Boxing day

December 26,2013 (Thursday)

   Boxing Day = 大減價. 嘩哈哈~~

   依日, 好多零售店, 早早係6am 就營業. 進行大減價.  啲大型商場真係人頭湧湧, 好迫人!!

   我 & Brian 一朝早就起身......走足三場, (即係三個商場), 去試下瘋狂大購物.  哈哈~~  有啲場, 到最後, 再返兜. 再去一次.  全個購物過程, 都買到幾刺激!!

   話就話Boxing Day 會大減價, 但我感覺, 減得唔夠多! 不過, 都唔理. 減啲啲, 好過無減啦!! 因我知係加拿大零售業, 係減價方面, 唔會太落力!! 不過,  Boxing Day 出去行下, 襯下熱鬧都好呀!!

   而我今年Boxing day 個成果, 好滿足.  真係一袋二袋. 又買到自己所需!! 真係無限Happy~~


↓Boxing Day 商場內, 真係人頭湧湧......



↓Boxing Day購物---戰利品

↓購物完, 走去食個茶餐.  靜止落黎, 才發覺自己整齊嘅裝容, 變都好唔整齊, 頭髮亂晒, Boxing Day shopping爭買嘢, 爭到頭髮亂晒!! 這張相係Brian 隻gear 手表偷影, 我個核突樣!!

↓Boxing day戰利品-----當然要買啲Hello kitty 啦!! 好感動啲Hello kitty, 係Brian 第一樣車我去買嘅物品. 他驚賣晒!! 我買唔到!! 我買嘢, 他仲緊張過我.   這天, 買咗Hello kitty 杯 & 記事薄

↓Boxing day 還買了對boot,對boot有毛毛, 而鞋身下半部係皮質, 啱晒鐘意落雨的溫哥華!!又可保暖and 扇水!! 還買咗對金色手套

↓可能溫哥華環境和氣候, 真係同以前唔同. 因而,日常裝速都有所唔同. 為了適合環境. 所以, 今年置多咗啲衫&褲!!最緊要係Brian都鼓勵我買!! 哈哈~~

還有....買咗化妝品, 其他衫, 還有啲雜不 "none"嘅嘢..不過, 到而家, 有啲戰利品, 已經用咗,  同埋塞咗入櫃.  費事再逐樣影啦!!
 
但好感謝Brian 陪我行足全日. Boxing Day Shopping購物嗰個人係我, 但倒返轉頭, 他仲緊張過我! 

我揀衫時, 他幫我排住收銀條隊.  咁就可以快啲完成交易, 去第二間, 再行!! 仲有, 我試衫,一唔啱. 他又衝去時裝店堆衫度, 揾件啱我size嘅衫, 係試身室門口比我!! 

唔知係咪他帶我黎溫哥華, 他更有責任, 令我生活過得更開心,快樂. 無論什麼日子, Brian 都對我更關心. Brian見我買到嘢, 仲開心過他自己買到嘢!!

這個, 第一個溫哥華嘅Boxing Day.  感覺好良好. 好感恩.