嘩!! 一起身, 望出街,真嚇我一跳, 原來落緊雪. 都成四月中, 仲係咁凍, 仲係咁涼. 究竟春天會唔會有架?? 上個周末暖咗一日,...第二日, 都涼返啦!! 直到而家都係好涼呀!! 出街仍然好唔瀟晒. 仲係帶頸巾, 手套才出到街!
↓落雪天
↓積到啲雪, 箭咀指住....係白色雪黎架.
唔理啦!! 落雪就落雪啦!! 一起身, 就去叮啲早餐食...係昨天專登買多份, 預黎今天食, 咁瞓到遲咗都唔驚無早餐食啦!! (都瞓到差唔多12pm...哈哈~)
很喜歡周末懶洋洋食早餐.感覺很舒服, 很自在.
↓星期日早餐
食完早餐無耐 (其實係Brunch), 三妹男朋友 & 三妹打電話黎, 話會落黎我哋附近買野!! (0下!! 三妹, 你又黎啦!! 哈哈~~)咁就大家一齊去行, 一齊去買啦!!
就係咁, 無啦啦, 就出咗去行街, 一係唔出, 一出街, 我實會買到野!! 一行入化妝店鋪, 個樣又好, 依樣又新....就係咁, 抱咗兩袋仔戰利品返屋企.
唔知係咪依日大風大雨雪, 係化妝店竟然無咩人. 我哋任試任玩.....啲Sales姐姐仲無啦啦比啲samples 我 and 三妹添!! 都幾開心~~~
行到攰, 仲去咗Tea 一Tea 添!!
↓我嘅戰利品 .........................&Tea time...........................依日, 太大風, 吹到頭都亂
臨行返屋企, 三妹話好想試下我啲煲仔飯, 所以, 臨返屋企時, 順便行去買啲肉排返去開工, 煮飯.
都無預料要煮飯比三妹and 她男朋友食, 完全沒有準備, 煮飯時, 還有點手忙腳亂. 好求其整咗一餐.
唔知係等我煮飯, 等得耐, 定係咩, 成煲飯, (都成五嘜半米), 四個人食, 全部清晒呀!!
↓蒸水蛋, 鹵水魚蛋, and 肉排蠟腸煲仔飯
↓飯後甜品 --Meringue
*依日, April 17, 永遠都記得, 因為我依日離開香港, 移民加拿大架!! 真係完全無諗過, 到現在, 還在加拿大
都無預料要煮飯比三妹and 她男朋友食, 完全沒有準備, 煮飯時, 還有點手忙腳亂. 好求其整咗一餐.
唔知係等我煮飯, 等得耐, 定係咩, 成煲飯, (都成五嘜半米), 四個人食, 全部清晒呀!!
↓蒸水蛋, 鹵水魚蛋, and 肉排蠟腸煲仔飯
↓飯後甜品 --Meringue
*依日, April 17, 永遠都記得, 因為我依日離開香港, 移民加拿大架!! 真係完全無諗過, 到現在, 還在加拿大
好豐富的早餐！４月仲咁大雪！好彩妳有男友和家人，否則在那麽冷的地方好會感到好孤單呀！
ReplyDelete[版主回覆04/27/2011 07:21:00]Happy Girl : ~我多數係周末,份早餐都會豐富啲架!! 因為平時好趕, 早餐方面食得好求其架!! ~現在天氣還是凍凍哋, 有時啲天氣就令到人, 個心情馬馬!! 有時, 就係因為天氣令生活上很不便. ~你說得對, 男友&家人係加拿大,生活方面和精神方面都無咁孤單.....
可能真係好味道到食清光呢!
ReplyDelete[版主回覆04/27/2011 07:21:00]冬冬: 我覺他們等得耐, 所以, 個肚打鼓, 唔理好唔好先食都食晒咋!!
今年天氣好反常呢，香港4月仲有D涼意
ReplyDeletebtw煲仔飯好吸引，天氣冬食佢，好舒服呢
[版主回覆04/27/2011 07:21:00]Oli: ~我都覺呀!! 啲天氣越來越唔對版啦!! 越黎越凍,我依邊仲凍緊...... ~其實,我整果個煲仔飯, 都係學習當中, 但天氣凍凍哋食, 就啱晒, 食到個人暖笠笠!!
~你個煲仔飯咁吸引，我都會食兩碗，所以清哂唔出奇！
ReplyDelete~哎唷，四月仲落雪都真係令人幾沒精打采啊！
[版主回覆04/27/2011 07:21:00]靚太Mrs. Beauty: ~我個煲仔飯, 仲係學習中,還有待改進架!!! 可能,依日我煮耐咗, 慢咗手腳, 等食飯啲人, 等到個肚打鼓, 所以, 先清晒煲飯咋!! 而且, 依日突然又凍返, 煲仔飯食完額外暖笠笠, 個煲仔飯自然變咗搶手貨啦!! ~無錯, 四月還是凍天氣, 真係人都眼瞓啲. 直到現在,還是很涼.......
蒸蛋加魚旦配煲仔飯好特別.....但好似欠了一碟菜 !
