到尾升了, 全日郵輪會由挪威駛回英國Southampton碼頭!! 所以, 全日會在北海上. 寄然, 全日在海上, 就享受郵輪食物 and 郵輪設施, 順道一邊執行李.
雖然, 今日沒有join 團,唔需要上岸, 但仍然很早起床, 原因就係去嘆一個豐富早餐. 早幾日, 掛住上岸join tour. 連食早餐都很簡單. 簡單到就咁係郵輪上嘅Buffet area 攞啲野食就算. 完全享受唔到食早餐的樂趣.
趁有機會@sea, 就當然享受一個舒服早餐啦!
↓專登去郵輪上嘅餐廳area 食早餐.......啲環境幾舒服, plating 幾別緻. 0
↓啲早餐擺到靚靚, 食都食得開心啲.0
而中午, 就約埋其他Auntie and Uncle 一齊, 再係郵輪餐廳裡面食午餐. 一大班人一齊食, 當然傾下計, 令到食一餐午餐, 都食到頗長時間. 不過, 優優閒閒日子, 我又唔介意咁喎!!! 但我覺依架郵輪餐廳啲午餐, 係好食過晚餐架!
↓午餐所食的食物0
食完午飯, 便去咗郵輪裡頭嘅賭場, 其實, 我去賭場唔會賭架!! 一來, 我無咩依啲運, 二來, 我都係想留多個錢係身邊點都好過送比賭場啦!! 不過,我發覺郵輪啲賭場, 啲莊好旺. 啲賭場好識請人.
之後, 去咗玩bingo, 每次坐郵論, 例必玩一玩. 最後, 得個"玩" 字. 咩都無贏過. 但都預咗, 當娛樂下都好.
↓玩Bingo, (今次郵輪比較多英國人, 有感英國人比較含蓄, 就算贏了, 都唔會大大聲叫出來的)0
原本玩完bingo, 很想自行回房間執行李, 可能我執行李比較有條理. 所以, 執行李時間比其他人長一點. 但就係依一點, 時常給我身邊果個撿我係緊張大師. 還拉了我去郵輪啲duty free shop 行一番才肯回房間.
越少時間執行李, 我就越驚執留野, 有啲野明明放咗係行李, 又以為未放, 揾餐檬. 不過, 唔知係咪心理作用. 行李啲物品執得整齊點, 比我感覺個行李會放到多啲野, 而且, 執行李整齊啲, 感覺個行李箱係會耐用點. 不過, 經依次旅行, 我強烈想買個輕身---行李箱. (如果Hello kitty 有輕身行李箱就好啦!! 哈哈~ )
最後, 又趕住, 趕住換衫食晚飯. 但執完行李一身輕晒. 執完行李....又代表依餐係最後一餐郵輪晚餐.有點不捨得添!!
到食晚餐, 如常和豎琴姐姐打招呼, 唔知係咪我每日都和她打招呼, 她竟主動叫我坐在她的豎琴位影張相留念. 其他人都無依個優惠. 豎琴姐姐對我好nice. 但當我影完之後, 很多人都話要豎琴位影相. 因豎琴姐姐開咗個頭嗎!!....哈哈~
↓扮奏豎琴...哈哈!!.....................................豎琴姐姐and me0
↓晚餐0
↓個意大利雲吞好好味0
↓食完飯, 馬上將自己食晚餐的行裝, 塞入行李內, 再貼上郵輪的行李記號牌在行李上,之後放行李箱係房間門口. 等待bell boy 般行李. 當我到英國的碼頭上.就會係碼頭的行李區. 見到自己嘅行李架啦!! 0
↓臨走, 係郵輪周圍影相留念0
↓係電梯都影....哈哈~0
↓房間走廊and 門口, Brian都望住我, 「咁都影一餐??」0
↓原來未影過房間啲相. 係到咗英國碼頭, 臨離開房間先影. (所以, 有點不整齊)0
Bye Bye !! Cunard, Queen Elizabeth
唔洗唔捨得，快d plan 定下次cruise 啦
ReplyDelete[版主回覆06/17/2011 10:21:00]angela1126hk 我已經plan緊幾時再去u.k. 啦!! 哈哈~~
去這一次旅行巳好滿足！這天好悠閒呀！早餐好正噃！
ReplyDelete[版主回覆06/17/2011 10:21:00]Happy Girl ~無錯, 依次旅行真係好難忘, 啲景色好舒服. 空氣又好. ~通常郵輪最後一天都係優閒一點的. 所以, 會嘆個靚靚早餐. 食完好滿足架!!
what a nice holiday! I use Samsonite suitcases and find them light and durable.
ReplyDelete[版主回覆06/17/2011 10:21:00]Mrs. Tin Tin: ~Thanks, 依個旅程, 真係好好享受,好舒服!! ~我都係用緊Samsonite架!! 相中綠色果個就係Samsonite 行李囉!! 但就係依個綠色行李, 次次, 放少少野都好重. 成日比航空公司話好重. ~唔知我係咪要買Samsonite 軟身行李好啲呢??我現時綠色果個Samsonite 係硬身架!!
我想問船上個幾日的早午晚三餐，係咪包埋架?
ReplyDelete[版主回覆06/17/2011 10:21:00]oli: ~郵船上我哋食啲野係包埋係郵輪費用內. 但酒就唔包. ~不過, 郵船都有啲special 餐廳, 特別食一種國家啲菜式, 例如有法國餐廳, 意大利餐廳. 但依啲special 餐廳食野就需要付費.
my wife loves cruise, and we went on our honeymoon, a cruise trip to the Western Carribean... I am not too crazy about it but I did enjoy it when I was there.
ReplyDeleteYou have a great Cruise vacation with family, I am so happy for you!
[版主回覆06/17/2011 10:21:00]Big Daddy: ~我記得呀!! 我記得你講過你honeymoon係同太太去坐cruise架!! 咁樣都幾舒服!! ~我其實都唔係話crazy on cruise嘅!! 只係咁啱今年Brian's parents需要去英國一躺, 所以, 就索性攪依次cruise trip 囉!! 而且,我哋又請到假期. 又有加拿大嘅Victoria day. 因此, 唔夠半年再多一次cruise. 不過, 坐cruise真係好好享受. 好舒服. ~同Brian's family去旅行都幾好玩, 因為他們好玩得, 每次都學到啲野!!
The North Sea usually gets very wavy a few months out of the year, how was it when you were there?
ReplyDelete[版主回覆06/17/2011 10:22:00]Big Daddy: ~我報名前,都知North sea比較大浪架!! 因為我坐個架郵船係今年第一次落水的. 但就perfect 應係六月中去架!! 但我哋六月中無時間, 所以,就五月去囉!! 其實, 都係一日大風大浪, 其他時間都ok架!! 而我又ok, 無咩特別反應. 一切正常. 所以很感恩.