7月1號, 加拿大國慶, 適逢是星期五.....剛剛好, 做就咗一個長周末假期.
有個長周末, 當然揾啲節目攪下, 今次, 就係同班妹,以及我們的另一半黎我家玩一餐, 順道我家樓下的BBQ場....燒野食!
為了想今次BBQ 特別一點, 我特別去啲高檔啲嘅超級市場買啲特別少少嘅BBQ食品. 享受一個特別少少的BBQ Party.
現在, 唔知係咪BBQ季節, 超級市場,真係好多特別醃定嘅BBQ 食品. 我就咁擦開燒烤package就可以燒得, 好方便. 而且, 啲味道唔錯! 自己醃都醃唔到依隻味道! 見個個食BBQ 開心, 我都開心!!
燒完野食, 上返去屋企開啤牌局, 飲下酒, 睇下電視, 又落下街食雪糕, 係咖啡室飲下野...又嘻哈到5am. 我瞓較時, 已經見到天到光埋....但好好玩!!
但我哋太沉迷係屋企玩, 夜晚, 忘記上大廈頂層看國慶煙花....玩到過咗時間先醒起添.
↓首先黎張男,女合照先
oop
↓BBQ的食品(啲香腸, 係羊肉香腸, 厚身啲香腸係 mozzarella cheese 香腸, 仲有,...串燒, 香草雞, Angus beef 漢堡扒,.......仲有香草羊扒,辣雞漢堡扒, 咖哩雞翼, and 另外一款雞翼.....)食到好滿足
oop
↓我好鐘意燒, 時常行埋個爐燒呀燒
oop
↓食到張檯都好亂...但啲野差唔多食清...哈哈!! 還飲了許多酒, 哈哈!
oop
↓之後, 係屋企整棉花糖夾餅做甜品
pp
↓坐係焗爐前等棉花糖夾餅...因為好快就食得. 熱辣辣...好好味
oop
↓棉花糖夾餅.....棉花糖焗熱...有少少溶, 夾餅+朱古力...好好味!
op
↓依啲相係自拍.....玩到顛顛哋, 我們便會自拍. 我們幾姐妹似嗎?
↓依張相....係為了影Hello kitty圍裙..還有同Brian玩自拍..四妹男朋友and四妹玩自拍
oop
↓零晨3am 去了咖啡店飲野,我們沒有飲咖啡, 只飲果汁, 檸檬茶, 食下冬甩....但求有個地方食下野, 傾下計,我仲係度, 玩whatapp....
你地坐係焗爐前等棉花糖好得意呀，有時焗蛋糕我都會咁做，覺得睇住焗個蛋糕起時好過癮
ReplyDeletep.s.你最後幅相好得呀
[版主回覆07/07/2011 06:22:00]Mui: ~係架!! 整蛋糕時都會坐係焗爐前望住個蛋糕升起架!! 感覺好得意. 我有時傻到洗衣機洗衫, 我都會坐係洗衣機前,望住啲衫轉架!! 哈哈~~ ~不過,今次整棉花糖夾餅, 就一定要望緊啲, 因為棉花糖容易"嚨", 所以, 要特別望住。哈哈~ ~最後幅相係三妹男朋友影架!! 係iphone 影落黎, 聽佢講, 個影相特效.....好似係App store download 架!!
妳的長假期都好開心好精彩！玩好天光！你地好勁！你幾姊妹都係瘦廋的，直髮，個型似！
ReplyDelete[版主回覆07/07/2011 06:24:00]Happy Girl: ~其實, 我哋好容易玩到天光架!! 我哋細個時,一放假就會唔覺唔覺玩到天光架啦!! 而家, 難得大家放假, 仲更加玩得精彩啲. ~多謝你讚我哋幾姐妹瘦瘦的.....其實, 我哋幾姐妹得一個係瘦啲, 其他都係好大舊架!! 哈哈~~
我下次bbq都似下餅乾夾綿花糖
ReplyDelete我都有你呢條圍裙丫
[版主回覆07/07/2011 06:24:00]Oli: ~試下啦!! 但買啲餅要厚身啲餅, 最好係graham cracker. 會好食啲架!! 記住材料有Graham cracker, marshmallows & 朱古力. 一齊夾埋,好好味!! ~依隻甜品, 叫S'more 呀!! ~條圍裙你都有呀! 依條圍裙係三妹係日本買比我嘅手信黎架!!咁"橋"你都有呀!!
BBQ is always the best in summer months!! Simple and tasty!! The food always come out perfect!!!
ReplyDeleteI like that last pic, sitting in a coffee shop 3 am in the morning....Cool!!
[版主回覆07/07/2011 06:29:00]Big daddy: ~Yes, you're right!!! BBQ 就係最方便.....係夏天bbq 就最岩!! 你有無燒野食呀? ~The last pic 係taken by 三妹的男朋友, 佢係App store download 咗個影相特效嘅工能. 所以, 影到幅相特別啲! ~其實, 夜麻麻都無咩地方開門, 我哋但求飲下杯野, 所以去coffee shop坐下囉!! 因coffee shop開24 hours 嗎!!
你地幾姊妹真係好感情，成日一齊 hang around，你地父母一定好安慰
ReplyDelete[版主回覆07/07/2011 06:29:00]亞四: 我哋gathering 唔係次次齊人架!! 所以, 有時唔齊人,我父母仲驚我哋排濟邊一個妹添!! 不過,我有四個妹, 加埋我, 五個女仔. 唔係話咁容易一齊約到埋一齊架!! 人多就會多問題. 我父母到現在還是很擔心我們五姐妹的感情. 不過,我相信做父母, 一定會咩都擔心一餐
零晨3am ，做咩咁早？
ReplyDelete邊個諗到咁樣食架？好簡單又好味，同小朋友玩最啱．正．
[版主回覆07/09/2011 00:03:00]靚芒: 我依邊啲小朋友好興食,這一個小食!!
呢個DESERT真係好得意!
ReplyDelete[版主回覆07/14/2011 07:56:00]Do. Ra. Me 依個dessert ,係我依邊啲小朋友會時常食架!! 我都係學啲小朋友食!!!你都試下吖!!都幾好味