June 19,2015 (Friday)
黎到意大利,
點可以唔去Outlet.
歐洲集團嘅Outlet, 出名裝修優美, 地方又大, 真係可以買下, 抖下, 再買下!! 都得!!
但最主要....歐洲集團嘅outlet, 大多是出購歐洲品牌, 而且, 以開心價購出嗎!!
所以, 我預咗整整一天係意大利outlet 血併!! 哈哈~~
那當然, 這一天嘅outlet 之旅, 當然----開心快樂!!
夾夾埋埋, 我係巴黎(轉機), 佛羅倫斯, 羅馬, 以及Outlet 嘅戰積.
我今次歐遊, 真係shop 到好瘋癲.
↓都話歐洲集團嘅Outlet 環境優美, 成條街, 都用粉紅傘, 整成粉紅之路咁!!
↓歐洲集團嘅Outlet, 真係整到似渡假村咁, 好舒服!! 買到攰, 坐下嘆咖啡, 周圍望下,都得! 而且, 依一日, 天氣又幾好!!
↓雖然, 依家我很少機會入廚房, 但見到Le creuset點可以放過, 因為有粉紅色呀!
↓唔夠一陣間, 就買咗幾袋, 開心無限. 哈哈....之後, 當然keep 住行啦!
↓行到攰, 求其係Outlet 裡面, 其中一間pizza 鋪食
↓依一件蕃茄 mozzarella pizza. 真係新鮮到呢,....啲蕃茄好多汁,而且又甜, 又熱辣辣....好好食!! 當然啦, 再食一食杯意大利gelato 黎降溫!!!
行Outlet, 行到黃昏, 返酒店.
全人類都話執行李, 因為聽朝飛返溫哥華啦!!!
但我點放過機會, 點都衝 (shop) 到最後一秒!
↓其實, 都無咩點執行李, 放抵outlet 啲戰利品, 再去酒店附近再shop 過. 所以,住係市中心, 實在太吸引, 忍唔住, 又去行街. 路經Spanish Steps, 又去影下相.
↓我酒店就係Spanish Step 附近, 這條梯, 真係由朝到晚都好多人!
↓見人影, 自己又影下. 歐洲就係咁, 隨街都見到鵰塑. 真係shopping 都見到
↓這條街就係名店街, 但驟眼望落去, 好似歷史建築物咁, 但就係咁, 先覺意大利好有味道!! 但由於這條街啲貨太吸引, 又唔覺意, 係依樹放低咗好多個大洋.
↓入夜, 去咗依樹食晚餐. 原來依度係意大利蘭貴芳,.....但只限冬天, 因為意大利夏天, 啲意大利人會去beach 隔離啲pub 蒲. 所以, 依間pub, 夏天通常招呼食飯客. 但感覺到這個餐廳周圍環境有pub feel.
↓當然叫咗酒, 這餐廳知我係加拿大越洋訂枱, 所以, 特登請咗一個領有酒牌嘅專業導師,黎介紹酒及同我傾談酒經. 事前, 完全唔知有依個驚喜. .....可以study 酒. 好開心!!
↓飲咗好多酒........價格好合理. 但好岩口味!!
↓頭盤白酒青口, 三文TarTar. 因咩解救, 羅馬依個地方, 都唔近海, 但啲海鮮會咁新鮮嘅!!
↓食咗燒魷魚, 燒吞拿魚, ......依啲燒物, 配埋啲新鮮沙律菜, 好好食.
↓意大利啲沙律菜, 真係好爽甜, 所以, 餐餐都食......還食咗串燒牛.
↓燒牛扒, 和燒雜錦蔬菜.
↓甜品, 雜莓批 and 椰子凍 (但我覺椰凍出面層皮似糯米滋塊皮!)
入夜, 返到酒店, 先捨得執自己行李, 但我真係越執越心寒.
原來自己買到咁多嘢 !! (好彩, 行李夠位放!)
Brian 把我啲購物單據, 計稅時, 都計到眼凸. (由於我是carry 加拿大護照, 由外地帶回加拿大嘅新貨品, 加拿大政府是需要向我嘅新貨品---打稅. )
例如:意大利購買一個值$100加幣嘅手袋, 加拿大政府就會係$100裡面, 抽取13% 稅 , 即係$100 個手袋, 就要比$13 稅比加拿大政府.
但好彩, 係歐洲購物, 可以係歐洲機場攞返VAT. (歐洲稅嘅退款)
所以, 我係執行李這一天, 反而希望, 明天離開歐洲境前, 可以唔洗排太耐隊, 就可以攞返VAT, 以及趕得切時間上飛機返溫哥華.
最後, 當然好順利, 攞到全數VAT.
我還是第一次, 可以Claim 到咁多稅嘅退款.....我同Brian 靜靜雞講, 這筆退款, 又夠我去LV購物啦....哈哈~~~
↓這是部份Outlet 嘅戰利品, 有啲已經入咗喼,......我零晨坐車去機場,...所以, 天都未光, 要同羅馬say goodbye 啦!!
↓由羅馬坐KLM航空去阿姆斯特丹, 再由阿姆斯特丹坐機返溫哥華!! 真係坐咗先知, KLM航空公司, 真係好好坐嘅航空公司. 機箱內超級乾淨. 服務態度太好啦!!
↓係荷蘭---阿姆斯特丹等轉機時, 見到周圍都Miffy 公仔 (細個時, 故事書裡面, 常見的卡通--Miffy, 原來是來自荷蘭). 坐八小時飛機, 返溫哥華. 架飛機定到不得了, 降落咗都唔知.
↓臨上KLM飛機, 食咗非常一流嘅熱狗, 望落去好似好Simple 一隻hotdog, 但熱辣辣, 而且,荷蘭人好有善. 所以, 退稅好順利. 上到KLM 飛機, 啲工作人員好細心, 我坐經濟位, KLM航空嘅服務已經令我讚到不得了.
↓KLM 航空啲食物, 好好味!! 但最衰自己手震, 影唔清啲食物, 但最值得讚是, 派餐前, 這航空公司會派發, 熱嘅濕紙巾 (類似Tempo 濕紙巾)比乘客清潔雙手!!
↓食完餐, 仲有雪糕食, 我第一次食飛機餐, 食到好飽都好想再食, 哈哈!!
下午時份, 到達「KEN-LA-達」. 歐洲人發"加拿大"嘅口音, 是讀做「KEN-LA-達.」
下一篇BLOG,
開始寫歐遊戰利品.
終於, 寫晒遊記啦!!
