07 年聖誕假期

    Brian已經由西岸返咗黎喇! 今日都成一月二號,我哋大家都要返番自己工作崗位喇!!

       

     依個聖誕假期,我返咗媽咪屋企, 但日日都係圍繞食,行街 and 玩---依三樣野!! 我返咗屋企差唔多十日, 餐餐都出街食,我啲妹食到,要求媽咪買餸煮飯...我哋五姐妹係十二月裡面,係屋企食咗一餐媽咪親手煮嘅dinner...媽咪煮咗依餐dinner,我哋仲拍手,仲同啲餸菜影相留念!  而今年聖誕節係我媽咪生日

(由於媽咪生日用農曆計算,so年年唔同)...我哋五姐妹買咗生日禮物比媽咪...之後,同媽咪出街食飯...又食餐飽!! 今次返屋企食野,都係以中餐為主! 食過一餐日本野!! 但太多人一齊食,所以,無影到食物相!!! 但由於三妹要返香港工作,所以, 成日影全體相, 好唔捨得三妹!

以下相, 有部份係媽咪生日時影架! 有啲係飲lunch time 飲茶時影架!! 最尾個張係媽咪係十二月裡面第一餐煮嘅飯...有湯喝(番茄薯仔雞腳湯)0

      

     而行街,平安夜就係同三妹行,第二日就全家一齊行,或者同五妹行, 總之就日日都行!!! 仲努力過做運動咁

!! 行街當然就會買下野!! 但今年唔知係咪市道好,我覺得啲野過咗boxing day都無咩點減!! 但所有店鋪都人頭湧湧, ...cashier仲係咁收錢,比錢都要排長龍!! 好熱鬧!! 今年出街,我就買咗啲廚房用具, 有hello kitty 碗

, 媽咪就送咗件縷比我! thx!! 今年行商場, 多行咗嬰兒店鋪

,因為我姨姨就黎生bb...所以,我媽咪好着約買衫比bb. 買到唔想停!! 要我哋製止, 先唔買!!!

以下啲相係同媽咪行街時影架!! 見到商場啲花靚又影,見到聖誕樹靚又影一餐, 而第三張相係我件新縷,第四張相係我boxing day 嘅收獲! 最尾個兩張相...係影屋企門口嘅雪景,落雪都照出街...哈哈!! 0

     

     玩,---就真係玩到半夜三間先瞓, 依個假期多數食完晚飯返屋企! 就同Brian 講陣電話, 之後,就同啲妹一齊玩!! 大家一齊整

過芒果or 香芋芋頭芋布甸, 蛋撻,曲奇餅, Tiramisu....仲一齊互相做facial

and 查指甲..仲打麻雀 and 一齊玩nds 對打

, 當然唔少得傾計, 可能我哋全女班, 我哋傾到差唔多天光先瞓, 但晚晚都有講不盡的話題! 我同五妹傾到唔敢上自己房瞓, 因我哋間房要經過媽咪房先到, 所以,怕嘈親媽咪!! 我同五妹就走咗去basement 瞓, 點知發覺係basement 瞓

, 講野幾大聲都唔嘈醒媽咪!! 所以, 我同啲妹係basement 啲客房瞓咗幾晚! 哈哈!

今個聖誕假期我哋成家人做嘅甜品, 有Tiramisu, 芒果and 芋頭布甸... 蛋撻就好失敗, 完全唔食得,因為個撻皮濃咗!! 好難食, 我到而家都未觸摸到媽咪屋企個爐!!  而第三張相係我四妹幫我查緊指甲油0

**Sorry!! 各位blog 友,我係聖誕節and new year 假期,日日都玩到好夜, 好攰, 所以, 無時間上黎依樹同大家打招夫!! 我而家會上返軌道....我會陸續寫blog and 留言比大家,但可能會回覆得慢少....但要等我呀!!