月都二十幾度喇!! 都幾暖,有啲熱添!! 哈哈!! 但你返工,坐冷氣房, 就着多件外套,我成日都覺香港啲冷氣好涼架!! 哈哈! ~我都幾喜歡落雪架!! 因為白色好靚囉!! 而且我屋企啲妹好少同我玩雪,因為她們成日話我顛顛哋, 唔同我玩!! 哈哈!! 係喎!! 你結婚之後,去唔去honeymoon 架?? 去啲落雪地方, 學我咁玩雪吖!! 哈哈!! ~飲酒,都唔會話特別食多野, 反而飲酒少食咗薯片, 但就會食甜品!! 哈哈!! 但啲甜品都唔係一次過食晒!! 慢慢食啲, 我諗應該ok掛!!...其實,我都開始要減低食量,學你做運動(我運動係行路).....但"的"唔起心肝!! 我想夏天着衫會好看啲!! ~你要開始習慣做家務喇!! 不過,新屋開始住時, 又幾多野做呀!! 咩都要抹一餐!! 但小心"琴" 高 "琴"低呀!! ~你係同屋企人住時,連家務都較少做架!! 你屋企人真係錫你,唔洗你做家務 and 煮飯, 我同屋企人住都有做下家務, 但煮飯就少,都係依幾年,先開始自己煮飯!!
里場雪真係勁呀，好鐘意你整既snow angel
ReplyDeleteBrian好得意，落雪拎住把umbrella
[版主回覆03/14/2008 14:43:00]Mui: ~依場雪,真係落到好似唔想停!! 落足成日!! 哈哈!! ~我都係第一次瞓係啲雪上面, 我啲妹話, 她們細個係學校, 一小息就會係雪上面, 整個snow angel...對手and 對腳都要 郁 黎 郁 去先似snow angel, 我依個係大字型嘅 snow angel...哈哈!! 好彩,你識欣賞Vicky 版嘅snow angel..Thank you!!哈哈!! ~你發唔發覺住西岸啲人, 一落雪,就好仲意拎umbrella出街咩!! Brian 係西岸人,所以,帶咗依個傳統係依邊囉!! 哈哈!! 我有時都會笑佢架!! 但我都慣咗佢依個習慣喇!! 由得佢喇!! 哈哈!!
So much snow! It is March already!!! I am glad you enjoy the snow though!
ReplyDelete[版主回覆03/14/2008 14:47:00]貓公館壹號: Yes, It's March already!! 但啲雪仲不段想落, 我聽天文台講,未來個星期都會再落!! 唔理喇!! 落雪就落樓下, 同Brian 玩snow fighting 喇!! 好好玩架!! 哈哈!! 當做運動喇!!
Vicky: ~睇黎越大雪你就越開心喎,成個大細佬咁呀你! ~你既新機好唔好用呀?你都係好鍾意試新野既人黎架啦, 次次聽你一買左新野就好想好想快d用!我不唔好話你,我 都係好貪新鮮既人黎架! ~ 乜莎莉有出朱古力芝士蛋糕咩?我其實好鍾意食 莎莉既牛油蛋糕架,但好貴,成日唔捨得買,係香港時就成日買黎食,好平,但美國就賣得好貴啦!
ReplyDelete[版主回覆03/18/2008 06:11:00]陶陶夫人: ~講真,如果落雪唔洗返工,又無緊要野做,我係唔介意落大雪架!! 我連鏟雪都會開心架!! 係加拿大最得着就係可以同雪有好距離接觸囉!! 我一見雪就好似顛咗架喇!! ~我都係貪新鮮架!! 但如果洗衣機唔即刻試,如果有問題,就可以即刻知, 可以即刻同店鋪講嗎!! 哈哈!! ~我依樹沙利都有幾多產品架! 我有時見沙利啲蛋糕特價都會買返啲返屋企, 因為我都係沙利蛋糕fans!! 哈哈!! 其實,我太耐無返香港,都唔知沙利產品貴唔貴!! 我依盒就$5 cdn,你話貴唔貴!! 我係24 便利店買..所以,就貴啲,如果係普通超市買,會再平少少!!
住柏文就唔駛產雪！但我就會把ttＳtoreＷinter。跑車行雪地好傷！唔好彩比妳咁上下的師奶撞一野仲傷！ down town用ttc都ok.
ReplyDelete[版主回覆03/26/2008 15:33:00]Kai Ming: ~ 你係加拿大居住過呀!! 你對加拿大啲交通工具好熟呀!! ~ 我冬天,好少渣車,而且我依樹坐車好方便, 費事渣架車出街,又擔心多一樣野!