夜市

July 22, 2011 (Friday) 37℃
   星期五, 確實有無比力量, 放工之後, 去了商場一轉, 還去了「夜市」.

   這個「夜市」是某華人團體舉辦的活動. 好像近幾年夏天, 都會舉辦一次.  個名稱為「夜市」就好像台灣夜市一樣. 有很多灘位, 購賣小食和飲品. 從而, 令加拿大各大食店,  有一個平台作推廣.  而我也是頭一次參加這些活動.

   「夜市」場地離我家, 不是太遙遠, 但又唔係近到可以行去......點都係要渣車去先到達!!! 我最怕渣車, 要揾車位. 所以, 去「夜市」前, 特登查定附近有無停車場. 有收費停車場也沒有所謂. 最緊要是有車位. 幸好,一切順利, 很感恩!!

    越是華人舉辦的活動,我就越怕找車位.  我常常都感覺某部分華人係泊車方面, 很難控制. 不懂禮讓, 不守規舉,  好得人驚!! 所以, 我盡可能被得就被.  係今年, Brian 咁炎熱天氣下,還抱住一鼓熱誠去「夜市」見識. 因此, 我才奉陪....哈哈~~

   去到「夜市」場地附近, 已經看見很多人很多車, .......場面很熱鬧. 我們飯都未食, 就去「夜市」. 明符其實係「夜市」開飯.  真係咩檔口都食一餐. 食到個肚腩凸凸先走.   

↓一到「夜市」場地....已經看見很多車, 我們已經早到, 所以場內人流都ok!!!但夜啲就很迫!! 好多人 0

↓食了台式"掛"包和鹽蘇雞(鹽蘇雞就忘記影相)......還有日式豆腐和炸魚條0

↓台式蚵仔煎 (依個特別多人排隊食)0

↓燒羊串and 台式香腸 (貌相馬馬,但好味), 原個西瓜汁 (其實有原個菠蘿汁and 原個蜜瓜汁,但忘記影下來)0

↓日式魚形豆沙餅.................................臭豆腐 (真係幾臭)0

↓混醬腸粉.................................................泰式咖哩角0

↓薯仔串 0

↓生蠔.............................................................芋頭+榴鏈雪糕(榴鏈雪糕好似食緊榴鏈咁)0

↓食到天色變暗才走, 近排個天時常都很紫......還影了張夜景相0

   全程「夜市」我們流了不知幾多汗水.  但臨走, 還行了附近的華人超級市場一個彎, 兩個人, 買到四手都係購物袋, 先捨得返屋企. 都話星期五啲力氣, 比一般時間強一點. 哈哈~~