2008 年一開始,開心事接種埋黎......,首先,當然我TT 仔仔出世喇!! 第二開心就係我寫BLOG 寫到識咗好朋友, 仲係好關心我嘅朋友, 大家仲MSN, 又多一條渠道同大家聯絡!! 了解大家!! 估都估唔到寫blog有咁嘅收獲! 寫blog寫到可以有信收, and blog 友送愛心禮物!! 真係意外!! 係冬日裡,內心都感覺溫暖!
而我今朝一起身見手提電話係咁閃燈, 我就立刻Check下 email....原來,我係溫哥華嘅香港中學同學要係今年年尾結婚!! 數數手指,原來我和依位新娘子,已經識咗16 年喇!! 她還係Email 同我講, 話邀請我當她的姐妹....我真係好開心, 但有好驚訝!! 好開心溫哥華好朋友, 可以揾到自己幸福, 步向她人生精彩的一步! 而我好驚訝, 就係我中學同學揾我做姐妹! 講真,其實姐妹依個崗位係做咩架?? 我好少去婚禮架!! 我又唔係好識扮靚,都唔知幫唔幫到朋友!! 不過,朋友叫到就唔會托手掙! 希望唔好越幫越忙喇!!
Anyone?.......可以share 做姐妹...應該係點樣做先稱職呀??
1開心2開心3都係開心4唔知點!
Subscribe to:
Post Comments (Atom)
(Empty)
ReplyDelete[版主回覆01/22/2008 16:25:00]鴨仔,鴨仔: 個公仔好cute呀! ...我依邊真係凍咗好多!! 琴日成-24度, 聽到都驚!! 我會着多啲衫先出街!! thx!
做姊妹無咩難度, 最緊要落力d諗吓玩新郎哥嘅遊戲 !! 幫新娘換吓衫, 提吓佢要笑多d, 睇吓佢個妝有無問題 ... ... 總之攞個心出嚟幫佢就得啦 !!
ReplyDelete我剛剛 17/1 先做完姊妹 + mc, 我遲吓會 update 果日 d game & 情況架 !!
[版主回覆01/22/2008 16:33:00]beauty sandy: ~我都去咗你個blog個樹, 我見到你post啲相,你個日真係打扮得好好!! 我都要學下你先得!! ~我已經應承我朋友做姐妹,朋友叫到...我一定ok架!! 學你話...攞個心出黎幫手喇!! thx!!
係做姊妹定係stand in the wedding party?如果係姊妹，都係幫下新娘手，玩下遊戲個d。如果係bridesmaid，仲易，著得靚靚等影相
ReplyDelete[版主回覆01/22/2008 16:59:00]Mui: 多謝你, 比idea...原來做姐妹係諗遊戲玩!! ok...收到!! 我朋友話會係她結婚之前有meeting, 到時我唔明,先至再問你, thx!!
我和Beauty Sandy 的意見一樣~! 不過姐妹中有一個領導人叫做伴娘!~ 一生人只可做三次!~ 做得多不好的!~
ReplyDelete[版主回覆01/22/2008 17:10:00]小威威: 伴娘,..我都知唔可以做多三次! 我都係第一次應承朋友做姐妹,所以,有啲緊張!!
