馬年開始

January 31,2014 (Friday)

馬年開始啦!! 祝大家事事順利, 身體健康.

農曆新年, 大年初一,又係friday呢!! 我個心情都興奮啲.

依日, 雖然Brian唔得閒, 但我都自己一個走咗去商場食個lunch!! 食完仲周圍行下㖭!!

可能就係自己一個人, 我排隊買嘢食時, 有個衣着好端莊嘅鬼婆, 一邊排隊, 一邊同我傾計. 她最後仲派埋她自己公司名片比我, 叫我上她公司工作!! (名片上的公司, 係正當生意, 因我八掛上過網查). 但當然, 我無理啦!!

之後,自己一個人食嘢, 有個西裝男士同我傾計.  首先係, 農曆新年祝福先....之後, 他好似好熱心同我傾計. 我最後, 扮趕時間, 走咗!!

雖然, 短時間內, 遇到兩個陌生人. 好彩, 全都係有善嘅!! 唔係傻嘅!!  不過, 估唔到, 一到馬年, 我就遇上兩件其遇.


---------------------------------------------------

而係這一天-----年初一, Brian 公司竟放早, 大家可以一齊坐車返歸. 依個moment 好耐都未試過啦!!

不過, 返到Brian 家, 坐無耐, 瓜子都食唔多,  又走咗出街. 皆因年初一, Brian家中唔可以洗嘢嗎, 包括: 洗碗蝶機, 都唔開得.  所以, 年初一, 就一定要出街食晚飯.

我哋怕大年初一, 食中菜會好多人, 所以走咗去一間local嘅西餐廳食晚飯. 況且, 手頭上有這間西餐廳coupon, 就索性用咗佢.

原來, 西餐廳啲待應, 都知農曆新年, 未order 食物, 已經同我哋講Happy Chinese new year. 仲問我哋食完dinner, 會唔會去賭場玩,當慶祝!估唔到,西方人都知,農曆新年時,中國人鐘意發新年財.  哈哈~~

食完餐飯, 都係得夜晚十點, 要等多兩個鐘, 先沖得涼.....

好彩, 依家溫哥華啲中文電視節目, 好多都同香港同步. 襯等零晨12點先沖到涼期間, 就睇下中文電視啲賀年節目, 八下啲生肖運程. 仲食下啲賀年食品.  真係食完晚飯, 又食賀年食品.

啲賀年食品, 又放晒係電視前面張茶几, 好難忍到口--- 杏仁餅, 角仔, 芋蝦, 糖蓮藕, 朱古力.......不段食,  食足兩個鐘. 

等到12am, 即年初二, 可以沖得涼. 超歡喜!

↓年初一, 去咗間local 西餐廳食, 有飲啤酒, 飲湯和iced tea. 

↓年初一, 晚餐嘅頭盤, 蒜容包.  主菜: 沙律 and quater chicken 

↓其實, 個個主菜都係食quater chicken, 但配菜唔一樣!

-------------------------------------------------------

新蒸頭, 啲乜糕襪糕, 實會有....... 平時無咩點入廚房嘅Brian媽, 係農曆新年期間, 就大顯伸手, 整咗超足料蘿蔔糕&包餃子食. 兩樣都好食. 

不過, 我發覺Brian媽, 整嘢食, 啲製成品, 全都好大份. 好似蘿蔔糕, 就用咗七斤蘿蔔, 整兩大盤蘿蔔糕. 所以一盤蘿蔔糕, 就已經超級大.  而餃子, 就超大隻, 每隻餃子有半隻手掌大, 我食八隻已經好夠!! 

我仲一邊食餃子, 內心仲嘩嘩聲. 因Brian 媽整啲餃子-----好大隻呀!!


↓蘿蔔糕

↓餃子

馬年開始.........食咗好多good foods 雖然今年起, 農曆新年會多了習俗跟. 但啲習俗, 都係一齊做, 但求安心. 有個意頭. 而且, 我覺有啲習俗跟下. 農曆年氣氛都濃啲!!