禮拜日去飲茶依個例牌動作, 我相信由我自出娘胎,已經開始. 係母親節依個節日, 當然唔少得這個環節啦!!
母親節喎!! 當然會食得好少少. 所以, 便選擇去了酒店裡頭嘅中菜部飲茶. 雖然, Brian預早一星期打去酒店嘅中菜部留位. 但到當天, 仍然要等半小時, 才可入座.
幸好, 三妹男朋友帶齊所有八婆雜誌. 可以消除一點呆等嘅悶意. 我哋幾姐妹+媽咪好興, 一齊評論下啲八婆雜誌嘅野架!! 有時, 評論到好嘈下架!! 哈哈~~
唔知母親節係咪比較多人去飲茶, 連帶啲食物上檯都比較耐. 我哋飲茶都飲咗差唔多三個小時. 其實, 食幾耐都無所謂. 但求媽咪開心!!
現在, 啲細妹開始長大, 會自行買禮物送給阿娘. 我見到阿娘一袋二袋禮物....我做家姐都感覺啲妹成長了!! 明白阿娘的需要. 雖然, 有啲妹時常令我好勞氣. 話極都唔肯聽. 但係依啲節日, 會盡可能合作. 我也感安慰. ....
↓酒店中菜部門外嘅格局....................& 點心 (海鮮酥 and 燒茄子)
↓依間酒店啲中菜部點心, 係比較新派架!! 幸好,我阿娘, 都係貪新鮮啲人, 好肯試新野!! 士多啤利西米露 + 荔枝桂花糕 and 榴蓮酥 (超好味)
*我亦感謝Brian每年母親節, 都和我屋企合作. 安排一切. 他還幫我出一大隻雞, 而我只係付出丁點豉油就足夠!! 我屋企, 計埋阿妹啲男朋友, 已經十個人以上. 真係要一定份量先夠食!! 多謝你,付出咁大隻雞比我屋企人!!
我都喜歡食榴櫣酥....夠鬆趣又有果香味.......正
ReplyDelete[版主回覆05/13/2011 07:24:00]冬日 我都係超愛榴漣酥, 一見到點心紙有得食,即刻叫黎食. 我一人食了兩件..哈哈
你地幾姊妹既男朋友都選擇同你屋企人慶祝，咁好。
ReplyDelete[版主回覆05/13/2011 07:24:00]angela1126hk 我屋企比較傳統嗎!! 食飯要全部成員坐埋一齊架!! 所以,做得我哋男朋友幾忙都要出席架!!
哈哈~~ 其實我仲未食母親節飯架!!! 我星期五(13/5/2011)先食, 因我媽知我們好難約齊家中各人, 所以佢在母親節都無所謂, 大家分開同亞媽食飯囉!! (生日她就重視好多, 要約定一日盡量見齊各家人)
ReplyDelete母親節最重要的主角係媽咪, 佢開心就好了!!
[版主回覆05/13/2011 07:24:00]Elaine: ~你媽媽好開通呀!!都無咩所謂幾時食.....好識體諒現今啲都市人. ~講得岩, 母親節媽咪開心就得!!
(Empty)
ReplyDeleteYou guys had a great Mother's day....Congrat!
ReplyDelete[版主回覆06/01/2011 08:33:00]Big Daddy: ~Thank you!! ~Acturally, my family 係一個好傳統嘅家庭. 所以, 一定正日要到齊慶祝. ~不過, 現今其他家庭成員能到齊慶祝. 好難得.