June 23, 2009 (Tuesday)
依排開始熱喇!! 需要着西裝返工都幾慘, 熱辣辣, 好辛苦!!見到Brian着西裝, 有時, 我依個泰國底嘅人都覺佢熱.........
Tuesday放咗工時, 大家都好想飲杯好冰凍嘅飲品......所以, 就索性一放工就去台式食鋪, 飲冰凍珍珠奶茶, 順便食埋晚飯!!! 感覺好爽!!
↓鹽酥雞飯 with 珍珠紅茶
June 25,2009 (Thursday)
熱天氣, 可能就係"藕" 落雨, 所以, 隔無兩日, June 24 嘅中午時份, 仲係食lunch 時段,.......就天黑黑, 黑到好似夜晚咁!!好得人驚!! 最後, 仲係咁閃雷......係咁落大雨!! 啲閃電, 閃到好勁......
望到個電視, 仲話外出有39 ℃嘅感覺, 真係熱成咁呀!!
↓"耦"落雨, 就係咁悶熱!
June 26, 2009(Friday)
等都等到Friday (June 26), 因為好期待每逢周末, 都可以出街食飯......我提議去食日本拉麵, 因為太耐無食喇!! 雖然, 我成日都怕食一杯拉麵會唔夠飽架! 所以, 去食拉麵前, 都有諗定後着, 食完拉麵就去第二度食甜品 ,...哈哈!
但今次食一碗拉麵, 加杯凍飲, 已經好飽!!.... 都唔知係我細食咗, 定係依家啲拉麵大碗咗!!哈哈!!
食完野, 還有時間, 便早一點去超市買定啲bbq 食品, 因為聽日啲妹 and 她們的男朋友黎我度bbq!! 啲妹而家好鐘意過黎我度!! 但次次黎我度, 啲妹都唔係同我講聲先.....啲妹次次都同Brian提議先!! Brian實肯架!! 有得玩, 邊會介意吖!?
但有人到訪, 我事先一定幫屋企"係咁二"做大清洗架!! 雖然, 啲妹係自己人! 但我都係要抹架!! 抹完個心先舒服晒架!! 所以, 有人黎我度, 我會好似菲庸咁, 左抹右抹,好似好唔得閒, 好彩, Brian都有幫下手!! 我做少啲功夫!! 哈哈!
↓我嘅叉燒拉麵 , Brian嘅牛肉拉麵
) 
食茶餐廳, 唔係話唔好, 但茶餐廳啲野有啲肥膩, 我每次食一蝶茶餐廳飯, 都食到有啲肚漲漲感覺!! 哈哈!
), 我一早起身, 落街買麥當當早餐,買報紙, 食飽, 嘆陣報紙, 就開始係屋企, 周圍抹下, 開洗衣機, 熨衫咁囉!! 我又唔覺做依啲野辛苦!! 成日覺完成心目中想做嘅事!! 確實好開心, 愉快!!
