April 22, 2011 (Friday)
其實, 我開Party 都只係約埋啲妹以及阿妹啲另一半黎我度, 顛返一日囉!! 大伙兒, 玩下games, 傾下計, 食下野, 模下酒杯低. 總之, 就一齊暢聚下.
雖然, 開party, 事前功夫都多, 我去了無數次超級市場. 但都係開心嘅繁忙, 都唔會覺辛苦.
April 22, 我一起身無耐, 我班妹及她們的另一半就黎咗我度啦!! 首先, 緊係一大班人去咗飲茶, 食個晏啦!......最開心就係多人去飲茶, 可以咩都叫, 咩都試. 一人一啲, 好快就食晒. 飲茶都飲咗成兩個幾鐘.
↓由於人多, 一有點心到, 就有人夾, 我唔好意思叫停人, 我求其影咗啲點心相.
話就話party, 但我都係好求其, . 但都無咩準備啲小食嘅野, 要零食先, 行落樓下啲便利店裡頭買. 但紅酒就買到足....我and Brian 買了三支酒. 但三妹又買多三支. Totally, 六支酒, 比六個人, 等住飲. 哈哈~~~ (最後都清晒)
↓好簡單準備咗復活節朱古力, 仲有曲奇(唔記得影).....最重要就係酒.......
飲完茶, 成3pm, 就開始玩遊戲(Monopoly 大富翁), 邊個踏到別人嘅地, 就要飲酒, 越踢得嘅地越貴, 就飲得越多. .....就係咁, 好快就無咗兩支半酒. 未天黑, 阿妹and 她們的男朋友話要抖一抖. 好彩, 我都ok. 如果唔係廚房隻火雞唔知變咗咩樣. 哈哈~~
↓開酒前, 黎張相先...................................飲到中途開始玩自拍
↓自拍take 2............................................啲男士就...唔知他們做咩. 成日點數. 哈哈~~
↓(因飲過酒) 天未黑就話要抖下
↓瞓得好淋喎!! 唔知我影相添!!
入晚, 隻火雞終於攪掂啦!! 個個抖完一陣, 精神萬倍, 個個都好刷得. 今年, 我家個雪櫃都唔係剩返好多野. 好多野都食清晒. 就算食唔晒啲火雞肉, 我都pack一盒盒, 比啲阿妹帶返屋企再食.
↓16磅火雞(火雞肚內釀咗糯米飯餡), 有什菜番茄湯, 有火腿, hot cross bun.......
↓黎張合照...........................................Brian最喜歡同火雞批影相
飯後, 再玩過games, 飲下酒, 傾下計. 每一個人, 又再一次情緒高漲, 嘻嘻哈哈, 又玩到零晨3am....哈哈! 度過一個難忘嘅復活節. 哈哈~
↓零晨時份, 一人一句, 笑唔停, 講唔停
哈哈你地玩得好顛呀，未開飯就要眠一眠充充電
ReplyDelete[版主回覆04/28/2011 05:57:00]Mui: ~放假嗎!! 簡唔中顛下,會好開心架!!仲特別難忘添!! ~由於, 食完lunch 就開酒啦!! 而且, 我覺瞓較會傳染, 所以, 一個棉, 其他都跟囉!!
你地好飲得又好玩得！在Toronto, 和家人的聯系會蜜切些的！
ReplyDeleteHappy Easter !
[版主回覆04/28/2011 05:57:00]Happy Girl: ~現在都係假期才會有機會見到啲妹, 此於, 個個開始大, 有自己空白, 有自己工作, 好難"就"到時間. ~大家咁話..Happy Easter!
~我都無試過一班人一齊食火雞！好開心啊！
ReplyDelete[版主回覆04/28/2011 05:57:00]靚太Mrs. Beauty: ~我唔係識整太多野食, 火雞放入焗爐, 再投支溫度計內火雞面, 當溫度計達到某一階段就ok架啦!! 雖然, 焗火雞時間耐, 但焗火雞中段啲時間, 可以全程都係玩. 玩到差唔多就有得食. 其實, 開party 整火雞, 幾好嘅選擇黎架!! ~有時, 我自己開得Party, 都唔想留係廚房太耐啦!! right!!
