November 2,2012 (Friday)
這天, 除了一朝早, 便看到 iPad Mini 和粉紅色iPad Mini 套外.
傍晚返回家時, 一入大廈大堂, 就被3個看更叫停. 其中一個看更還說: 「Lady xxxx (我的居所號碼), 你有一個大包裹,請簽收吧!」
莫名奇妙喎?? 我有包裹收??是什麼呢??
回家一看, 原來包裹裡頭, 是一個 ---"粉紅色Le creuset 心心煲"
嘩!! 我見到,真開心到頂點呀!!!
早前, 我時常發牢騷, 時常話:「屋企現在好像差一個煲..........., 如果有粉紅色Le creuset煲, 就好啦!! 不過, 加拿大Le creuset 專門店, 沒有出售任何粉紅色Le creuset 用具呢!!」
點知, 我旁邊個位男士, 真是聽在心裡. 靜招招上網投一個Le creuset 粉紅色煲. 而且還是我至喜愛的心心煲. (怪不得,我旁邊個位男士, 成個星期, 都好似好緊張, 有無信收啦!! 原來上網買咗心心煲)
雖然知道投標和運費價錢之後, 我覺得好破費. 但他有留意, 我說的話, 還實現了! 這方面, 真是要比個 「讚」佢. 嘻嘻~
收到Pink心心煲, 我當然係....相當興奮, 即時去超級市場. 即刻同粉紅心心煲-----剪彩! Yeah.
↓Le creuset 粉紅心心煲
↓幾大個包裹
↓即時同粉紅心心剪彩, 整個--蒜蓉椒絲豆豉肉絲蠟腸煲仔飯.........現在一個煲, 可以煮煲仔飯or白飯, 另一個煮蒜蓉菜. 好perfect!
↓現在擁有越來越多Le creuset產品.
......而今日, 一日內收到兩份禮物. Happy~~
Vicky ....你身邊那男士是最抵鍚。
ReplyDelete你是最幸福。
[版主回覆11/15/2012 06:37:45]冬日:
其實, 大家都係愛下廚,現在廚房多點用具, 更加好啦!! 大家都可齊齊用到.
嘩，好冧丫，Brain超好
ReplyDelete粉紅我都幾鐘意架，今個星期五sogo開始thankful week，LC promo粉紅色，已打算放假去掃貨啦
[版主回覆11/15/2012 06:37:02]Oli:
好彩你一早知, Sogo 幾時有粉紅色LC產品賣. 可以一早準備定, 就可以去掃貨. 我依邊啲LC 產品好大路. 想有粉紅色LC 產品都幾難. 你係星期五Happy shopping 啦!!
不過, 而家好彩有internet, 都有一個pink 心心煲,但shipping就貴咗啲!!
Alice:
真難得, 較定時間去買多啲啦!!!
[Oli回覆11/14/2012 17:59:56]係16號開始
頭先check咗如妳想買粉紅心心個果煲要18號先有得買
每年都有兩次開倉，但超級多人呢
[Alice回覆11/14/2012 15:59:02]我老公琴晚睇過sogo宣傳單, 話星期五wo, 唔知有無睇錯呢 ! 咁應該幾時呀 ! 聽講出年三月LC又開倉, 好平WO.
[Oli回覆11/14/2012 13:31:07]如果想買粉紅心心，第一日未有，不過有其他粉紅系列，粉紅心心要過幾日先有，我睇喎佢寄來的宣傳，不過唔記得咗邊日，妳可以係16號個日攞份免費報紙，一定會夾住thankful week的宣傳單，妳可以睇下邊日有粉紅心心買
[Alice回覆11/14/2012 11:43:36]多謝指教 ! 不過最早都要放工至去到 ! 我未買過LCo架,等我消化吓先 !
[Oli回覆11/13/2012 14:30:24]可以第一時間買到心頭好ma
早D去冇咁多人（不過我估好難囉）
其實LC成日都話有折，不過thankful week就會出D特別色
[Alice回覆11/13/2012 11:47:52]Hi Oli, 乜要請假去o架咩 ! 50%off 係咪好抵 ? 唔請假係咪買唔到o架? 我呢方面係新手, 謝多多指點 ! 因為我好怕thankful week Sogo 人頭湧湧, 頭都暈.