我覺得做姊妹最緊要係玩得，唔好咁拘謹，事前一定要同其仔姊妹見多幾次．．．．兄弟姊妹如果玩得，咁氣氛就會好好架喇！
ReplyDelete你同我都一樣呀，今年都係開心嘅一年呀！
封信你收到未呀？．．．．你喺我blog度問嘅嘢，我順便答埋你先．．．．
係呀，我係買咗d模同紅豆粒喇！真係好平好平咋，你唔好俾返錢我呀，我唔收架．．．．
我諗住遲d都有嘢俾你，咁啱睇到，咪買埋囉．．．．你仲有冇嘢要我買呀？有就要講呀，唔好客氣呀！．．．香港買嘢比較方便，又比加拿大平，趁你有人返去咪買埋俾你囉．．．．．你唔駛同我客氣！
[版主回覆01/22/2008 18:09:00]爆炸魔女: ~ 做姐妹係要玩, 我諗ok掛! 玩此於好過要做paper..哈哈! 我都有同主人家聯絡,她都話結婚之前都同伴娘 and 姐妹,兄弟有meeting架!! ...到時要咩遊戲, 要咩氣氛, 到時會傾!! ~ 唔知點解??封信我仲未收到, 唔知係咪依排天氣太凍 and 落雪, 影響輸送呢?? 我都好期待依封魔女之信!! 快啲到喇!! ~ 又模 and 紅豆,已經兩份禮物喇!! 未收到真實禮物已經感覺到你對我嘅關懷! 你仲要唔收返我錢!!我真係唔知點多謝你好!! 你唔好再買野比我, 已經收咗好多喇!! 你再買野比我...我唔好意思到,唔敢出黎見你架!! 哈哈!! 你要停止買野比我喇!! 爆炸魔女,你真係好有我心!! 時時刻刻係邊道都想起我, 連買自己野都諗起我!! 好touching呀!! 你好像買野比我仲多過買野比你先生!! ~ 突然覺得好似聖誕節仲未走, 因為你...keep住送禮物比我!! Thank you!! ~ 我真係無特別要買呀!! 如果真係有特別野要買, 我都會通知你!! 因為我知你一定唔會Say No!!
做姊妹要著靚衫，要和其他姊妹襯埋色，主要係接新娘時玩一些遊戲，製造氣氛，要幫新娘在宴會時做receptionist或幫新娘換衫，收禮金，看管手飾，影相等。很忙的。但很開心和好玩！
ReplyDelete[版主回覆01/22/2008 18:17:00]Happy Girl: ~你講得好詳細! 原來做姐妹都幾當野要擔當!! 聽你講,都好似會好忙, 但我相信依啲忙,係開心嘅忙!! 係喎!! 你剛剛結婚八個幾月,我應該直接問你!! ~其實,我朋友係年尾先結婚, 所以,係她結婚前...我會同啲伴娘and 兄弟and 姐妹meeting...到時有咩唔明就會再請教你,唔該晒呀!!
寫blog我都識左好多朋友,你都係其中一個喇,你就起加拿大.我就起香港,睇個blog就知道大家做緊咩,感覺好好~~~做姊妹好好玩架,唔洗擔心喎,有得扮靚,又可以玩班兄弟~~~
ReplyDelete[版主回覆01/23/2008 04:52:00]檬檬: ~ 我好同意你嘅講法, 寫blog 原來會不自覺識到朋友, 你寫嘅blog 我都會成日走去睇, 知道你同張生一齊生活好開心,我都會開心埋一份!! ~ 其實,我朋友叫我做姐妹, 我都有啲唔知點...但係做姐妹...係一件可以同朋友分享嘅喜悅, 就算比人玩返轉頭都照做嘅.哈哈!!
我都未試過做姊妹架....不過最緊要就係要玩得
ReplyDelete[版主回覆01/23/2008 04:57:00]心樂: 我都係咁諗,最緊要係令個party 氣氛好! 會好好聽啲朋友嘅意見, 希望個日令到新娘更開心!
好"鄧"你開心呀,平常心去面對就得,基本上跟大圍做就實冇錯 ,順便偷吓師,等自己將來wedding 時用呀 !
ReplyDelete[版主回覆01/23/2008 05:06:00]高貓貓: ~ 多謝你, 你也"鄧" 我開心!! 我其實對結婚party啲野都係一知半解!! 好多結婚party啲野都係電視睇, 哈哈!! 姐妹當中有啲都係我係香港讀中學時識得嘅朋友..到時一定玩到顛,哈哈!! ~ 高貓貓,我發覺你, 好似時常為我結婚而想...上次買電視, 你叫我買40吋,因為弟時結婚搬間大啲嘅屋會有用!! 而家我朋友結婚,...你就叫我偷師, ...你真係好為我將來着想喎!! 哈哈!! 不過, 我都係明嘅,因為你關心我,先會咁講!! thx