March 10, 2012 (Saturday)
每一年, 我父母和我班細妹, 會輪流回香港. 有時, 隔幾個月, 我某部分家庭成員就會在港.
朋友得知, 我家人成員在香港, 會主動找我家人, 托我其中一位家庭成員, 帶禮物返回加拿大給我.
這個舉動, 都維持了19年啦!! 由我移民起, 我香港的朋友, 就是這樣.
換返轉, 我也會托我家庭成員, 由加拿大帶一些物品回香港. 送給我一些香港朋友.
中途節省了郵政費, 而且, 家人運送, 一定安全. 不會有什麼破損or 寄失的現象. 最重要係, 到最後, 是一定收到的.
因此,我香港的家和加拿大的娘家, 好像寄存中心. 寄存着很多朋友的愛. 也感激家人,為我做信差, 為我的物品而奔波
人家真是沒有責任對我好. 但很珍惜朋友和家人對我嘅愛護.
朋友送給我的禮物, 無論是什麼, 我也會喜歡, 因為當中的心意. 已經蓋過一切.
↓我的香港朋友托我家人帶來加拿大給我的Hello Kitty 禮物. 還有, 其他香港朋友, 寄信件給我
↓其他香港朋友, 托我家人帶來加拿大給我的美容用品
人肉愛心 DHL....
ReplyDelete[版主回覆03/21/2012 05:05:11]冬日Winter:
都係架!! 哈哈~~
真係開心呀，我都好期待年年父母過來，因為一定有好多野比我，哈哈
ReplyDelete[版主回覆03/21/2012 05:05:49]Mrs. Wu:
父母通常都係咁. 我知你父母就黎,我都登你開心埋.
你朋友仲有寫信比你，好浪漫呢。我唯一收信都係銀行信。
ReplyDelete[版主回覆03/21/2012 05:05:11]Angela:
會架!! 而家仲有依個舉動. 我年年都寫聖誕卡比人, Brian時常話我老套, 但我唔理他
妳D朋友真係好
ReplyDelete其實分隔兩地，友情咪好難keep囉？
[版主回覆03/21/2012 11:46:29]Oli:
都難keep 架!! 但點講好呢, 係朋友, 就會好自然會keep到. 時差相差多遠, 大家都會"就"到大家. 有時, 我覺因為我哋相距遙遠, 每次見面or傾計,會更加珍惜
我上次返HK 都係帶咗兩大喼 再寄一大箱返嚟呢
ReplyDelete妳仲有同朋友書信來往咁好嘅 自從無返工之後 我已經好少寫字添喇
[版主回覆03/21/2012 11:50:49]Jo姐姐:
~返香港一轉,實有好多野會帶到返黎, 而且,依家啲航空公司好多限制,真係個行李重啲都比人罰. 係一箱箱寄返, 都唔得. 你返香港密嗎?
~但我家人很喜歡回港, 有時我香港啲朋友, 見我家人,仲多過我. 哈哈~
~我年年聖誕, 都會寄聖誕卡比朋友. 信已經比以前寫少咗, 但都有寫. 不過,現在科技先進, 都以其他代替
你啲朋友好sweet呀!!我個人好鬼惰...有時年頭買完啲嘢想寄...結果要等到年尾做christmas parcel.....
ReplyDelete[版主回覆03/22/2012 08:58:49]琪琪小公主：
-其實我都好lazy, 我都係在聖誕節先"的" 到心機寄聖誕卡比朋友，可能而家科技進步咗，上綱䏈絡好方便，不過，禮物就靠屋企人幫手.雖我少回港，但d朋友好關心我，好開心
可以 KEEP 到咁多年, 真係好好呀!! 再加上大家又兩地分隔, 但都可以 KEEP 到感情, 真係好難得呀!!!
ReplyDelete[版主回覆03/22/2012 09:03:04]ZOE_GUY:
真係好難得，由其是朋友準備比我嘅禮物，真係好窩心. 其實我自己都唔係d咩人，但香港d朋友對我，真係好好，我會好好珍惜
咁你有無時時返來?
ReplyDelete[版主回覆03/22/2012 09:08:28]靚芒：
我都好想返hk. 但有好多原因都返唔到. 講真，我好掛住hk啲朋友.
由家人帶回物品，真係更好，起碼唔驚破損及寄失呢！
ReplyDelete[版主回覆03/22/2012 09:13:15]ccKitty:
就係最好係屋企人幫手，最後一定收到. 每次，收到都好溫暖. 家人和朋友真係對我好好