January 31,2012 (Tuesday)
都唔知落咗第幾場雪了.
但有時候, 我們不知痴咗邊條線. 間唔中, 我們也會為落雪而發顛, 好像新移民一樣, 見第一次落雪而興奮萬分. 哈哈~~
夜晚落大雪, 我們渣住相機, 着件厚縷, 衝了落街, 名義上買咖啡. 但事實係玩雪!! 哈哈~~
講真, 雪我真係唔太鐘意, 因雪會產生很多不便. 但有時, 心態要顛顛哋, 當雪係另一種玩意, 生活先會開心啲!!!
↓落到通地都係雪!!!
↓一落雪, 條街就無咩車+人
↓因我大廈周圍地底有發熱線, 所以, 落雪時, 係見唔到雪, 要行出啲先踏到雪!!!
↓落大雪, 走出街買咖啡, 但玩雪就玩咗一倫!! 哈哈~~
---------------------------------------------------------------------------
凍咗一陣, 返屋企就馬上煮咖哩煲食, 啲咖哩係用日本咖哩磚整, 超容易烹調, 已經好好食. 買了許多係屋企看門口. 溫哥華咖哩磚便宜過多倫多好多. 每次跟Brian回溫哥華(Brian返鄉下), 一定大量入貨.
↓日式咖哩雞煲 + 黃芽白薯仔糕一品煲 (將阿娘比我啲薯仔糕切片煎香, 之後, 再連同上湯+黃芽白同煮, 亂咁配塔, 原來好好味, 因薯仔糕勁多冬孤和蝦米, 令到啖湯, 更加甜)
近來, 吃完晚飯, 夜啲啲就想食野!! 明知宵夜習慣係唔多啱. 但都忍不住, 照食!!!
屋企太多方便食物, 真係至命傷, .......叮叮飯, 叮6分鐘就食得, 而湯丸.....陸一陣有食得. 我連薑茶湯丸啲薑茶, 都唔洗切薑, 因為朋友送了韓國製的即沖薑茶粉給我. 還有紅棗碎係薑茶粉內. 感覺仲補過自己齋用薑煲薑茶.
全餐宵夜, 幾分鐘就有得食.
↓超級市場買的叮叮飯 和 薑茶紅棗湯丸
嘩，有發熱線咁勁，真係方便好多，吾駛鏟雪。
ReplyDelete你屋企真係好多方便野食，不過我好少買，因為知道屋企有野食就去手痕，好難忍，哈哈
[版主回覆02/11/2012 06:52:59]Mrs. Wu:
會唔會你平時照顧你老公太利害, 食咩野,都等你買, 等你整?
[Mrs. Wu回覆02/10/2012 06:46:19]你就好，我老公係吾會買野食，寧願肚餓，激C！
[版主回覆02/10/2012 05:38:47]Mrs. Wu:
大廈都係唔想鏟雪鏟太密, 所以先整發熱線, 但羊毛出自羊身上, 管理費add 了不少!!! ........我懶嗎, 所以屋企雪櫃買咗好多方便野食囉!! 連朋友都知我鐘意方便, 連即沖薑茶都買比我!! .......我都試過唔買方便野食, 但我唔買, Brian都會買!! 哈哈~~~
我以為室內地板有發熱已經好勁添，原來室外都有喎。你係咪好遲瞓架？我食完晚飯通常飽到瞓覺。
ReplyDelete[版主回覆02/10/2012 11:15:18]Mrs. Wu:
我都覺9pm 早得濟!!!
[版主回覆02/10/2012 11:14:54]Angela: 都好早上床....我周末9pm, 大多食緊dinner !! 哈哈!! 我weekend 仲遲入房!!
[Angela回覆02/10/2012 08:08:50]上床啫。 Dondon 度有 cable。我去佢度瞓睇電視到一兩點架。
[Mrs. Wu回覆02/10/2012 06:45:47]9點？？咁早？？我平時都起碼成11點幾先開始上床，weekend仲遲！
[Angela回覆02/10/2012 05:45:34]1am 對年青人嚟講都唔算遲。我 weekend 9pm 上床架。
[版主回覆02/10/2012 05:38:50]Angela:
空外發熱線我都係少見, 大廈都係6 or 7 年前先安裝上去, 掘開大廈四周啲地, 安上發熱線, 當時超大工程. ..........我1am先瞓, 算遲嗎??
