又係咁, 無喇喇, Brian 係今日又話我知, 黎緊周末就約咗三妹男朋友過黎我哋度, 到時又會反轉屋企架喇........所以, 今日的起心肝, 執返地下啲行李, 仲有一個行李未執完. 成績算唔錯啦.....哈哈!! 不過, 好攰呀!!
--------------------------------------------------------------
December 26, 2009
由於聖誕個日, 無端端有個人係Northwest 飛機上放炸彈, 自此後, 美國海關實高架備, 攪到26號去美國啲旅客....過關好麻煩!! 我咪係26 號出發去美國Las Vegas旅行囉!! 要左check右check, 連手袋啲野都差唔多比海關反轉....連包紙巾都要check一餐. 又比女海關模全身. 好不容易先上到飛機.
到達Las Vegas.....個地方真吸引. 真係不夜城, 真無錯. 我哋夜晚先到達, 但啲燈光好燦爛呀!! 入到自己酒店,.... 嘩!!!周圍都紅檔檔, 好特別呀! 而酒店房好舒適呀!!啲床鋪, 被寢, 好舒服呀!! 牆身色調好幽和, 連洗手間啲毛巾都柔軟過人....I like it!!! 又超光淨, 真係無揀錯酒店. 哈哈! 係Las Vegas 真係望酒店都"嘩" "嘩"聲. 對上一次黎Las Vegas已經係八年前了, Las Vegas又多咗新野喇。所以, 今次去感覺好新鮮
雖然, 夜晚先到Las Vegas, 但我哋食完晚飯(食西餐,飲紅酒)....之後, 都唔放過時間, 出街周處行, 最開心啲商店, 又唔close. 可以周圍睇野, 影相, 仲可以賭下, 測試運氣 ......真係好吸引. 但Day 1已經行到對腳攰攰哋.
↓酒店好體貼, 連開門密碼卡都印有我個名. ......仲有, 酒店好識賺錢架!! 擺盤咁正嘅糖零食....但唔好上擋攞黎食呀!! 因為零食離開個盤60秒之後就開始計錢架喇!! 或者個盤輕咗, 都開始收錢, 一支水要$8 usd架!!
↓我同Brian嘅房間
↓電視, 洗手間, 間洗手間好大, 只影一部分咋!!
↓大家係房間影張先, 我喜歡依間酒店啲花花圖案
↓梳洗完, 去坐電梯揾Uncle and Auntie...等電梯地方又有蝴蝶裝飾, 而且啲電梯門一啲唔似電梯....感覺似房門多啲. 哈哈!!
↓依間係Uncle and Auntie 間房間.....其實我喜歡Uncle and Auntie間房多啲, 因為牆身色調更舒服
↓早倫Auntie and Uncle 先去完香港, 順道去澳門玩幾日, 都係住Wynn (永利酒店), 兩邊酒店所有裝修係一樣
↓我今次居住間酒店嘅外貌
↓住Wynn好方便, 行過對面有個大型商場!! 商場外觀都特別過人. 成隻飛蝶咁, 而另外張相, 係想影Las Vegas 夜麻麻都咁熱鬧.
↓Las Vegas 條Strip, 注要大街, .......真係好長, 行到腳攰都係pass by 咗兩間酒店
↓Treasure Island 酒店
↓The Mirage 酒店, 經過時, 咁岩有煙火表演
↓Harrah's 酒店, 另外一張係我身處Venetian 酒店
↓Venetian 威尼斯.....最特別係有人"燦"船喇!! 而且入到去, 無論係咩時段, 個天花板仲係日日都天睛.
↓行咗幾間酒店就返自己住間酒店行, 睇下天花板幾靚, 我最喜歡酒店嘅紅檔檔花花地毯
↓其實係自己住間酒店, 都已經夠多野行....幾多名店, 連Vertu手機都有專門店, ......不過啲野實太貴, 對我黎講係得個 "睇"字多
↓黎張合照先
