November 18,2012 (Sunday)
每年一度「聖誕花車巡遊」又黎啦!!
依個活動已經有百幾年歷史. 每年十一月的第三個禮拜, 就有依個活動.
但我想講, 依個活動啲聖誕花車, 年年都差不多一模一樣. 我相信加拿大好多人都係想跟住個傳統, 每年都帶小朋友看一次聖誕花車巡遊. 到小朋友大咗, 再帶下一代去睇. 感染聖誕節氣氛. 因此, 聖誕花車係點. 他們真係唔會太講究. 只係想把一個傳統, 延續下去.
而且, 依邊啲小朋友, 比較有童真. 他們大部分都會相信世上有聖誕老人架!! 因此, 加拿大班細佬, 真係會寫定封信. 打算親手比花車上面位聖誕老人架!!
所以, 依個聖誕花車巡遊嘅「戲肉」. 就係聖誕老人嘅花車. 個個細路見到聖誕老人都情緒高脹架!!
就係依隻情緒高脹嘅氣氛, 所以, 我每年都會去. 同班細佬一齊大叫-----"Merry Christmas". 真係咩聖誕氣氛. 都即時感受到.
但我已經越來越遲去依個活動啦!! 真係等到聖誕老人花車差唔多到, 先至行落屋企樓下睇. (因而家聖誕老人花車有個App, 可以跟縱聖誕老人花車行縱.)
而每逢依啲活動, 我是舉起相機, 影相果個, 但依個聖誕花車巡遊, 對我黎講, 已經去過好多年. 而且, 啲聖誕花車, 年年都咁上下!! 真係無咩衝動去影.
反而今年, Brian 有影幾張相. .......係他部機偷相. 係度post!!! (其實, 我post 返舊年啲相係返度, 都得!! 因啲花車同往年是一樣的!!)
↓好例牌, 我哋係聖誕花車巡遊地方影張相!!!
↓真係幾多人睇花車巡遊架!! 這個活動好似11am 開始直至2pm. 但一朝早9am, 我就見到有人霸位啦!! 而我好遲先落樓下睇, 所以, 企得好後睇. 但都睇到.
↓聖誕花車巡遊嘅部分花車
↓沿途有不同樂隊奏樂
↓其他聖誕巡遊嘅花車
↓有啲聖誕花車, 有小朋友坐上去,和沿途嘅人揮手, 還有加拿大皇家騎警(加拿大西岸的警察)步操
↓尾升, 就係聖誕老人坐住鹿車嘅花車出場, 當時,在場啲人,情緒好高脹, 個個大叫"Merry Christmas"
↓現在已經-2 ℃的天氣, 去完聖誕花車巡遊, 即刻延續聖誕氣氛, 去咖啡店買杯聖誕熱咖啡飲!!! (Peppermint Mocha)
聖誕節係我喜歡嘅節日之一!
ReplyDelete踏入12月喇
[版主回覆12/04/2012 11:45:29]Zara,
-我都係呀! 我都好鐘意聖誕依一個節日. 而家好期待呀!
好凍但好有氣氛啊～～
ReplyDelete[版主回覆12/04/2012 11:48:29]Angela,
-今年,天氣都算ok. 而家都係-2or -3度,算好好啦! 雖溫度ok,但我仍然好懶, 個巡遊到尾升先去睇. 哈
越凍越有聖誕氣氛
ReplyDelete[版主回覆12/04/2012 11:53:00]Mabel,
我都覺聖誕係要凍少少先有氣氛, 但凍啲啲好啦! 因我都幾怕凍㗎! 哈
嘩~~ 好有聖誕氣氛呀~~
ReplyDelete香港涷左幾日又暖番，下星期再涷希望再有多D聖誕 FEEL 啦~~
P.S. 好少見你地 post 合照喔，你地好襯呀 ^^
[版主回覆12/04/2012 11:59:24]Samsamdandan,
-外國人對聖誕依個節日非常重視㗎! 所以年年都有聖誕花車巡遊,真係過咗萬勝節之後, 就感覺到聖誕氣氛.
-我都覺天氣凍凍哋先似過聖誕節. 凍D會有氣氛d.
-多謝你話我哋襯, 我哋真係唔多合照, 因為合照好難就到位.
聖誕老人坐住果架好靚呀
ReplyDelete[版主回覆12/04/2012 11:54:13]Ophelia,
-聖誕老人花車,係這個聖誕花車巡遊嘅戲肉,所以聖誕老人架花車特別靚.
好好氣氛呀! 我尼邊都有好多活動, 但係好少帶仔仔囡囡去, 因為我怕人多!
ReplyDelete[版主回覆12/04/2012 12:01:46]小咪咪,
-我都明, 依d節目一定會好多人,但現場感覺真係好有氣氛.
同香港農曆新年花車遊差不多咁虛磡，不過香港花車年年唔同。
ReplyDelete[版主回覆12/04/2012 12:04:23]靚芒,
-外國過聖誕節有如中國人過新年. 係外國聖誕係大節日. 所以年年都有聖誕花車巡遊.
-不過外國人嘅心態唔同,他們重視傳統多過新意
剛12月咋喎，咁快有花車巡遊啦
ReplyDelete[版主回覆12/04/2012 12:06:41]Oli,
-在外國聖誕係大節日,真係一過完萬勝節,就可以聽到聖誕歌啦!
落緊雪看花車巡遊....睇聖誕老人....別具風味
ReplyDelete[版主回覆12/04/2012 12:08:29]冬日Winter,
-今年依個花車巡遊撞唔正落雪, 你講得冇錯,如果落雪會更有氣氛
好有氣氛! 但咁快就做? 幾時做到christmas T__T
ReplyDelete[版主回覆12/04/2012 12:10:31]Farming Cherrie,
-外國依邊,聖誕係大節日, 其實一過咗萬勝節,啲商場就巳經播聖誕歌.
好正呀~有聖誕花車巡遊~一定好有氣氛~~~~!
ReplyDelete[版主回覆12/06/2012 05:55:54]素會員:
~我依邊, 聖誕節係大節日, 年年都有聖誕花車巡遊架!!
~由其事啲小朋友, 睇到好開心!!
好有氣氛！I like Christmas !
ReplyDelete[版主回覆12/06/2012 05:55:55]Happy Girl:
~此終係外國, 對聖誕節比較着重.
~我都鐘意聖誕節架!! 個氣氛好熱鬧.
-2度真係好凍呀!!俾我實唔想出街呢!!! 你地年年都去睇巡遊GA?? 幾特別呢...我諗自己細個睇過又可以帶住自己下一代去睇...感覺實好特別呢~
ReplyDelete[版主回覆12/06/2012 05:55:56]菲
~外國此終都係比較着重聖誕節, 所以個聖誕花車巡遊, 年年都會有. 其實,在我這邊, 今年十一月, 都係得-2℃, 已經是不太凍了. 不過, 我令願成個冬天都係-2℃. 因為加拿大此終都處於地球北面, 冬天有零下十幾度架!! 有時凍起上黎零下二十幾度. 其實, 我也怕凍, 但住係依邊就預咗, 謂有好好保護自己. 着暖啲