June 23, 2009 (Tuesday)
依排開始熱喇!! 需要着西裝返工都幾慘, 熱辣辣, 好辛苦!!見到Brian着西裝, 有時, 我依個泰國底嘅人都覺佢熱.........
Tuesday放咗工時, 大家都好想飲杯好冰凍嘅飲品......所以, 就索性一放工就去台式食鋪, 飲冰凍珍珠奶茶, 順便食埋晚飯!!! 感覺好爽!!
↓鹽酥雞飯 with 珍珠紅茶
June 25,2009 (Thursday)
熱天氣, 可能就係"藕" 落雨, 所以, 隔無兩日, June 24 嘅中午時份, 仲係食lunch 時段,.......就天黑黑, 黑到好似夜晚咁!!好得人驚!! 最後, 仲係咁閃雷......係咁落大雨!! 啲閃電, 閃到好勁......
望到個電視, 仲話外出有39 ℃嘅感覺, 真係熱成咁呀!!
↓"耦"落雨, 就係咁悶熱!
June 26, 2009(Friday)
等都等到Friday (June 26), 因為好期待每逢周末, 都可以出街食飯......我提議去食日本拉麵, 因為太耐無食喇!! 雖然, 我成日都怕食一杯拉麵會唔夠飽架! 所以, 去食拉麵前, 都有諗定後着, 食完拉麵就去第二度食甜品 ,...哈哈!
但今次食一碗拉麵, 加杯凍飲, 已經好飽!!.... 都唔知係我細食咗, 定係依家啲拉麵大碗咗!!哈哈!!
食完野, 還有時間, 便早一點去超市買定啲bbq 食品, 因為聽日啲妹 and 她們的男朋友黎我度bbq!! 啲妹而家好鐘意過黎我度!! 但次次黎我度, 啲妹都唔係同我講聲先.....啲妹次次都同Brian提議先!! Brian實肯架!! 有得玩, 邊會介意吖!?
但有人到訪, 我事先一定幫屋企"係咁二"做大清洗架!! 雖然, 啲妹係自己人! 但我都係要抹架!! 抹完個心先舒服晒架!! 所以, 有人黎我度, 我會好似菲庸咁, 左抹右抹,好似好唔得閒, 好彩, Brian都有幫下手!! 我做少啲功夫!! 哈哈!
↓我嘅叉燒拉麵 , Brian嘅牛肉拉麵
天氣熱...著西裝幾辛苦呀!~
ReplyDelete味千的湯底真係好正呀!!~
[版主回覆07/07/2009 09:27:00]小威威: ~但唔着西裝, 又好似唔係太好嗎!! 所以, 點都需要着!! ~好彩, 我依邊都有味千拉麵!! 都可以享受到味千......味道其實ok!! 但有啲特色!
夏天真係好熱, 香港都成32度, 我已經覺得好辛苦, 溫室效應又更加顯露佢哋影響~~~著西裝/SUIT真係好慘, 而且佢哋又唔鍾意著短袖衫, 覺得似阿叔...哈~~
ReplyDelete天氣熱時BBQ又幾難頂既, 所以盡量唔揀夏天燒~
[版主回覆07/07/2009 09:27:00]細細粒: ~現在, 啲熱, 都係因為溫室效應!! 但無法, 係需要穿着西裝就要着!! 好彩, 我依邊係未出日頭時, 都係涼啲, 所以, 着西裝係好啲啲喇!! ~我依邊一涼就好凍架喇!! 所以, 夏天就會爭取bbq, 幾熱都會燒架!! 哈哈!!
我著左2個禮拜西裝都著到悶啊 o個日著左裙, 拉直左頭,點知我個staff唔認得我
ReplyDelete[版主回覆07/07/2009 09:27:00]Kitty: 其實, 着西裝又唔會話太悶, 我反而覺西裝會比較容易配塔!! 而且,點都會斯文!! 所以, 唔介意穿着!!
香港真係好熱呀....30幾度呀
ReplyDelete[版主回覆07/07/2009 09:27:00]心樂: 我都明!! 香港密度高!! 夏天時,真係好炎熱架!!
WOO...而家D天氣真係越黎越熱!!!!
ReplyDelete[版主回覆07/07/2009 09:27:00]傻妹: 我都有同感, 而家啲天氣特別熱!! 但我比較怕凍多一點!! 所以, 更加怕冬天!! 哈哈!