ReplyDelete可能仍下雪的四月中, 好難買到靚菜 !
[版主回覆04/27/2011 07:21:00]冬日: ~依日我完全沒有預料阿妹會走黎我度. 我突然間都唔知煮咩好. 屋企原本有蝶椰菜, 但阿妹話唔食.....所以, 無攞蝶菜出黎囉!! 哈哈~~ ~都唔係無菜買!! 只係屋企啲菜,唔啱人客口味咋!!
It can't believe still snowing in Toronto, Vancouver's weather now is clear & sunny always!
ReplyDelete[版主回覆04/27/2011 07:21:00]TaTa Source: 多倫多不流都係凍過溫哥華. 我而家依邊啲天氣還是涼涼哋. 係溫哥華生活, 天氣好啲. 人嘅心情都會瑜快啲. 我很喜歡溫哥華啲地方夠集中, 好closey....我每年都會去溫哥華行下架!!
Happy Easter
ReplyDelete[版主回覆04/27/2011 07:21:00]mrsleung: 多謝你!! 大家咁話!
你個煲仔飯一定好好味呀！裝鹵水魚蛋個Hello Kitty頭形碗真係好靚，好好用！
ReplyDelete[版主回覆04/27/2011 07:21:00]ccKitty08: ~我覺我個煲仔飯還有待改善架!! 可能啲人等我煮得太耐, 個肚打鼓, 所以, 先清晒煲飯囉!! ~我都見到你有Hello kitty 頭形碗. 依隻碗, 又可以入焗爐, 容量又夠深, 好好用架!! (又係香港朋友送架!)
有時我都幾喜歡冬天, 可能我唔太怕凍, 比較怕熱, 所以情願冬天的來臨!! 香港的冬天都比較短, 春夏天又熱又濕, 令我的皮膚唔好, 唔舒服啦!! 唔通我適合加拿大的生活?? 哈哈~~
ReplyDelete[版主回覆04/27/2011 07:21:00]Elaine: ~我超怕凍架!! 我都唔知我咁怕凍嘅人,硬係要係啲凍地方生活. 我一年都唔知着唔着到10日短抽衫. 但我依邊好乾燥, 乾到皮都會裂架!! 有時乾到啲皮膚好itchy架!! 都係唔適合你居住啦!! 哈哈~~ ~我聽而家好多香港人都有濕疹,.......依啲好難攪, 好多時啲藥膏都係治標唔治本. 要keep 個人清潔, 乾爽. 感覺皮膚itchy就試下, 唔好"R". 用手拍打痕處. 已免受傷.
See, you are a good cook and you don't even know it!!
ReplyDelete[版主回覆04/27/2011 07:22:00]Big Daddy: I'm not a good cooker......我缺點係煮野慢. 等太耐一定餓, 所以, 當我搬食物上臺, 啲食物就會好快清晒. 哈哈~~
Vicky, ~天氣真係好反常，成4月尾架啦，我地都仲要著外套先出到街，地球先生真係病得好嚴重呢，所以我地一定要支持環保啦。 ~我見你個煲仔飯既煲都好似幾大架喎，每次都用佢黎整煲仔飯，睇黎你倆個都真係幾察得^.^ ~個甜品好靚呀，唔知唔會唔太甜呢?
ReplyDelete[版主回覆04/27/2011 07:22:00]陶陶夫人: ~都唔知咩事, 現在都就落五月啦!! 我依邊仍然好涼, 有時一朝早, 或者傍晚. 我覺凍添!! 外套都頂唔到暖. 仍然着緊縷. ~我都唔知自己環唔環保架!! 但我都分類垃圾成十幾年了. 希望依一點能夠幫到啲環保啦!! ~係呀!!依個煲算係大架!! 今次有人黎, 就整大煲啲飯, 平時, 得我同Brian 食,就當然煮少啲, 少過相中嘅飯一半. 因而, 令到個煲好似好多位剩. 所以, 我想買個細size 煲for 兩個人用. 但等特價先買. 哈哈~~ ~個甜品, 得個樣, 唔係話太好食. 但好彩唔係好甜.
都成五嘜半米?你個咩嘜 ? 係咪電飯煲跟黎個隻? 我一家4 口, 其中2個發育青年, 都係食3嘜半米咋, 你地真係好肚餓嘞.
ReplyDelete[版主回覆04/27/2011 07:22:00]靚芒: ~我用個嘜, 係電飯煲附送個隻杯囉!! 我依日煮唔多餸嗎!! 最主要都係煲飯, 所以, 五嘜飯清晒都唔出奇架!! 哈哈~~~ ~我娘家, 如果到齊人食飯, 都成11人食飯, 都要煮好多嘜米先夠食架!!
咁你邊1年既4月17會返嚟香港呀???呵呵~~~
ReplyDelete[版主回覆04/27/2011 07:22:00]開心幸福Pooh~ ~好耐無見你啦!! 你近來點呀??我等陣去你個邊先.... ~我都唔知幾想返去香港......但好多理由返唔到嗎!!! 我都好掛住香港....