邊道黎架?? 依道係加拿大嘅地下鐵站
, 某一個, 大堂閘口呀!! 我係依道等五妹放學經開依個站, 等五妹比信件
我!! 但由於我太準時到達, 所以, 五妹未到, 我就無無料料, 周圍影先
!! 講真,我都係第一次係地下鐵閘口影相!! 哈哈!!
咁啱六點幾, 所以,人比較多少少囉!! 有啲人係度等緊巴士
, 見唔見到, 右手邊咪有好多玻璃門, 啲人咪企係度等緊巴士囉!! 如果要坐地鐵,就要落樓梯架!! 但我只係閘口,所以, 無影到地鐵卡車個樣呀!! 其實,加拿大地下鐵都好長歷史!! 好似超過咗五十年歷史!! 所以望落去無香港個啲咁先進!! 但唔理喇!! 能夠到目的地就得喇!!
不過近來天氣涷... 坐地鐵會舒服d
ReplyDelete[版主回覆01/29/2008 18:10:00]小威威: 加拿大真係地大....一個地方去另外一個地方都需要好多時間先到, 有時坐完地下鐵,又要等巴士!! 坐完巴士又要等屋企人渣車係巴士站接返屋企....所以,我妹每日返學,都算坐地下鐵, 都唔舒服!! 因為返屋企過程要成個令鐘先到目的地!!
你就係喺呢度等封信喇，你真係好心急喎．．．．．．
ReplyDelete加拿大的地鐵真係冇香港咁新淨喎，而家香港多咗好多個新車站，所以好新架．．．仲有呀，而家香港地鐵改咗名，叫港鐵呀，因為合併咗呀！
[版主回覆01/29/2008 18:31:00]爆炸魔女: ~ 係呀!! 我就係依個地鐵站等你封信! 我係閘口出面等囉!! 其實,依個站係最細嘅地鐵站得一個閘口, 點都會見到五妹, 而且五妹放學都經依個站,所以, 就決定係度等!! 有啲地鐵站, 有成五,六個出口, 而且,依邊地鐵站,無香港果啲分A,B,C...出口..所以,好難係地鐵站約人!! 而且,加拿大地鐵,係收唔到手提電話信號架!! 有時都幾唔方便!! 而且,地鐵車速比較慢,坐好耐先到!! 一倫嘴係咁講依邊地鐵嘅不是...但其實, 我依邊啲加拿大人對地鐵無咩不滿架!! 可能我係香港大,所以,先有得比較!! ~ 封信,係你第一次寫比我喎!! 我當依封信係你比我第一份嘅禮物, 而且, 我又好耐無收信, 等咗你封信好耐喇, !! 所以,比較心急!!哈哈!! ~ 乜香港地鐵,而家叫港鐵!! 都係你講我先知道!! 我唔理喇!! 有得坐就得架喇!! 我點都覺香港交通最方便! 原來, 你屋企個道都有個站架!!我上香港港鐵網頁見到!!哈哈!!
同樣,又係光鮮過NY多多聲,NY既只可以用垃圾岡黎形容
ReplyDelete[版主回覆01/29/2008 18:39:00]陶陶夫人: 你係NY住架!! 我大學時,同啲朋友租架車,渣去NY, .....真係咩住背囊去旅行!! 果陣時,當然,無咩多餘錢, 到咗NY就坐地鐵,巴士周圍去!! 我一入到NY 地鐵, 我好驚,因為好黑,好骯髒!! 同繁華嘅NY 成為好大對比!! 我還覺得自己lucky, 因為我父母選擇黎加拿大生活! 我都係唔好講咁多,加拿大地鐵啲唔好野!! 因為我依邊地鐵,真係好過NY!