Vicky, 你知道嗎 ? 我都是因為在網上搜尋一些資料時, 見到香港Le creuset開倉, 因而輾轉來到你的blog. 發覺好喜歡你寫的東西, 又好鐘意你的品味. 亦因而對LC產生興趣, Sogo感謝週都會去看看.
ReplyDelete[Alice回覆11/15/2012 11:59:30]Vicky, 我好中意格價o架ga, 因為LC每年都開幾次倉, 好想買到最平的, 咁就好開心同滿足喇 叭
[版主回覆11/15/2012 06:37:24]Alice:
~Oh really!! 咁又幾難得, 比你click到黎我個blog. 多謝你鐘意睇我個blog. 其實, 我都係寫返自己生活上啲野, 你唔嫌悶就得.
~香港Sogo 一減, 真係好抵買, 我依邊Le creuset 專門店, 啲貨好大路,又好少減價. 好彩有internet, 可以上網買, 但shipping都幾貴. 哈哈~~但而家有個pink 心心煲, 真係好開心!! Le creuset 產品, 真係好好用架!!
~難得香港有, 又肯減. 你係Sogo 感謝周, 買多啲啦!!
好幸福~~~前年聖誕我hubby又係訂左個lc俾我，個下開心我好明白 =]
ReplyDelete[版主回覆11/15/2012 06:43:15]bubibu:
~真係好開心, 我都估唔到佢肯訂, 而且, 計埋shipping, 真係好捨得, 先肯買!!
~而家有多個煲用, 係廚房煮野食, 都多選擇啲. 哈哈~~
~我見你個blog 都用好多Le creuset產品, 等我得閒去你度偷師先!! 哈哈~~
好得意呀~廚具同餐具都靚~食都食得開心d呀~~~~~!
ReplyDelete[版主回覆11/15/2012 06:42:42]素會員:
無錯,有靚靚廚具, 食和煮嘅時候, 真係會更加好開心架!!
Vicky , 嘩 ..... 超靚的粉紅心心煲啊 ! 很窩心的禮物 .
ReplyDelete[版主回覆11/15/2012 06:42:44]ak:
我都好意外, 會收到Pink 心心煲, 而家, 日日用!!
did u wonder what it was when you got the package from your super-intendent? I bet the package was heavy!
ReplyDelete[版主回覆11/15/2012 06:42:45]Mrs. TinTin:
~完全唔知個包裹裡頭啲野係咩!! 只知地址是正確!!但坐電梯時, 有call Brian. 他叫我即刻開, 見到個心心煲, 超級開心!!
無微不至既brian真係好charm...好少男人會對自己既伴侶講既野咁上心，特別係一齊左咁多年，你要好好珍惜呀！
ReplyDelete[版主回覆11/15/2012 06:42:47]Mrs. Wu:
~近排, 他都愛上, 下廚嗎!! 而我又喜歡下廚, 知道廚具重要性!!
~不過, 我估唔到,佢真係會買個pink 心心煲比我用, 超級開心, 而家日日用啦!!
我依家都仲心大心細買唔買第一隻, 唔係錢嘅問題, 而係因為我實在係唔煮飯嘅人!!! Wahahahah!
ReplyDelete如果買, 我諗緊紫色定綠色, 老公話佢鍾意綠色喎, 可能佢覺得紫色太老土, 但睇落Caribbean blue都好靚.
[Ceci回覆11/16/2012 00:25:08]係呀, 買完可能真係煮公仔麵, 又或者淨係用嚟打邊爐, 都幾攪笑. 我可能都係買個3.5Q, 細細個煲湯, 點解咁細, 因為我老公唔飲湯架!
[版主回覆11/15/2012 06:42:49]Ceci:
~我估唔到你唔多下廚,但會有念頭去買廚具喎!你打算買黎煮個麵食, 哈哈~~
~我第一個投資係Le creuset就係Caribbean blue. 我覺隻色好特別, 平時,好少見到依隻色嘅物品. 所以, 第一個Le creuset 就係Caribbean blue.
