一年一度Stanley cup (ice hockey 比賽)來臨喇!! 但咁岩又撞正, 我同Brian 周年紀念日果日喎! 所以, 一早錄低, 等到慶祝完先返屋企睇返!! 我哋慶祝完周年紀念日, 個比賽已經塵埃落定!! 但我哋特登唔上msn, 唔上internet!! 因為唔想知賽果嘅情況下!! 睇返錄影嘅全場球賽, 咁先刺激!!
係零晨眼檬檬, 睇球賽感覺好有親切感 !! 以前係香港, 逢係奧運, 世界杯都係三間半夜先有得睇架嗎!! 當運動員衝線, 或者運動員踢球入網, 會不自覺大聲叫, 但夜麻麻又要唔好嘈到隔離鄰舍, 所以, 好似偷偷摸摸咁睇球賽, 好好玩架!! 哈哈!!
最開心, 當然係自己支持嘅球排贏咗! 碰杯喇!! Yeah!!
↓自己支持個排勝利, 開心到彈起, 看球賽, 花生, 啤酒就唔少得!! 哈哈!!
-------------------------------------------------------------------------------------
由於, 零晨睇球賽, 又慶祝周年紀念日, 而周處走, 所以, 瞓到比較晏先起身, 一起身, 求其去麥當當食個lunch, 就走去Don mills Mall 坐下!!
現在, 我同Brian 個新蒲點, 就係Don mills Mall 喇!! 貪佢有露天茶座坐下, 靜靜坐下,睇下報紙, 飲下野, 又過咗半日!! 哈哈!! 不過, 臨時啲天氣乾爽, 唔太熱, 有啲風, Brian 先肯同我咁坐, 遲啲天氣炎熱返, Brian 一定唔同我黎Don mills Mall 架喇!! 哈哈!! (因他超怕熱)
↓Don Mills Mall 嘅露天茶座
我比較鐘意睇足球比賽
ReplyDelete[版主回覆06/18/2009 21:37:00]心樂: 足球我都睇, ice hockey 又喜歡睇, tennis 都喜歡睇, 什至Golf 都睇架!! 其實, 好多球賽都睇!!! 所以, 周不時一開電視就較去sport channel 睇! 哈哈!
你都有睇呀, 我都有呀, 贏左真係戥佢地開心呀, 近哩幾場真係打得好好呀
ReplyDelete咁快就10年, 又無諗過結婚呢?
[版主回覆06/18/2009 21:38:00]通少: ~咦!!大家都係同道中人, 支持企鵝隊喎!!! 企鵝入球, 我簡直大叫喇!! 贏埋, 我差啲喊咗出黎呀!! 好開心!! 今年, 企鵝真係打得唔錯!! ~係呀!! 唔經唔覺同Brian 一齊十年喇! 其實, 好多人都同你一樣,問我依個結婚問題架!!! 但我只可以講, 站時唔會結住!! 哈哈!!