行商場

March 27, 2011 (Sunday) -12℃    
    買早餐時, 仍感受到寒意. 凍住行去買早餐. 不過, 捧住袋早餐返屋企, 會好開心. 因為很喜歡在星期天, 嘆早餐.

    我真係嘆個早餐好耐架!! 一邊食, 一邊睇雜誌, and 睇電視. 食到中午都得. 好享受依個懶洋洋嘅感覺.

↓早餐    0


   下晝, 走咗去行屋企附近個商場(Eaton Centre). 見到Apple store 門口有好多人排隊, 等呀等.  原來, i Pad 2 係加拿大出購兩天. 仍然, 需要排隊才能買到. 蘋果產品確實吸引.

    我哋入去買個 i Pad 2 保護套, 都排咗好耐隊先比到錢!! 蘋果蘋果,....你好勁呀!!

↓條人龍係排隊買 i Pad 2架!! 另外張相係Apple store 門口嘅window display......最後,Brian買了個藍色保護套  0




    行完Brian啲野, 又到我啦!! 我一次過, 買了兩套裙, 有啲人買衫, 買褲, 需要用好長時間先買到. 但我一有需要買, 就會好快手. 我計埋試, 都唔洗15 mins . 就行去櫃臺比錢.  不過, 我都係好彩, 咁啱我想買個啲裙,就比我見到.....而且, 去櫃檯比錢時, 無啦啦話有咩咩星期日優惠, .....我買嘅裙有$10 off 呀!! 開心到我吖!! 哈哈~~~

    之後, 去咗咖啡店tea 一 tea, 現在星星咖啡店啲掍仔蛋糕, 好吸引呀!! 而且, 又唔貴. 用黎當下午茶就最啱.

↓紅色果袋---係我買嘅裙. .............星星咖啡店, 飲下午茶0


↓商場出面, 個十字路口, 超多人!! 每次只係過到3-4架車, 因為地鐵臨停服務作維修. 所以, 啲人擁上地面, 去坐接博巴士. 令到全街都係人!! (我係車箱入面影, 效果係馬馬!! 但真係好多人)0



     晚餐, 又係我顯技, 雪櫃有就整咩. 其實, 煮完先知, 煮到好似上星期日嘅晚餐咁. 哈哈~~ 咁為咗清雪櫃嗎!! 同上星期日差唔多都係咁話. 而且, 依排啲青口平嗎! 咪買多咗囉!! 哈哈~~~

↓有煎三文魚塊, 食剩嘅煲仔飯, 食剩嘅飲茶點心, 豉油雞翼, and 青口 0


Posted by at

9 comments:

  1. LaLa2 April 2011 at 18:32

    Vicky,你和Brain眞係好恩愛呀,成日都出雙入對,so 羨慕ing~~
    [版主回覆04/07/2011 07:24:00]LaLa:   你睇我好, 我睇你好啦!! 唔洗羨慕我哋.

