難得好天喎!! 太陽又唔係話好猛, , 出街飲杯野,享受下!!
Brian仲提議坐Patio 飲野, 他提議, 我實無咩所謂!!!
↓出街前,係電梯內影張相先!! 0
首先, 由屋企行出街, 就見到屋企附近起咗"租單車機". 付適當款就可以租單車, 周圍去!! 而且, 去任何一個"租單車機"還單車都得, 好方便呀!! 而且, 收費好合理. 天氣再熱啲, 都想租一架黎玩!!
↓租單車機0
行無耐就去到飲野嘅地方!! 天氣好, 坐咖啡店戶外的座位飲野, 再睇下書. 感覺好爽,好舒服!! 原本係一幕很美好嘅景致!!
但夏天就係夏天. 啲蚊蟲就會多. 坐無一陣就見到蜜峰and 蚊. 依兩樣我唔驚. 但我隔離果個開始唔自然囉!!
無幾耐,有堆雀鳥,仲係我哋隔離張檯, 放低兩两. 即時好嘔心!!
再之後, 有個人拖住兩隻狗, 就咁唔綁實兩隻狗, 就行開咗, 兩隻狗周圍行,仲行到我腳低附近,即時驚到唔想 郁. 書都無心機再望一眼啦!!!
無法啦!! 坐戶外唔夠15分鐘, 我哋就執野走!! 我哋兩個唔係戶外人. 就唔係戶外人. 大自然嘅一切. 真係唔識享受!! 融入唔到. 做唔到生在鳥宇花香中.
↓坐在露天茶座飲野0
↓當日見到嘅兩隻狗0
最後,換地點, 坐在書店裡, .....都係坐返係室內, 飲住杯飲品, 睇下書. 個心先平靜到. 我兩都係習慣石屎森林多一點.
↓星星凍and 熱咖啡..............書店內, 一大堆雜誌.....任我煲0
ReplyDelete順德大良都有呢d車出租
[版主回覆06/29/2011 05:13:00]靚芒: 係呀!! 你有無踩過呀??
台灣東部...如..花蓮都有單車出租來代步
ReplyDelete但沒有妳這裡的美侖美煥呢....!!
[版主回覆06/29/2011 05:13:00]冬日: 係呀!! 台灣都有呀? 你有無試過租黎踩呀?
let me ride ride sin ....
ReplyDelete[版主回覆06/29/2011 05:13:00]表叔公: 你有機會都試下吖!!
習慣石屎森林多一點>>>m2
ReplyDelete[版主回覆06/29/2011 05:14:00]Oli: 我都係呀!! 雖然啲花,草係好靚, 但都係室內會自在啲.
嘻嘻我同你一樣。啲同事成日話好最想係放假去海灘嘆啤酒，我覺得似受罪多啲。
ReplyDelete[版主回覆06/29/2011 05:14:00]angela1126hk: 我哋都係城市長大.....都係室內較為自在啲. 其實, 我都懶係好寫意, 想坐湖邊架!! 但忍唔住啲雀鳥,蚊蟲囉!! 哈哈~~
無喎, 要買租車卡, 且在大良有親戚載山載入, 唔使租.
ReplyDelete[版主回覆07/03/2011 04:55:00]靚芒: 咁仲好啦!踩單車都唔踩得遠啦!!去唔到幾多地方!!