前所未有嘅肚瀉

July 1, 2015 (Wednesday)


七月一日是加拿大國慶日.

全人類, 放假日.

我好簡單,

有多一日假期放,

其實, 我就已經好開心!!

因為, 有多日假, 我畫多畫少, 可以瞓多一粒鐘較, 好爽!!

------------------------------------------------

咁六月三十號晚,

一放工, 仲約咗Brian 去食雪糕. 嘆一嘆先.

點知, 就係依杯雪糕.

攪到我,  無得嘆之餘

仲令我, 連睡眠狀態, 都大大影響.

-------------------------------------------------

因為食完依杯雪糕嘅第二朝,

我就開始又痾又嘔.

真係明符其實嘅上吐下瀉.

我從未試過, 一邊坐着廁版痾嘅同時, 雙手也同時需要搾住個膠袋, 對住個口, 不段嘔.

高峰時, 我還要隔半個鐘, 就要去一次廁所.

我咁去廁所法, 唔好話瞓較, 我連出唔出到門口, 去睇醫生都成問題.

--------------------------------------------------

幸好是, Brian 屋企, 有個醫生.

一般成藥. or 特效藥. 也可以隨時供給我.

食咗藥, 係就係止到. 適緩咗.

但係初期, 只是止到嘔,

肚瀉, 還是繼續.

可以話, 食咩痾咩.......

痾足全個國慶日.

July 2, 都返唔到工.

要同公司請病假

估唔到, 自己可以痾到咁多嘢出黎, 真係好得人驚.

↓係依一間排晒長籠嘅雪糕店, 食雪糕.

 



↓由黃昏排到天黑, 先食到杯雪糕. 我同Brian 都有食, 但我就染上痾&嘔

 


↓由於肚痾, 所以, 食咗四日粥. 早餐, 午餐, 晚餐都係食粥. ... 而藥物都食咗一星期. 

 

所以, 係夏天, 天氣雖然好熱, 但食生冷嘢, 真係要小心.

可能, 我本身, 已經因為時差, 以及公司嘅遷移, 攪到個人攰攰哋.

自己個身體狀態已經唔好.

再加外來啲細菌.

身體就fight 唔到.

因此, 容易感染!!!

(Touch wood 講句)........我係歐遊時, 日日食幾杯雪糕都無事. 

返黎自己地頭先病, 已經係不幸之中嘅大幸!! 感恩