貴賓房睇球賽

October 28,2014 (Tuesday)

香港啲商界, 比較流行, 去馬場. 傾下生意.

香港馬場咪有啲貴賓房嘅.

獨立一間房, 行出露台就睇跑馬.

而外國啲商界, 就比較流行, 睇球賽.

所以, 啲球賽館, 實有啲貴賓房.

獨立一間房,  又是行出露台就睇球賽.

Brian 係公司, 有傑出表現(佢咁講, 我咁聽).

所以, Brian而家可以已公司身份, 進入球賽館裡頭啲貴賓房. (因Brian 公司長包咗一間貴賓房)

有日, 唔知做乜, Brian 話要同我去看球賽. 仲要一放工, 就好似支箭, 咁飛去. 好彩, 我嗰日化個妝都keep 到啫

都好, 比我見識下依一度啲球賽貴賓房係點.

原來去球賽啲貴賓房, 有條特別通道, 等我仲好有禮貌, 同普羅大眾排隊入場. 仲要排完先知, 我條特別通道個門口, 係第二邊.

去到, 啲貴賓房area. 我以為自己去咗酒店. 真係一間間房咁. 每度門隔離有個電子營幕, 顯示個suite number.

入到貴賓房, 真係好似一間試範單位咁. 有廳, 有酒吧, 有衣帽間, 有洗手間, 仲有埋個露台. 露台個景就係對住個球場. 依場球賽係女子足球(奧運捧個銅牌)

但我醉翁之而不在酒, 我好似唔係點留意球賽, 我八掛下, 球賽貴客房多啲.


↓球館貴賓房, 一望出窗, 就睇到球賽. 另外張相, 就係BC Place, 間貴賓房就係裡面. (好多球賽都係依個館進行)

↓貴賓館area. 似唔似酒店, 一間一間房咁, 隔離個營幕係房門號碼, 揾啱number 就入得

 

↓貴賓房裡頭, 大概係咁, 吧枱有好多嘢食(任食), 間中有個制服人員入黎整理下啲food. (嗱, 我唔夠膽影太多, 好似好大鄉里咁, 我好多相, 都係偷偷哋影)

 

↓最開心有紅, 白酒, 以及啤酒任飲. 

 

↓貴賓房個露台, 有啲舒服凳欣賞球賽, 最特別係座位前有張枱, 可以一邊食一邊睇球賽. 係現場睇, 入到波, 啲氣氛真係好好feel.

 

↓最後, 我膽粗粗叫人幫我同Brian 影合照.