~其實,Le creuset 真係好好用!! 咩色都好啦!! 哈哈~~ 你個邊啲Le creuset 平過我依邊架!!想----投資一個啦!!
咁多個煲我最鍾意呢個心型煲！
ReplyDelete快啲攬實 Brian 錫啖啦！真係超級好男朋友。
[版主回覆11/15/2012 06:43:07]Angela:
~我都係, 我都最鐘意心型煲, 而且仲係粉紅色呢!! 哈哈~~而家已經日日用住!
~我已經比咗個big hug 佢, 我用完第一次粉紅色心心煲, 之後Brian就時時入廚,反而, 用最多係佢呀!!
粉紅心愛心煲
ReplyDelete[版主回覆11/15/2012 07:15:55]Pandora香傭講法文:
~我超級鐘意pink 心心煲. 而家煮咩都用依個煲
旁邊個位男士好Sweet 呀～～ 粉紅心心真係好靚，welcome to 心心世界〜
ReplyDelete[版主回覆11/15/2012 07:15:56]鬼嫁:
~我旁邊個男士,近期都鐘意下廚, 現在說投資廚房用具, 他都會容易ok啲. 因為佢都有份用. 哈哈~~ 不過,pink心心煲, 真係我至愛!!
~早排見你投資咗一個粉紅心心煲, 我都兩眼發光!! 估唔到,而家我自己都有一個!! 所以,我好happy!!
Perfect gift - especially because he pays attention! So sweet!
ReplyDelete[版主回覆11/15/2012 07:15:59]southergal:
~我最開心,他送比我啲野, 係我鐘意!! 而家可以日日用,Happy!!
我都有一個, 不過係人地送....冇咁大個...係mini size 的
ReplyDelete[版主回覆11/15/2012 07:16:51]Farming Cherrie:
你朋友幾好,送一個Mini size Le creuset 比你!! 有無用呀??
驚喜! 嗰份心思, 滿分!
ReplyDelete[版主回覆11/17/2012 00:38:08]zaza:
~係呀!! 份心意, 真令我好驚喜.
噢 好SWEET呢
ReplyDelete呢個心心煲我都鍾意架 但可惜我我旁邊個位男士 無心呢
[版主回覆11/17/2012 00:38:10]Jo姐姐:
~我收到時,都好surprise 呀!! 因為我好鐘意依個粉紅色心心煲架!!
~而且, 近排我旁邊位男士,對廚藝有興趣!! 所以, 他都可以用到個心心煲。
Brian is so thoughtful ! 好細心！超讚！pink LC is so pretty ! 我有兩個LC煲！但太貴了！暫時唔捨得再買！
ReplyDelete[版主回覆11/17/2012 00:38:52]Happy Girl:
~我都估唔到Brian會買!! 不過, 你講得岩, Le creuset真係唔平. 所以, 我而家都唔會再投資住啦!!
好sweet呀!
ReplyDelete[版主回覆11/17/2012 00:38:13]空中少奶奶:
~我恨咗LC 粉紅色產品好耐啦!! 不過, 我真係估唔到Brian 會神秘地買咗!!!
~現在, 他對下廚有興趣,連帶對廚具要求都着緊咗. 他用心心煲, 仲多過我呢!! 哈哈~
就係呢個lc心型煲喇....我睇見唔少blog友用呢個粉紅色心型煲...勁想買呀!!!! 簡直俾足100分呀....好鬼靚呀!!!!! 你的男人真細心又貼心呀....快d 鍚多佢幾啖喇!!!!!
ReplyDelete[版主回覆11/17/2012 00:38:14]傻瓜.菲:
~我覺心心+粉紅色. 我諗係女仔都會鐘意!!
~我收到個心心煲時, 都好surprise!! 但好開心, 因為我真係恨咗依個煲好耐.
~其實, 近來Brian開始下廚, 都開始對廚具有要求. 他都覺心心煲, 好耐用.
