發達咯

October 25,2014 (Saturday)

一星期裡面, 硬係有一日, Brian 爸會親手炮製一餐dinner.

餐dinner 得三個餸, 其中一蝶仲係白灼菜.

但Brian爸, 製作太認真,  一餐飯, 用了3.5 小時才完成.

即係如果Brian 爸, 6pm 先入廚房, 9:30pm 才開得飯.

每個星期, 輪到依一日, 我, Brian, and Brian 媽,----- 三個人, 等食飯, 等到想叫個外賣. 頂住先. (因在等待吃飯途中, 真係好餓嗎!!)

.
.
.

而這星期嘅依一日, 終於等到薯光來臨啦!!

因為天陰兼落雨, Brian 爸走咗去午睡,唔覺意瞓到7pm 先起身.

Brian 爸一句:「7pm 啦!! 」

Brian媽就好似發咗達咁: 「Yeah!!(她內心Yeah 緊!!)  咁就買啲外賣返黎啦!! 唔..好..煮.. 啦!」

我和Brian 就以九秒九速度,走去換衫. 立刻走出門口. 買外賣. 因驚遲一秒, Brian 爸會走去煮飯.

最發達係......食到pizza and 食到lasagna -----依啲惡毒食物.

因為我哋平時係屋企食, 好少有pizza 食. 因為Brian 爸視依啲食物, 係無益食物嗎! 但依個世界係咁啦!! 越唔比食, 就越想食!!

我同Brian 仲衰到, 一邊食pizza 一邊走咗去Brian 爸個酒櫃. 攞Brian 爸啲啤酒黎送pizza. 幾爽呀!! 

最, 最發達係, 食埋依餐. 都唔夠9:30pm. 仲有大把時間,睇電視, 玩電腦, 寫Blog. 順手發下白日夢!! 哈~


↓好耐無食lasagna and pizza 當晚餐. 雖然通通係超級市場貨, 但耐無食, 就覺好美味!! 打孖食. 

 



↓好多芝士嘅Lasagna配麥牙啤酒, 食得更開心. 食完依餐, Brian 爸自己食咗碗, 全谷麥cereal.  話要清腸胃喎!! 好彩無迫我食埋啫. 因我覺碗谷麥cereal 似雀"叔", 我離遠望都覺碗cereal 好鞋

 





之後,打後幾日.

Brian 爸都無意慾, 大顯廚藝. (暫時黎講,都幾發達. 哈哈).

無人煮, 就一連幾餐, 都出街食飯.


↓去咗間家庭式經營小炒餐館食, 依啲小炒餐館叫兩個小菜以上, 就送例湯和糖水. 個例湯係紅蘿蔔菜乾湯, 其中一個小菜叫咗乜乜炒牛肉   

 


↓其他小菜 ,還有,一蝶蒜蓉菜心, 帶子豆腐

 


↓砵仔芋頭抆鴨, 最後送糖水---椰汁黑糯米

 



原本第二日出街, Brian 爸都提議去返間家庭式小菜館食, 一連兩餐都去食, 全人類都 "her"佢.

我哋(Brian 媽, Brian & 我) 拖咗Brian 爸去越南餐廳食.


↓我哋都係求其去間越南鋪食, 之前都未食過, 但好好彩, 依間越南鋪啲食物唔錯,份量又多, 會encore!! 頭盤食咗越南包, (美味), 之後, 食咗碗好多料嘅檬粉

 

↓炭燒豬扒飯, 越式牛肉湯粉 (全是美味!!)

 

而家係度諗, 如果我第時個仔/女, 啲gene 似Brian 個阿爸, 我就大。件。事!!

因為我鐘意食零食, 食pizza, 飲紅酒, 飲bubble tea, 如果第時我個仔/女, 勸返我轉頭, 唔同意我食零食. 仲提議我日日食全谷麥cereal. 我會好灰㗎!!

如果再加埋做事太認真啲gene, 我會更灰! (Brian爸用3.5 hrs 煮飯, 我個仔/女會唔會3.5 hrs 沖涼㗎?)

原來, 食完外賣之後, 時間多咗, 真係好容易發夢. 我婚都未結, 就諗自己第時個仔/女.

好啦!! 發完夢兼發完達!!

要back to normal啦!