好開心呀!
ReplyDelete[版主回覆04/28/2011 05:57:00]開心快活人: 放假開下party, 大家一齊玩下, 顛下, relax下, 真係幾開心架!!
放三日咁少咋?
ReplyDelete似新年全盒多D喎
[版主回覆04/28/2011 05:57:00]Oli: 真係新年全盒黎架!!物盡其用嗎!! 復活節就用黎放復活節朱古力蛋囉!! 哈哈~~
咁搞笑會瞓晏覺嘅？ 比我咁多人我實開枱
ReplyDelete[版主回覆04/28/2011 05:57:00]angela1126hk: ~咁飲完啲酒......咪有啲想瞓囉!! 而且, 一個開始瞓, 其他都跟住, 好似瞓較識傳染...哈哈~ ~我唔係太識打牌架!! 所以, 我唔會開枱
話瞓就瞓, 幾攪o野~
ReplyDelete[版主回覆04/28/2011 05:57:00]cowcow: 可能瞓較有傳染架!! 一個瞓咗, 第二個就跟住. 而且,飲少少酒, 可能咁樣好瞓啲啦!!哈哈~~
食火雞...似聖誕節, 咁多糖果....似新年..!!!
ReplyDeleteHappy Easter....
[版主回覆04/28/2011 05:57:00]冬日: ~火雞除咗聖誕節食, 係復活節啲人都會食火雞架!! ~個糖果盒, 真係新年個全盒黎架!! 物盡其用嗎!! 唔會浪費....哈哈~~
你d妹真係好鍾意放假去你屋企玩喎....感情非常之好呢~~~~
ReplyDelete我初時見到你個全盒仲好奇怪你做咩拎呢個嘢出嚟....呵呵~~~
[版主回覆04/29/2011 07:06:00]開心幸福Pooh~ ~我又鐘意同阿妹玩, 阿妹又鐘意係我度玩....咁難得大家放假就一齊玩返日囉!! ~係呀! 係全盒黎架!! 物盡其用嗎!! 係Easter 買啲復活節朱古力蛋咪放入去囉!!
That was a great party you have there!! The pic with them sleeping is "Priceless!"
ReplyDelete[版主回覆04/29/2011 07:06:00]Big Daddy: 張sleeping picture 簡直就係証據....哈哈~~
隻火雞焗得好靚呀！ 我未試過自己焗，聖誕節時都係喺餐廳訂，你焗得仲好！自己焗一定好味好多！
ReplyDelete咁大隻用幾多度焗幾耐時間呢？d糯米飯係咪要預先煮熟再放入去呢？有機會都想試吓整！好似見過香港d生火雞大約都係11、12磅，係細隻d嘅！
[版主回覆04/29/2011 07:07:00]cckitty08 ~係香港係餐廳訂火雞, 我覺幾貴架!! 不過, 聖誕節有隻火雞, 係特別有氣氛架!! ~我依隻火雞, 大概16-18 磅. 都焗咗4個幾鐘(高溫)先完成. 但我依邊啲火雞, 下下都好大隻. 廿幾磅我係超級市場都見過. 所以, 我隻火雞係依邊黎講, 唔算大火雞. ~啲糯米飯係早一日整定架啦!! 仲放係雪櫃添!! 但係臨焗雞前, 先塞啲飯入隻生火雞裡面. 在焗火雞過程時, 啲糯米飯會散發出啲油, 令到火雞肉唔會太"鞋". (這方面,係我感覺)
真開心... 同家人食飯玩下就係咁簡單^^
ReplyDelete在香港開party好少會開酒飲, 因多數人都唔太識飲酒, 而且多數會整果汁/汽水咁, 飲酒好似有feel d, 不過我都唔識飲的, 好少好少都面紅而醉了^^
[版主回覆05/03/2011 07:21:00]Elanie: ~咁放假就開心下囉!! ~係咩, 原來香港啲party唔興開酒飲架!! 我覺飲咗啲酒, 個氣氛好似會好玩啲架!! ~如果我係香港有自己地方, 我返香港都想開返個依啲party 架!!