通常係溫哥華的周末

June 21,2014 (Saturday)

而家, 我只是一星期返五日工, 我都好似頂不順.

但Brian 返足七日工. 他又好像無咩嘢. 可能他對自己份工作, 好熱誠

不過, 每當星期六, 星期日. Brian 要上班. 我都會跟Brian起身, 跟他一齊出門口. 唔係因為我怕孤單, 寂寞. 所以, 一定要跟住Brian.

而係, 我而家同Brian 屋企人同住. 我費事, 我自己一個對住Brian 父母. 雖然, Brian 父母對我無咩嘢. 不過, 我害怕Brian 父母見我獨處, 而為我安排食物, 甚至安排節目.

總之一句講晒, 唔想"咗"到人生活. 所以, 我會係星期六, 日都照樣早起身, 跟Brian 出門口.

不過, Brian 去返工, 我就會係Brian 公司附近嘅coffee shop, library or 商場.  等Brian 放工.

所以, 我而家係一個星期七日, 都會早起身. 但都唔夠Brian 返足七日工咁操勞.

而且Brian 係星期六日, 一放工就會即刻同我出街去食下嘢, 因為我近排發好多惡夢.

我知他想comfort 我, 所以, 他點攰, 都帶我周處去下.

但其實, 如果我們有個自己地方, 我想Brian 早點返歸, 休息一下.

休息完, 再出街都未遲

不過, 都係唔好think too much. 黎咗溫哥華定居之後, 我覺自己同Brian 感情好咗好多. 大家珍惜咗大家. 我覺依方面, 得着咗許多. 很感恩.


↓這個星期六, Brian 放工之後, 去了食車仔麵, 還加埋台式香腸和格仔餅. 依啲港式食物, 真係耐唔耐食下先安樂.

 


↓星期六, 食完嘢 , Brian 就陪我去飲咖啡, 其實, 最終目的係望我最喜愛嘅飛機. 因為這間咖啡店近機場, 所以, 見到好多飛機經過㗎. 我一見到飛機, 就有種親切感覺. 好舒服

 


---------------------------------------------------------

June 22, 2014 (Sunday)


其實, 每個星期日. 

大至上, 都係黃昏去教堂, 之後回合Brian父母一齊去食晚餐

今次, 去咗間西餐廳食燒雞. 啲燒雞真係用炭爐燒, 好美味.

其實, 依間燒雞店, 我一早都想食, Brian 見我想試, 就提議Brian 父母去試依間燒雞餐廳. 

好開心, 好多事. Brian 都為我着想先. 之後才想自己 

所以, 好多人問我, 幾時同Brian 搬出去住 or 幾時結婚. 我都話, 等Brian 決定啦!! 因為我知, Brian 會鋪排最好嘅路, 同我一齊行. 


↓星期日, 去了燒雞店食晚餐, 燒雞店啲餐巾, 都好特別. 而燒雞店裝修, 就比較傳統西餐廳feel. 但幾舒服.

 


↓燒雞餐嘅頭盤, 薯蓉和炸薯角. 

 


↓燒雞黎啦!! 啲燒雞係用炭燒, 所以, 好有炭香. 其實, 這間燒雞店, 係英國都有分店, 好似話威廉王子, 都係依間燒雞店嘅fans.