長周末假期

July 30, 2011 (Saturday) 31℃
    雖然係放長周末, 但其中一日, 都去咗做兼職. 其實,都係做朝早----個一晝, 就走得. 之後, 全日都係屬於自己. 都唔錯吖!! 而且, 出開街, 就會直接去街食下野. 非常有效率.

   如果唔洗返兼職, 我實係屋企瞓, 甚至拖下拖下, 好晏先出到街食野. 到時, 出到街, 啲時間唔早又唔遲, 都唔知食咩好啦!

    做完兼職, 就走咗去食台式lunch. 其實, 我都係貪杯蜂蜜綠茶先去, 仲一定飲到杯蜂蜜綠茶大大杯,  飲完真係成個人舒服晒! love it~~

    每次食完依間台式食店, 都例必會行埋隔離間Staple (類似香港的百老匯), 因我隔離果個對電子產品, 都歡喜狂. 就算唔買, 睇下都開心!! 不過, 他時常都會買電子產品,買得仲瘋過啲女士買衫and 手袋........  

↓蜂蜜綠茶 (我個杯有珍珠, Brian個杯有荔枝椰果), 食咗台式肉腸飯& 鹽蘇雞套飯0

    放得假, 個心例必想出下街.......所以, 就去咗屋企附近間大型廚具店睇Le creuset 用品. 自擁有第一個Le creuset 煲, 就好似顛咗一樣. 很想自己廚房用具全都是Le creuset.....哈哈~~放假都要預啲啲時間去行下先安樂. 雖然無收獲, 但見到好多產品 and人, 好開心~~

    之後, 就去了書店附屬嘅咖啡店飲野, 原本心情好relax, 點知無意中, 撞到阿媽個朋友, 即時執野走人. 內心還很驚怕添!!  雖然, 唔知媽咪的朋友認唔認得我. 但我被得就被. 因我這個長周末假期, 想比時間自己, 所以, 說了一個籍口. 不回娘家. 而且, 我剛巧又Brian居所附近....費事人哋會講閒話. 況且,我父母都係保守兼傳統人嗎~  (所以, 我父母係唔知我和Brian同居. 我父母還以為我係獨居)

    通常係依啲時候, 我都好想自己身份為 ----Brian的妻子. 咁好多依啲問題, 就可以唔洗驚囉!! 放假都可以去多啲地方. 唔洗就住就住.....有時, 就係放假都要顧及去咩地區. 向咩人交代. 而煩腦.....有時, 還要做壞女孩般, 講大話. 幾時先會放假會放得自然一點呢!

↓廚具店 and 飲咖啡 (我在咖啡店, 不是常常飲咖啡的, 會飲下凍綠茶)   0

    回了自己家......已經沒有什麼驚怕了! 我個人就係咁, 好容易回氣.....

    入夜, 就order 一大盒壽司食.....近來, 都不知order 了幾多次壽司. 反正, 我係sushi lover. 真係食幾多都得. 因為壽司實在太美味啦!! 而且, 還買了日本綠茶係飲添!  簡直perfect match 啦!!

   而放假就好像唔捨得瞓, 睇電視, 上網, 都可以成2am 先瞓, 哈哈~~

↓壽司...用Le creuset 新碗食, 相中的綠茶係我至愛 (因好解渴, 好真綠茶味)  0