刺激

December 15,2013 (Sunday)

望返自己本相簿(photo albums). 原來聖誕前, 食咗餐泰國餐未講. 而家開始寫返先.

依餐泰國餐, 我形容為....一餐好刺激嘅一餐飯.  但唔係因為泰國食品辣, 所以我形容依餐泰國餐刺激.

而係, 去食這一餐泰國餐之前, 所發生嘅經過, 令我感覺這餐飯好刺激.

首先講下, 我平時係星期日嘅指定活動-------就是4:30pm 去教堂, 彌撒完咗.  我, Brian & Brian 父母, 四個人就會出街食埋dinner. 就返歸. 準備Monday 的來臨

但通常依餐dinner都係去教堂附近嗰間港式茶餐廳食. 雖則間茶餐廳唔難食, 但Brian's daddy 食開就有情意結. 時時去, 但咁様去法, 會厭㗎嗎!! 我& Brian ,還有Brian's mom 已經投訴....但Brian's daddy 點樣都照去!!!

但依一日, 去完教堂. Brian's daddy 揸車去食dinner條路. 唔同咗! Brian's daddy 仲話.....會帶我哋去一個"神秘的地方" 食dinner!

嘩吓, 我, Brian and Brian' s mom 聽到, 不知幾興奮. 係車上大叫YEAH!

係依個時候, Brian's daddy 每轉一條街, 我哋係車上面, 都贈大眼, 仲不段問, 究竟去邊, 到dinner 間餐廳未㗎? 總之係車上, 不段猜測去邊一個陌生地方. 真係又驚又喜!

最後終到達咗, 雖車程唔遠, 但沿途上一路估那個神秘的地方, 真係好刺激.

原來去食泰國菜, 仲要係Brian's daddy 神秘地訂埋枱喎! 還有,Brian's daddy晨早食藥打定低來迎接依餐泰國餐（因Brian's daddy對椰奶敏感,要事前食一種藥物才能吃有關椰奶的食品)

Brian's daddy 做咗咁多功夫, 仲製造埋"神秘的驚喜".！真係好玩之餘, 又細心!!!

依餐泰國餐, 食物刺激之餘, 事前經過又刺激. 令到依一餐飯相當特別 & 難忘. 雖然依一餐, 過咗差唔多成個月先寫返. 但依家諗返這一晩嘅過程, 真係好刺激. 好開心.

有時, 玩下"神秘", 又幾好玩, 心情仲好刺激!!!!!

↓泰國餐廳嘅環境幾舒服, 但好彩有book 位, 坐冇陣, 間餐廳全場爆滿. 門口仲有人等位. 而頭盤係冬陰公湯, 要好辣. 美味+暖笠笠

↓其他頭盤, 春卷和釀雞翼. 兩者炸得香脆. 好鐘意呀!

↓頭盤的春卷和醸雞翼再食, 因好味道! 還有泰式炒河(Pad Thai), 好有鑊氣.

↓紅綠咖喱配椰汁飯. 好perfect