好先進呀! 連室外都有發熱, 咁d雪咪溶晒好濕囉? 妹妮好恨玩雪架, 我都好懷念讀書時日日落雪既日子呀
ReplyDelete[版主回覆02/11/2012 06:53:37]Little Aerin and Eunice:
好開心你係我度留言, Happy Chinese new year!! 妹妮聰明伶俐和身體健康!! ........係呀!! 啲發熱線令到啲雪溶得快, 地面都有啲濕架!! 但依邊天氣太凍, 有時啲雪落到發熱線地板上會立刻變煙........我記得妹妮舊年去過日本, 都見過雪!!! 原來妹妮鐘意雪, 有機會帶妹妮去滑雪, 她依個年齡最容易學到滑雪架!!............你以前係美國邊個省讀書呀?? 都時常落雪架!! 我讀書時很怕落雪! 由其是考試時, 怕公車落雪要慢駛﹐ 所以要提早啲出門口, 怕遲到!! 哈哈~~~
叮叮飯, 叮叮麵真的好方便....
ReplyDelete[版主回覆02/11/2012 06:54:36]冬日Winter:
可見得我們有幾懶!!
日本咖哩磚香港有冇得賣架？我都想試吓整呀!!
ReplyDelete[版主回覆02/11/2012 06:54:03]琪琪小公主:
日本咖哩磚, 香港好多地方有得賣, 我啲妹每次返hk, 都由hk買一大堆日式咖哩返加拿大. 你試下去啲日式超級市場. Sogo 超級市場都有好多唔同款嘅日式咖哩磚賣.
都幾大雪喎，幾多度呀?
ReplyDelete[版主回覆02/11/2012 06:54:17]Oli:
依場雪唔算大啦!! ....個日大概-6℃,-7℃ .
天氣凍 好自然成日都想搵嘢食呀 :P
ReplyDelete即沖薑茶粉 好方便喎 ^^
[版主回覆02/14/2012 12:01:54]Jo姐姐:
無錯, 冬天時常都好想揾野食, 個胃暖啲, 個人真係暖好多. 但食太多唔健康野食, 真係有啲唔健康........我太鐘意方便啦!! 所以, 朋友見到即沖薑粉, 就買黎送比我
我以前讀書係mid west，成日都零下十幾廿度架，我諗同你呢度都差唔多架。原來4﹣5歲啱學滑雪？我地諗住佢呢個年齡唔會有心機玩咁耐所以去開旅行都無plan比佢學潻。你D LeCreuset 碗好靚呀，我都想買！！ hehe
ReplyDelete[版主回覆02/16/2012 07:18:59]Little Aerin and Eunice:
原來我哋讀書時, 所經過嘅寒凍, 係一樣!! 我怕凍, 所以, 冬天過得好辛苦咁. ......係呀!! 我男朋友Brian都係依個年齡(4-5歲)就學滑雪架!! 我係滑山滑雪, 都見到好多4-5歲小朋友, 跟住教練學滑. 好得意. 依個年齡咩都唔驚, 好容易學識......而且妹妮鐘意雪, 對滑雪嘅興趣, 應該會更濃厚. ...................我初時買Le creuset 都係貪Le creuset 啲顏色, 所以, 就買了. 點知買完一樣又一樣, 好似停唔到. 因為Le creuset 唔係得個樣. 仲好耐用. .....香港啲Le creuset 顏色選擇更加多. 香港啲Le creuset 一減價, 真係好抵買. 而且, 你們時常去日本. 日本Le creuset 好多時更加靚添!! 但由日本托返hk. 都幾辛苦. 哈哈~~
以前好鈡意食donut 奶茶‧因為夜晚只有donut shop開.
ReplyDelete[版主回覆02/21/2012 12:39:28]家明，係我依邊夜深時，都係得coffee shop開，去玩都係飲coffee and donut! 哈，好彩屋企對面馬路就有一間coffee shop, 都唔洗特登開車先買到