October 6, 2011 (Thursday)
加拿大有一段時候, 由於食物檢驗問題. 罐頭豆豉鯪魚不能在市面上售賣.
對我黎講, 沒有罐頭豆豉鯪魚供應, 沒有太大影響. 但唔知點解我隔離果個, 就很失望. 時常都會提住想食. 。。。。。。其實, 他只是在讀大學時, 居住學校寄舍的香港同學請過他吃一次豆豉鯪魚. 之後, 他便印象難忘. 間唔中便會想食.
上星期行華人超級市場, 終再次看到, 豆豉鯪魚上架. 我隔離果個歡喜到不得了. 馬上入了幾罐. 還約定我在這天吃.
我就是沒有所謂, 吃什麼都可. 還掂罐頭簡單,又方便.
不過, Brian 食豆豉鯪魚, 例必配蠟腸+煎蛋的. 這是很不健康的配塔. 但簡唔中, 就沒有所謂吧!!
↓就是這 罐豆豉鯪魚
↓一罐豆豉鯪魚+菜絲火雞肉+蠟腸煎蛋飯. 就開得飯. 幾方便..哈
。
。
。
以下說話, 唔關"豆豉鯪魚"晚餐事, 只是突然間,有感而發:
有時, 覺得自己做人, 太過無所謂了. 人家說什麼, 我大多都說「ok」. 有時吃了苦也不知. 不過, 原來拒絕, 都要有技巧的.要圓滑. 真是不容易. 只知, .....人真是覆雜的動物.
我都好耐無買， 價錢貴得嚇人， 令願買新鮮餸
ReplyDelete[版主回覆10/15/2011 10:13:47]Ad, 係呀！原來香港本地買罐頭都唔平。我依邊都係近排先有得買返。講真我對罐頭都係馬馬.....我都令願食新鮮魚
我都係太随和的人，明白你的感受呀！但随和係好的！容易相處呀！
ReplyDelete[版主回覆10/15/2011 10:38:16]Happy girl, 有時太無所謂，身邊d人就以為我咩都肯做，令到自己責任多了。而且，有d使命，我做完身邊d人係不會appreciative.辛苦原來是自己
我唔中意食豆豉鯪魚， 不過我老公都可以用佢送飯食，我就唔可以。
ReplyDelete[版主回覆10/15/2011 10:42:58]Mrs. Wu:我都馬馬哋鐘意食豆豉鯪魚，講真我令願食新鮮魚，但我隔離果個好鐘意食架！又係可以黎送飯食，仲食到好滋味
豆豉鯪夌魚炒油麥菜, 炒生菜....好好味的..!!
ReplyDelete[版主回覆10/15/2011 11:49:30]冬曰winter,依個餸細個時都好似食過，但就唔係成曰食。
我以前係唔食既，但係老公食，所以我懶個時或唔夠送時，都會開罐黎打救下，耐不耐食下，都真係幾好味!
ReplyDelete[版主回覆10/21/2011 06:34:02]Mui:
我兒時, 都很少食這類罐頭食物. 又唔會特別喜歡. 係Brian 超級喜歡食. 我去超級市場見到都會入啲. 做不時所需. 味道是ok, 所以, 我都會食下. 但唔會時時食..........其實,我覺你先生係度大, 都應該唔會太喜歡chinese罐頭食物. 但原來都很喜歡.
下次留返d豆豉嚟炒菜吖...好正架!!!
ReplyDelete有時個人隨和唔係唔好....都要睇咩事咩時同咩人....有d人就係會以為你咩都冇所謂就覺得你好蝦....適當時候....都要俾返d強硬態度人哋知道吓先得....呢個係我喺呢間公司做咗半年嚟學到既嘢.....呵呵!!
[版主回覆10/21/2011 06:34:04]開心幸福Pooh:
都留唔到幾多, 一開依類型罐頭, 好快就會比我隔離果個食清晒!! 但我會試試豆豉嚟炒菜. 聽個名, 感覺幾野味. ...............................很喜歡你用"適當時候". 因為有啲人, 真係以為無所謂, 就咩都塞晒比你做. 做完係唔會appreciate嘅. 覺得係應份. 倒頭來辛苦還是自己. 所以, 我覺得做人係需要在適當時候做適當時. 有需要便出聲講. 要錫自己.