年三十

January 30,2014(Thursday)

其實, 今年係馬年, 但我就好懶羊羊, 真係拖咗好耐先寫blog!!

今年新年正式在溫哥華生活, 溫哥華過年, 氣氛係會濃啲, 可能溫哥華, 真係好近亞洲地區, 係會有多啲新年慶祝嘅節目存在.  也會比較多加拿大人知, 邊一日係農曆新年.

農曆新年期間, 我坐巴士時, 有啲陌生人見到我係Chinese, 都會同我講"Happy Chinese new year!!" 不過, 此終加拿大都係西方社會, 農曆新年仍然是上班日. 但我同Brian內心, 仍是覺農曆新年係special day!!

所以,  我同Brian, 就會襯農曆新年, 就諗咗啲特別少少嘅節目出黎.  當慶祝下!!

我講嘅特別少少, 其實都離唔開「食」!!   我同Brian 係年三十, 就一齊食足三餐!! Happy 下. 哈哈

首先, 年三十朝早,我同Brian就提早出門口, 去食一餐不平凡早餐.

不平凡早餐----就是去「甜品店」, 食早餐!!  ..........飲甜味嘅海鹽朱古力奶, 食甜的Almond 牛角包, 還有馬卡龍. 通通都是甜......咁樣食早餐法! 感覺超級爽!!



↓年三十, 當然要特別啲, 早餐去了「甜品店」飲special 朱古力奶, 其實, 都係因為溫哥華啲甜品店, 做緊熱朱古力奶節, 黎慶祝甜蜜情人節, 但溫哥華有啲甜品店, close好早, 如果想飲, 放咗工, 都無咩時間飲到.  所以, 我借年三十, 去甜品店飲special 熱朱古力奶, 當早餐,黎慶祝農曆新年.

↓年三十早餐, 除了享受special朱古力奶, 還食咗, 好好味的Almond 牛角包和馬卡龍

到年三十 lunch time, 就約咗Brian 去商場啲food court 食lunch!! 貪food court 快趣, 又方便.  

其實, 我同Brian 係平時, 真係極少數, 約埋出去食lunch. 但年三十, 就特別啲. 仲有, 唔知點解, 我係農曆新年期間, 心情係好自然興奮, 好想周圍逛!

而我哋, 好簡單係food court 啲鋪頭仔, 買現成sushi 當lunch食. 因為壽司比較清淡啲, 咁可以留多啲space, 迎接夜晚個餐團年飯嗎!!

但估唔到, 原來Food court 貨仔嘅壽司, 都唔差!! 我哋又唔知係咪遲咗時間先食lunch, 啲 food court 嘅Sushi 都已經做特價, 速銷!!  所以, 依一餐, 年三十lunch, 真係好抵食!! 

↓年三十, lunch time 食咗壽司, 仲有麵豉湯送. (但啲麵豉湯好咸)

↓年三十, 食完sushi lunch, 仲去咖啡店買凍飲.....

全個年三十, 去咗食breakfast, 又出去食lunch,  好似好快就一日.

而年三十嘅重頭戲, 當然是夜晚餐----團年飯.

夜晚, 就同Brian 屋企人和nanny 出街食團年飯. Brian屋企好興依日出街食打邊爐. 因為喻意長滾長有嗎!!

而食團年飯間餐廳, 仲特意送咗豆腐花和雙皮奶做甜品!! 平時.....好少有.

但就係此時 Brian's mom, 不段叫我哋食快啲, 因為要趕住12am 前, 要沖涼洗頭!! 因為Brian媽有個習俗, 就係年初一, 唔比人掃地和洗嘢(包括:沖涼).  由於, 我哋全部都未沖涼, 就去食打邊爐, 返歸後, 只有一個小時多啲啲嘅時間, 就到12am.(即年初一)   所以, Brian媽極為緊張, 差啲連她最愛嘅甜品都唔食, 就想走. 但全張檯, 只有她一個人緊張.............  我哋還是他條地吃!!

但我, Brian & Brian 爸, 見到Brian媽嘅緊張表情, 都笑到停唔到口!! 有時, Brian爸還特登慢啲動作, 黎嚇下Brian媽. 相當有趣....哈哈~~

↓年三十, 去食團年飯, 去咗食打邊爐, 間打邊爐店佈置得好有農曆新年氣氛, 還順道影張合照

↓還有另一場合照 (合照有Brian, 我, Brian家的nanny, Brian媽, Brian爸), 開餐前乾杯!!

↓年三十團年飯......打邊爐...滾呀滾, 財源滾滾來. .....好鐘意打邊爐啲肉!!

↓鐘意打邊爐啲蝦和手打肉丸, 還有新鮮魚肉片.....全都好新鮮.

↓條魚啲肉片用咗黎打邊爐, 咁條魚啲骨, 就酥炸黎食, 好yummy. 還有, 生炒糯米飯

↓食完團年飯, 返到歸, 就見到Brian媽已經準備咗全盒, 今年有我啲Le creuset 做全盒之一

↓客飯廳都有啲賀年食品擺出黎, 連我瞓房, 都準備晒利事和金桔 (啲利事和金桔要放到十五)

最後, 當然個個人都趕得切12am 前沖完涼! 仲一齊睇中文電視啲賀年節目. 一齊12am 年初一互相擁抱and 祝福.

我成日都覺, Brian家係農曆新年, 咩都做到好足. 雖然個中有啲習俗, 要跟隨.  但就好有農曆新年氣氛.   唔會因為身處外國, 就一切從簡, 攪到係外國過農曆年, 都好好玩.

祝大家, 馬年行好運, 身體健康, 萬事如意, 事事順境.