January 28,2012 (Saturday)
星期六食過早餐之後, 又要返兼職, 但返一晝就攪掂. 超級有效率.
之後,就直接返屋企, 全個人灘係梳化度, 上下網+聽電視. 下午茶, 就叮咗碗粉食. 而家啲叮叮湯粉, 味道都唔差.
↓麥當當早餐...............下午茶微波爐湯粉
灘咗半日, 終於「的」起心機, 換衫出街, 買黎緊一星期所需嘅日用品+食糧. 見出開街就順道行埋商場, 但時時都係, 行行下商場就會走去買野食. 食完雪糕, 再食薯條. 成日都覺自己spend 最多係「食」依方面添!
↓意大利gelato and New york fries (依餐都唔知點稱呼, 係晚餐前食嘅野)
↓係商場food court 無無聊聊, 影下相, 我無化妝, 所以, 只肯影則面...哈哈
↓商場food court
晚餐又唔係好洗煮, 係雪櫃攞返兩個煲去爐頭返熱, 再食「發財好事」 + 飲湯又一餐.
但個「發財好事」煲, 我有額外加啲菜 , 豬肉 and 髮菜入去. 但我太貪心, 就係額外放多咗料. 最後, 依煲「發財好事」又食唔晒.
Brian's mom 今年郵寄好多海味過黎, 我用咗一半都無. 已經煮咗一大煲, 仲餐餐都食剩. 我諗其餘啲海味, 都係放喺冰格. 因為都唔知幾時先再食. 冰格keep 食物, 點都keep耐啲嘅!!
↓晚餐「發財好事」煲+ 蜜棗青紅蘿蔔排骨湯 (煲湯越煲越深色, 額外加水, 都好夠味)
之後, 我就顛啦!! 我為咗睇澳洲網球公開賽, 男子final. 我由晚餐之後, 就坐梳化等到半夜3am開賽, keep住睇到零晨6am都未打完. 中途澳洲仲落咗場雨, 要休息15 mins. 我再睇到7:30am仲係 一人贏一局. 我都頂唔順, 趴咗係梳化瞓.
啲運動員真係夠體力, keep 住係咁打tennis 咁多個鐘, 一啲倦意都無. 勁呀!! 我起身時聽新聞. 話場澳洲網球打到9:30am. 打咗6個幾鐘. 先分到勝負.
所以, 我係星期日超級遲先起身, 一起身即刻煎糕食, 因為雪櫃都幾多賀年糕點. 係時候要食減啲
↓星期日第一餐係下午茶時間, 有蘿蔔糕+年糕 and 「發財好事」. 我家啲年糕清得好快, 我鐘意煙煙銀銀感覺. 宵夜都會食年糕
VICKY 妳咁有條件 食極都咁FIT 使乜怕一日食到黑喎 羨慕C我呢 >:<
ReplyDelete我都好想食意大利gelato and New york fries呀 "Q"
[版主回覆02/10/2012 05:39:38]Jo姐姐:
~你未咁講啦!! 可能影相角度令你誤會咋!!!
~其實, 間唔中食下Gelato + New york fries, 同人share食少少, 都唔係話太過份. 但如果日日食就好危險
好大碟年糕蘿蔔糕呀～唔化妝都仲好靚女呀， 我唔化鏡都唔照。
ReplyDelete[版主回覆02/10/2012 05:40:03]Angela:
~個朝早瞓到好遲先起身, 所以有啲肚餓. 因此, 煎大蝶啲年糕+蘿蔔糕食囉!! ........我其實好懶架!! 去得近近哋, 而且唔洗見其他人, 我都未必化妝. 但當然化妝係禮貌. 我點都會執整齊啲先出街!!
週末最舒服莫過於係屋企hea...咩都吾駛做，正！
ReplyDelete我吾化妝都吾敢出街，你已經好叻，哈哈
[版主回覆02/10/2012 05:40:19]Mrs. Wu
我都鐘意係屋企Hea, 但我父母唔太鐘意, 想我Hea都回娘家Hea架!! 但我係娘家Hea 唔到, 一定大把野做. 所以Weekend 可以全Hea, 超級開心. ....我其實我自己覺唔化妝有啲唔禮貌架!! 但有時係屋企附近, 都唔會特別化, 但點都會着得整齊啲.
Your weekend was very very relaxed ! ! 我都好愛吃年糕！
ReplyDelete[版主回覆02/10/2012 05:40:29]Happy Girl:
我唔係個個weekend 都可以咁. 我好簡單,一到weekend 可以留係自己屋企, 都已經好開心......我都係, 我都愛吃年糕!!
good time to spend at home!!!
ReplyDelete[版主回覆02/10/2012 05:42:18]Big Daddy:
無錯!! 雖然, 屋企唔係話特別多野玩, 但stay at home 係最舒服.
以前都係返工之化妝, 但有次放假, 睇到人地對我化妝前同後既稱呼, 以後出親街, 唔化全妝, 都要搽粉底+眉.
ReplyDelete[版主回覆02/10/2012 05:41:57]靚芒:
其實我都只局限於係屋企附近啲地方先唔太化妝出街. 講真, 化妝都是一種禮貌嘅表演. 但點都好, 都會執到自己整齊啲先會出街.
我都係鍾意宵夜食年糕，今晚食完lu，蘿蔔糕都食哂好耐，不過我都會再整一次，唔夠喉，冬季嘅白蘿蔔特別甜好味！﹔
ReplyDelete[版主回覆02/10/2012 05:42:58]ccKitty:
你真係好有心機整野食. 食完會再整!!! 如果我係香港, 真係會唔客氣, 問你攞一底食...哈哈~~~.....所以, 新年好容易比籍口食得多, 咁岩, 我哋連宵夜都食年糕!! 哈~~
你Ｄ ＬＣ好靚呀！！
ReplyDelete[版主回覆02/11/2012 06:51:04]Bの家:
啲LC 好多顏色, 食飯時見到五彩顏色, 食都開心啲.
星期日早餐都有咁多嘢食.....佩服,
ReplyDelete佩服妳的消化系統.....勁 !! 哈哈
[版主回覆02/11/2012 06:51:04]冬日Winter:
星期日早餐和Brian一齊食. 兩個人份量. 差不多啦!!