搬公司

June 26,2015 (Friday)


這兩年, 我真是同「搬」, 有點緣

前年九月, 由多倫多搬黎溫哥華生活.

黎到溫哥華,

我所工作嘅公司, 又話要搬.




得知公司要搬嘅消息, 我初頭,  都抱住「唔係好關我事.」嘅態度.

因為我工作間公司, 只是搬去隔離座大廈. 行都行到去, 好近啫!!

心想:  用螞蟻搬家嘅態度, 都搬到公司啲嘢, 去新公司啦!!

況且, 公司還委派專業小組黎攪嘅移遷事項.

我真是對公司移遷, 抱住非常淡定嘅心態.




到公司移遷嘅日子逐漸來近時,

我先感覺嗰股"迫住黎做"嘅感覺.  真是忙到, 人都癲.

最主要, 公司移遷時, 手頭上嘅工作, 仍要繼續運作.

咁又係, 只是我工作嗰個部門要搬, 但我公司其他部門是原封不動--照常營業,他們話知你係未要搬, 總之, 咩都要urgent.   換句說話, 即係, 我係工作時間, 係攪唔到公司遷移嘅野.

但偏偏這個時候, 那些英國, 法國, 美國, 以及加拿大各省份. 無啦啦, 又send 咗好多文件過黎. 又要特快處理.

但另一邊, 那些公司委派移遷嘅小組人員, 又係咁"吹"我,執"lee"執"lo"

臨搬去新公司,那段日子, 全公司嘅人, 超時工作咁擠.




又可能公司, 太保護, 公司物品嘅運送,

運送人員, 搬每一堆箱頭去新公司, 都要兩個保安人員和我公司其中一個員工, 隨行.

搬公司那一天,

直情,連警察都請埋. 這班警察, 就是把守住新舊公司個門口. (都估唔到, 搬都搬得咁大陣仗)

由於, 運送人員, 保安人員, it 工程員和警察, 是按時工作,

所以, 我全公司嘅人, 係有限嘅時間, 要移送, 所有物品去新公司.

移送完, 又要埋頭苦幹咁執.

唔好講笑, 我兩個上師, 直情有幾日, 都做到1am 先走得. (真係唔話得)



↓(眼都凸)由歐遊回來, 第一日, 返到公司, 就見到, 依一堆箱, 等住我. 我做咗一年咋, 邊有咁多嘢, 但最後執下執下, 唔夠㖭!!!  ..... ByeBye 舊公司, 雖然係舊公司唔係做咗好耐, 但當要搬走時, 有啲感觸. 

 

↓拜拜, 我張枱, 拜拜, 舊公司.   雖然, 新公司, 地方係舒服啲, 所有裝修都新款啲, 但要離開舊公司, 個心係有點唔捨得.  

 



搬一搬,

全公司, 所有人, 都元氣大傷. 個個抱住對熊貓眼.

但這一次, 遷移, 令到我同這班同事. 拉近咗距離.

講真, 大家係這一次, 遷移. 大家都無分彼此. 互相合作.

現在, 在新公司嘅一切, 好像是我們, 一手一腳, 建立嘅成果

而我,除咗賺咗搬公司嘅經驗, 仲賺咗和同事之間嘅默契.