好靚呀～～～
ReplyDelete[版主回覆11/21/2012 08:39:12]小魚:
我好鐘意依個煲, 隻色真係好perfect!! 我而家日日用住
好sweet呀，佢有將你講既野記住
ReplyDelete[版主回覆11/21/2012 08:39:10]Ophelia:
係囉!我都覺佢,好有記性, 但依啲記性都係間揭性架!! 依排佢鐘意煮飯, 所以, 對廚具上心!!
粉紅色好令呀！
ReplyDelete[版主回覆11/21/2012 08:39:11]Fion:
我好鐘意呀!! 粉紅色---隻色又靚,而且又心型. 而家日日用啦!!
Vicky, 救命呀 ! 我係Sogo thankful week買唔到粉紅心心煲, 但買了個20cm risotto, 昨晚第二次用黎抄嘢, 因有下豉油, 炒到個底焦了, 昨晚用甚麼方法都去不掉, 用水浸到今朝再開火煲滾,仍沒辦法去除污垢, 你教我怎麼辦 ?
ReplyDelete[版主回覆11/26/2012 08:37:44]Alice:
~good good!! 可以成功清潔到!!!
~Le creuset 產品比較耐熱架!! 所以, 比平時唔同用法. 但我相信你會慢慢掌握到!!
[Alice回覆11/22/2012 10:44:10]Vicky, 成功了! 但我用了兩小時都不能盡除, 於是加碼baking soda, 等到今朝....終於攪掂 ! thanks
[Alice回覆11/21/2012 11:41:32]Vicky, 謝謝你呀 ! 其實我都係一個煮婦, 只是炒吓豆付肉粒之嘛, 咁都會焦, 真費解 !
我有baking soda, 一於今晚放工返屋企試. 去開sogo就買埋清潔劑先, 唔該晒 !
昨日看過你的LC & Hello Kitty 收藏, 真大開眼界.
[版主回覆11/21/2012 08:39:13]Alice:
~恭喜你加入Le creuset 一分子!! Le creuset 比較耐熱的. 所以, 你使用Le creuset 時, 把火力比平時煮野食,降低少少.
~我曾經都試過焦燒了個煲, 我用baking soda (梳打粉)放係焦黑的地方,再用幾湯匙水浸住, 等待數分鐘. 再用百潔布清洗個煲. 啲焦燒地方應會去掉.
~還有, Le creuset 專門店, 有一支專洗Le creuset 煲嘅清潔濟, 你去買返支啦!! 我聽朋友講, 都有幫助的
~希望幫到你!
Brian咁細心, 真你甜在你心呀!
ReplyDelete[版主回覆11/26/2012 08:37:54]小咪咪:
咁佢而家都鐘意下廚, 對廚房用具投資, 他會很願意. 我又開心!!
收到哩個大包裹，一定超級驚喜！
ReplyDelete剛剛Sogo Thankful Week有哩隻粉紅色煲賣，我都覺得好靚啊！不過我己經有類似粉紅色鐵煲，所以冇打算買，今次不論咩型粉紅色煲都要輪到籌先有得買，而家粉紅色係香港勁搶手，好彩之前有買！
[ccKitty回覆11/29/2012 17:47:15]因為99突然過咗身，要忙於幫佢辦理身後事，所以唔得閒update個blog，成個月都冇乜煮飯，剛update既都係之前煮落既！
我今次冇一早去排，但心癢癢，有日下午都去行咗轉望下隻chiffon pink同antique rose有咩分別，我鍾意chiffon pink多過antique rose，不過我冇籌想買都唔得，算吧！見到有中size花花碟，又賣哂，竟然仲有心心杯碟，所以就買了，仲買咗個oval焗盤，總算有少少收鑊！
[版主回覆11/26/2012 08:38:07]ccKitty:
~你依排去咗邊, 真係好耐無見你update!!!
~無錯, 真係相當驚喜, 估唔到靜靜雞買咗!! 仲係Pink心心煲. 好開心!!
~我都知香港近排, Sogo 有粉紅色系例嘅LC 用品. 我見好多blog 友,都買到好多粉紅色. so happy! 如果我係香港, 都會去Sogo呢...哈哈~~
~我都記得你有好多粉紅色LC 用品!! 好彩你之前買咗, 今次唔洗排!!!