三月之旅--第五天----跑步,日式午餐, Golf + 鮑魚晚餐

March 28,2012 (Wednesday)跑步,日式午餐, Golf + 鮑魚晚餐



好奇怪,我係多倫多是睡不淋的. 每天鬧鐘還未響,我便自然打開眼望天花板. 澹天望地, 也瞓唔返!! 

但去旅行or 跟Brian去探親, 我又無懼陌生床, 一睡便可以睡到天光. 有時鬧鐘響, 都不願起身.  所以, Brian和我去親旅行或探親. 也要特別啪醒我.

由於Brian家, 很注重早餐這個環節, 所以, 在Brian 家, 便要早起床食早餐. 而且, 早餐又有生果, cereal, 麵包, 火腿或腸, 還有很多飲品. 真是一餐早餐都食很耐. 但所有食物都只是每樣啲啲, 都唔會食到肚脹. 哈哈~~

值得一提, Brian 家是沒有Yogourt 做早餐, 但我早餐良伴便是Yogourt, Brian's daddy知道之後, 便特登買, 放在我蝶上 so sweet!




↓早餐, 望落去很豐富, 其實每樣食物和飲料都係得一啲啲. 所以, 食完個肚都唔會太脹. 依餐早餐, 仲有我早餐良伴Yogourt.

經一論, 在溫哥華瘋癲食, 連早餐也如此豐富, Brian 提議吃過早餐之後, 出外跑步, 我鐘意周街走, 當然去跑啦!! 順道看櫻花嗎. 哈哈~~~

  

跑步真驚和Brian走失, 我行路都不夠他快,可況係跑步.  因此, 我帶定電話和啲啲現金去跑步, 因走失咗可以有方法聯絡or 坐車, 而且仲帶埋相機, Brian話我跑步都唔似跑步. 似去shopping 多啲. 哈哈~~

真係跑到邊兩旁街道都見櫻花, 好開心. Brian 就係咁跑, burn energy. 我就跑下停下, 同啲櫻花影下相.  原來有啲櫻花好粉紅, 有啲就淡粉紅的. 我鐘意更粉紅色櫻花多啲.   我都是頭一次看如此多的櫻花. 居住溫哥華啲人真幸福.

↓話就話去跑步, 但我就係賞花多. 依條街啲櫻花粉紅啲

↓依條街啲櫻花, 淡粉紅啲. 原來櫻花有幾種.

↓跑步的Brian, 等我影櫻花相, 等到有點不耐煩

↓櫻花特寫.......有啲櫻花散在地

↓啲櫻花樹很大顆, 仲成顆樹開花. 好靚

 

↓這兩張是Brian 影我睇櫻花

 中午, 和Brian's parents去了裁縫店, 早倫, Brian's parents在英國訂的跳舞衫, 有啲啲不對位, 因此, 在溫哥華找相熟裁縫更改少少. 

  

有時, 很欣賞Brian's parents, 他們有自己的興趣, 雖然是退了休, 也不會呆坐在家等兒子. 還趁退休時間, 做一些後生時, 少機會接觸的東西. 繼續擴闊視野. 投入自己空間. 我和Brian 回溫哥華探他們, 還嫌我們"咗"了他們的日常活動.   

 
見到Brian's parents 咁投入他們自有空間,他們的兒子---Brian. 也可以放心出外闖, 不需要時時刻刻擔心家人. 很溫馨. 我在寂靜時, 想返起Brian家的點滴, 也會偷偷哭出來的! 


↓中午去裁縫店, 我們等Brian's parents 時, 影了張相

↓Brian's daddy跳舞的西服,我還扮他的動作, 哈哈~ 在Brian's daddy 身後的橙色裙, 是Brian's mom

午餐我們去吃日本餐. 其實, 日本食店在大廈中間的後巷. 但當我行到後巷時, 我感覺似行緊公園. Brian's 屋企附近, 除咗有櫻花樹, 連後巷也如此美化. 好舒服. 

近海地方, 食物便會好吃, 這間日本食店,雖是全日本人經營, 但不是特別出名. 但它們的魚, 真的很鮮. 在多倫多很難吃得到. 我記得, 多倫多有點好的壽司店, 都有空運鮮魚, 但點都不及溫哥華. 居住近海地方,真好.  而且價錢都很合理.



↓Brian屋企附近的後巷,但像公園多一點

↓日本餐廳吃午餐

↓啲魚生很鮮味, 啲roll又不錯!!

去溫哥華, 對我來說,又像旅行, 又像渡假, 因在溫哥華, 往往去完一個地方, 便回Brian's 家休息.  我還可以優閒上網看報紙. 很寫意
 
在報紙和雜誌上看到明星的特別髮型, 便同Brian's mom 一齊玩set 頭.  咁就玩了個多小時. 哈哈~~

↓吃飽午飯, 在Brian家看報紙和雜誌. 也和Brian's mom 玩set 頭. 這個頭是Brian's mom 幫我set. 哈哈





黃昏, 再打打Golf. 雖然, 係下着雨, 但在driving range 有野遮頭. 我, Brian和Brian's daddy 照打打打. Practice makes perfect嗎. 我第二天打, 上手很多. 不過, 我發覺自己, 需要買埋右手高爾夫球手套了. 因我右手無手套保護, 打到起 "枕"

↓去打driving range 打Golf




↓我練習高爾夫球的棍和手套

晚餐, Brian's daddy訂了臺食Brian最喜愛的鮑魚. 都唔知點解Brian會鐘意食. 但Brian話要食, 他家人當然會帶Brian食啦!!!

這間食店, 我去親溫哥華, 一定光顧, 我最掛住這食店的皮蛋酥. 我叫Brian's mom 訂鮑魚時, 訂埋皮蛋酥.

其實,這間餐廳食物水準不錯, 我平時是較為喜歡西餐, 但聽到話黎依間中式食店吃飯, 我都會好開心. 因為啲食物幾特色. 哈哈~~


↓琵琶豆腐和炸蠔............還有鮑魚, 鮑魚下刀時會"殊"刀

↓我鐘意依個炸腐竹蘑菇 (咬起上黎很特別), ........半隻炸子雞

↓好好送飯的梅菜扣肉...............我必要Brian's mom 訂的皮蛋酥

↓Brian's daddy and Brian 兩仔爺, 未上菜時keep 住上網. 都唔知有咩好玩?

 

 

宵夜, 有湯飲, 好像聖誕節去溫哥華時, Brian's mom 都想煲依個湯給我和Brian飲. 但Brian's mom 好像怕我聖誕節飲咗依個湯之後, 聖誕再去夏威夷啲熱辣辣地方, 我會操熱得濟. 怕我會澡熱到病. 所以, 聖誕節時, 唔敢煲

因此, 今次回溫哥華,我們先有依款湯飲. 講真唔知係咩湯黎, 飲到啲藥材味, 但Brian's daddy要我哋食埋湯裡頭啲雞肉. 飲湯+食湯渣, 個肚有脹book book了!! 係廳行咗陣先入房瞓

↓宵夜的老火湯