我成日都以為, 去到加拿大邊一個省份居住, 咪又係加拿大領土. 啲政府文件和條例, 應該差不多.
但事實, 原來唔係咁!!
原來加拿大,每一個省, 都有很多律法, 是不相同. 而且, 都差得幾遠.
簡單到幫自己的座架, 由多倫多車牌轉為溫哥華車牌. 都這樣多程序. 當中的轉保險和車身檢驗. 一大堆文件和手續, 已經令銀包無咗一大筆. Anyway, 政府真識賺.
雖然, Brian請咗半日假, 但還未攪得掂個車牌. 謂有比多啲耐性, 慢慢黎!!
真係唔介意等, 最緊要係達到政府標準, 有溫哥華車牌, 就得.
不過, 我以後都唔再搬去其他省啦!! 搬一次, 已經夠!!
.
.
.
夜晚, 有個Auntie 黎咗溫哥華. 一齊去食晚飯.
都好, 食飯時嘻嘻哈哈,把心情過咗啲冷河.
↓食台灣菜, 首先食隻鹵蛋, 之後食牛肉粗麵, 還有操肉飯
↓蒸餃子, 炸雞腿(啖啖肉, 好喜歡)
↓韭菜盒子 (我喜歡), 還有牛筋麵 (鐘意). 其實, 還吃了很多, 只係影唔切相. 都係嗰句,同Auntie 食飯唔好意思影太多相!!
最後, 用了extra 時間, extra 費用, extra 耐性, extra 車身檢驗. 終於, 獲得溫哥華車牌.
之後, 攪埋座架嘅保險.
而家, 真真正正, 所有東西都是溫哥華了!!
你連架車都搬埋去温哥華呀？要揸幾耐車呀？
ReplyDelete美食當前，梗係要享受吓，唔駛唸其他嘢，願你快啲有覺好瞓。
Jackie Green:
Delete~我哋無渣架車黎溫哥華, 我諗渣幾日先到!!
~我哋係多倫多揾搬運公司, 由多倫多運架車黎溫哥華囉!!
~我而家同自己講, 放工之後 or 放weekend 盡量唔諗工作嘅野, 希望自己睡眠會好啲.
我以為你啲妹同佢哋啲男朋友好想買你架車？
ReplyDeleteCeci
Delete~我同Brian 總共有兩架車, 只是其中一架車賣咗比妹夫!!
~另外一架, 就由多倫多運咗黎溫哥華!!
Vicky...如果在多倫多賣左部車先.....搬過來就買過另一部
ReplyDelete這樣化算嗎??
大海冬日:
Delete~但架車, 仲係好新 , 而且渣開有感情, 唔想賣咗去. 所以, 當時把架車由多倫多運黎溫哥華!! 但手續都幾煩覆!!! Anyway, 而家攪掂晒, 好安樂!!
同一個國家都有唔同架?咁煩架?
ReplyDeleteOli:
Delete~我都估唔到, 會咁多嘢不相同. 真係攪到頭都大!! Anyway, 而家攪掂晒, happy!!
not easy to get the driver license in Vancouver !!
ReplyDeleteHappy girl:
Delete~我相信調返轉, 由溫哥華變多倫多車牌, 都唔容易, 因為每個省啲政策不同. 所以, 都幾多手續要辦. anyway, 而家ok 晒. 好安樂!!
加境內省過省已經唔算太差，以前我喺羅省揸到架車去溫哥華登記時先知因為架車係automatic seatbelt，但根據加拿大法例係illegal所以買唔到保險，結果而make another trip楂返去LA賣 ^^"
ReplyDelete海豚兒:
Delete~係呀!! 美國搬車黎加拿大仲多手續跟, 其實, 加拿大都有車係automatic seatbelt, 但係加拿大買就ok. 但係外來嘅, 就check 到好嚴!! 都唔知加拿大啲規則係太安全. 定係加拿大想保障自己境內or 省內嘅汽車業!!
~Anyway, 而家手續辦好. 舒服晒!!
如果怕煩，可否賣左多倫多的車，再在溫哥華買過。 我都最怕攪手續的事。
ReplyDeleteSamwei:
Delete~就係唔捨得囉!! 而且, 多倫多架車買咗無耐, 唔想換住, 所以, 當時由多倫多搬黎溫哥華, 都揾搬運公司, 運架車黎溫哥華囉!!
Good that 終於, 獲得溫哥華車牌! Enjoy the life in Vancouver. I have a lot of memories here with my brother & husband.
ReplyDeleteVicky Shum:
Delete~你都黎咗溫哥華一段時間, 可以係溫哥華有咁多難忘記憶!!
~我當然會找時間享受多啲溫哥華!! 但而家多數都係喺溫哥華食野多, 因為溫哥華啲野, 真係好食啲!!
VICKY真係好愛TT仔！
ReplyDeleteAngela:
Delete~我對架車, 真係好似仔咁, 當時, 由多倫多運黎溫哥華都唔平!! 但都想TT 跟住我和Brian 係溫哥華生活!!