June 8,2012 (Friday)
逢星期五, Weekend mood 來臨, 出街mood隆起, 一早諗到天花龍鳳, 要去邊, 要食咩!! 但又突然收到call. 需要做兼職. 真係頓時, 咩計畫都要變......
謂有做完野, 睇下近邊一度, 就做到邊, 食到邊啦!!
剛巧, 兼職地點在台式餐店附近. 放工便即時去.
我記得, 我第一次飲珍珠奶茶,是在加拿大. 當時, 好多珍珠奶茶店, 都是台灣人(移民來加國)經營. 當時, 我一飲, 便愛上了珍珠奶茶. 間唔中都會"痴" 咗珍珠奶茶癮. 要買一杯! 先開心......
可能珍珠奶茶太好賣, 而家好多食店, 都會兼賣埋珍珠奶茶....攪到珍珠奶茶變咗質!! 而我早幾年, 返過香港一轉. 香港啲珍珠奶茶,都唔係我想飲嘅感覺. 我反而喜歡在加拿大, 某台灣集團經營嘅珍珠奶茶店. 它們的珍珠奶茶, 無倫叫咩花樣. 都好啱我. (可能, 我先入為主掛!!)
可以咁啱經過, 自己口味嘅台灣集團旗下嘅食店, 叫了set 台式客飯+ 蜂蜜綠茶. 來為我周末, 打開咗一個美妙嘅序. 嘻
↓來到台式食店....當然飲一杯, 台式飲品. 蜂蜜綠茶. 我還叫了三杯雞飯
↓Brian 叫了黑椒豬扒飯 (影相手震), 甜品是送, 布丁
我對珍珠奶茶麻麻地 但鍾意食燒仙草 冬天就飲薑母奶茶
ReplyDelete近來愛上台式炸雞腿 蚵仔麵線 鹽酥雞 廟口小吃 肉羹麵 麻油雞
嘩 諗起都想食添
[版主回覆06/23/2012 10:48:23]Jo姐姐，
-原來是涼粉的一種. 怪不得，我食完感覺清熱咗啦！哈
[Jo 姐姐回覆06/22/2012 11:40:49]燒仙草其實即係涼粉 都可以凍食嘅 加埋八寶仲正
[版主回覆06/22/2012 09:11:58]Jo 姐姐，
-你都幾鐘意食台灣嘢食，一講就講出咗，好多台灣美食出黎.
-你講嘅燒仙草,係咪熱食架？我有食過. 都ok. 感覺幾清熱.哈
香港的台式珍珠奶茶店太多, 水準好參差不齊.
ReplyDelete現在做飲食業的老闆, 只想搵快錢多d...
[版主回覆06/23/2012 10:52:09]冬日Winter,
-有同感，而家好多飲食業，太為利潤. 失去飲食嘅幾本---食材和味道.
我中意珍珠奶茶，不過唔可以成日飲。話時話，我而家都想飲杯
ReplyDelete[版主回覆06/23/2012 10:55:26]Mrs. Wu,
-我都係夏天就會特別想飲珍珠奶茶，涼冰冰，好舒服. 你應該坐完月，可以飲得啦！
我與珍珠奶茶嘅第一次係喺香港灣仔仙跡岩。 我去親多倫多都飲架， 仲要叫DOUBLE珍珠
ReplyDelete[版主回覆06/23/2012 11:04:17]Angela,
-我都有去過hk仙跡岩，唔知香港而家仲有冇呢？我知多倫多間仙跡岩已經轉咗手........我係夏天飮bubble tea 會多d. 但我又唔會double 珍珠，但我有時唔要珍珠轉椰果. 近排鐘意荔枝綠茶加荔枝椰果. Yummy!
好味！
ReplyDelete[版主回覆06/23/2012 11:07:18]Mike,
-我都覺好味. 食得好開心
Good choice! Taiwanese food is good, I like them too! There are a lot of similar restaurants located in Flushing, NYC!
ReplyDelete[版主回覆06/23/2012 11:13:08]Big daddy,
-Flushing,NYC都有，我相信big daddy 去NYC 時一定有幫襯. ..... 你幫襯嘅同時有冇見到d台灣妹，我依邊賣bubble tea 啲侍應好靚女. 哈！
我唔鍾意珍珠奶茶, 似飲奶多過飲奶茶, 茶味好淡, 二來我又唔鍾意食嗰啲珍珠, 所以印象中好似飲過一次都飲唔哂.
ReplyDelete台灣菜我好少食, 牛肉麵小籠包都ok, 其他就好少食....
[版主回覆06/23/2012 11:32:38]Ceci,
-我鐘意台式飲品多變化, 要竽頭奶茶味又得，要茘枝綠茶又得,又可以加珍珠or 椰果. 花樣多多，我就鐘意. 哈哈！
-以前，依邊都有台灣人開菜館，味道不錯. .... 不過，台灣菜d食材，有點似潮州菜，用蚵仔，鹵肉, 貢丸，竽頭，地瓜（番薯）. 我覺好近我家鄉菜，可能自己由細都食開依d. 無意中，都會鐘意台式食品