    ReplyDelete
  2. 陶陶2 April 2011 at 21:29

    Vicky, ~Apple真係好勁，勁到呢邊有3份報紙話我地唐人乜都排一餐，唉...其實D鬼佬大多數買黎係自用，但就唔知道D唐人係買黎炒囉，哈哈。 ~我同你買衫都係一樣，我睇岩就好快手，連埋試都只係十幾分鐘，我有個朋友，同佢買衫真係買到我怕，因為佢有選揀障礙架，買衫時根本唔知揀邊件好，到揀好邊件又唔知揀咩色好，跟住就件件試，一間shop可以搞成個半至兩個鐘，跟住到頭來可能乜野都無買到，如果同著呢d人去買野你就慘啦。 ~其實呢個dinner好多野食喎，而且樣樣都好似好有水準咁呢，個你兩個係咪真係食得晒架?我睇d青口都有得3磅，真係膽固諄萬歲。我其實都鐘意食青口架，但唔係成日整，多數用白酒煮佢，你呢?睇黎都似用白酒煮喎
    [版主回覆04/07/2011 07:24:00]陶陶夫人:   ~我睇啲forum講, 美國都幾多唐人排隊買iPad 2. 我依邊, 反而唔係太多Chinese 排, 條iPad 2隊, 咩人種都有啲人排下咁囉! 而且, 啲人排隊都係自用具多. 因為我見到我屋企附近嘅商場, 啲人都係買一部就走人.   ~其實, 我見到啲forum 有啲美國人不滿, 因為有啲人係知道啲唐人係買黎炒架!! Forum 啲人講, 咁樣對原本想嘅買家, 就唔公平. 其實, 我覺好多人係會攞i Pad2 黎炒, 但唔太過份就ok. 鬼叫i Pad 2啲產品吸引, 好用咩!!    ~我買衫, 買裙,有Brian係我身邊, 我買得仲快呀!因為我唔想"咗"到身邊啲人嘅時間嗎! 我又唔會突然間去買野啲人, 我有需要先會買. 所以, 遇到岩就會好快手.    ~你個friend 都幾好笑, 買件衫都好似揀老公咁架!! 哈哈~~~~  好多野, 都顧慮唔到太多啦!! 我登你個朋友慘, 有時, 買唔到心中所想, 個心仲辛苦啦!!如果件衫or 裙係迫切性仲大濟!!!    ~依餐dinner, 我哋兩個食得晒呀!! 可能依餐dinner 前, 我哋去咗行街啦! 周街撲, 所以, 特別開胃啦! 依餐啲食物, 好多都係食剩嘅食物黎架!! 都唔係話咩水準.....清雪櫃餐就真!!!    ~而家, 啲青口做緊特價嗎! 所以會額外買多啲黎食下囉! 我依餐啲青口用雞湯煮, 啲青口湯, 更加甜.

    ReplyDelete
  3. ccKitty3 April 2011 at 08:54

    Woh！好大煲青口呀！yummy！
    [版主回覆04/07/2011 07:24:00]ccKitty08:   近排我依邊啲青口做特價嗎!! 而且, 又幾新鮮, 所以, 額外買多啲青口黎食囉!!

    ReplyDelete
  4. Connie3 April 2011 at 13:36

     嘩...好好送呀! 最近天氣熱左...我都成日飲星星呀! hehehe......
    [版主回覆04/07/2011 07:24:00]小水怪:   ~好耐無見你, 我有排去你度, 見你咩blog 都無晒. 我以為你唔再寫blog 添!   ~哎吔, 好多餸都係食剩架!! 哈哈~~   ~近來, 都唔算話熱咗, 我依邊仲有啲涼意. 還需要"咩"住件褸出街行.   ~我都係周末, 經開先會飲星星咖啡, 平時, 就少飲. hehe

    ReplyDelete
  5. BigDaddy4 April 2011 at 10:41

    are you going to model your new dresses for us?
    [版主回覆04/07/2011 07:24:00]Big Daddy:   唔會啦!! 唔會而家試出黎啦! 因為我遲啲會着, 都應該會post 上黎. 你遲啲會見到.

    ReplyDelete
  6. BigDaddy4 April 2011 at 10:41

    Eaton Center is nice, I love to shop there when I visit Toronto! It reminded me of the Macy's in NYC...
    [版主回覆04/07/2011 07:24:00]Big Daddy:   ~Eaton Centre 現在內部裝修呀!! 行行下會見到好多木版....哈~~ 但仍然好多人去行.   ~我都好鐘意行Macy's. 好多唔同品牌選擇呀!!

    ReplyDelete
  7. 表叔公6 April 2011 at 02:12

    woo .. shopping day ...
    wa .. still -12C ?
    [版主回覆04/07/2011 07:24:00]表叔公:   ~都係特別話shopping day, 所買嘅野全部都係有需要用. 用得着才買.   ~係呀!! 我依邊仲係有涼意, 我都想快啲暖返啲.

    ReplyDelete
  8. SkyBlue6 April 2011 at 04:48

    你個dinner都好豐富ar!
    [版主回覆04/07/2011 07:24:00]傻妹:   咁行完街, 周街撲, 係會比較肚餓啲架啦!! 但依餐dinner, 有啲餸係前晚食剩嘅餸黎架!! 哈哈~~

    ReplyDelete
  9. Col6 April 2011 at 08:23

    u shop really fast  
    [版主回覆04/07/2011 07:24:00]小col:   咁見岩, 自己又有需要, 便即時買下啦!! 而且, 我怕身邊啲人等我嗎!! 所以, 我買野好快架!!

    ReplyDelete

Subscribe to: Post Comments (Atom)