很喜歡這個星期六, 得我們兩個人. 見我哋兩個咁耐都無嘆過茶, 起床之後, 便立刻梳洗, 行去飲茶.
雖然, 兩個人飲茶, 係叫野食方面有點難度. 但就喜歡這個自由, 坐幾耐, 食咩野, 任由自己選擇. 很享受!
一朝早, 肚空空, 話去飲茶, 當然什麼都想吃. 不自覺叫了很多籠點心. 但每籠食啲啲. 都係闊肚紮啦!! 最後, 都係打包一盒盒回府.
↓飲茶點心 (最喜歡最尾張相嘅---饅魚酥)0
由於, 加拿大嘅Apple store 發購咗 i Pad 2. 咁連帶i Pad 2 啲配件都出咗. 咁我隔離果個當然要去望望啦!! 雖則玩了 i Pad 2兩星期, 但i Pad 2 還未有保護套. 我掂部 i Pad 2都份外小心, 有時, 唔知自己咩動作. Brian 也會為部i Pad 2心驚膽跳.
所以, 飲完茶嘅節目, 便是去齊Future shop and Best Buy (電器鋪). 望望i Pad 2 嘅保護套. 一行得入電器鋪, Brian 邊會剩係望 i Pad 2啲配件. 簡直見到咩電器都有興趣啦!! 這係咁, 消磨了許多時間.
最好笑, 電器or i Pad 2 嘅保護套, 就買唔到. Brian竟買咗條西褲. 哈哈~~ 我成日都覺有心去揾就未必揾到. 但有啲野係無心去揾. 自自然然就揾到. 買野都要講緣份. 唔知點解, Brian依條西褲比我嘅感覺,.....係會着好耐.
臨回府, 去了超級市場, 行了一轉, 之後, 我入廚房整Brian 講足成個星期嘅煲仔飯. 他很鐘意食煲仔飯. 食開鐘意就會食. 仲要係材料+份量要同上次一樣. 所以, 我時常講, Brian 細個啲工人點解可以係佢屋企打咁耐工. 皆因, Brian容易奏. 日日煮同一款他鐘意食嘅菜式便攪掂.
我曾經煮過全個星期嘅豉油雞比Brian 食. 因為他鐘意食, 他唔會有聲出. 雖佢食唔厭, 但我都煮厭啦!! 我之後頂唔順煮其他野!! 他好像有點不慣. 哈哈~~~
係咁架啦!! 鐘意食都唔會日日整. 咁先顯得個煲仔飯矜貴嗎!! 哈哈~~
↓星期六晚餐, 麵豉醬炒椰菜, 煎三文魚塊, and 肉排潤腸煲仔飯0
肉排潤腸煲仔飯 .... the 煲 is interesting ...
ReplyDelete[版主回覆04/07/2011 01:17:00]表叔公: 個煲係家庭用品店買, 加拿大貨....哈哈~~
又煲仔飯呀,又引我流口水ing~~
ReplyDelete[版主回覆04/07/2011 01:17:00]LaLa: 我隔離果個日日都哎我煮煲仔飯, 因為他好鐘意食架!! 但我只係一星期先煮一次, 咁先顯得個煲仔飯矜貴嗎!!
Vicky, ~又見到你地加國既精美點心啦，唔怪得我個個朋友仔去完加國都話同米國差好遠，淨睇你地d點心造型，已經無得比啦。 你知嘛，其實對於我地呢邊黎講，加國其實係美食天堂，甚至有唐人既遊行團出團特登過去食野架(仲要係3日團，食足三日)，我有朋友參加過，返黎係咁叫好，有個由HK移民過黎既fd，同佢老公去到加國，都話同我地差好遠，哈哈，每個weekend都有好野食真係人都開朗d架！ ~煲仔飯唔通係男人既至愛?我老公都係成日叫我煮煲仔飯架(尤其是冬天)，但我都唔會日日煮架，學你話齊，佢唔 厭，我都 厭啦
ReplyDelete[版主回覆04/07/2011 01:17:00]陶陶夫人: ~原來美國有依啲團, 係專登黎加拿大食野架!! 齋食野, 都可以成團架!! 我都係你講, 我先知. 你咁講, 美國啲野食, 好似都幾難食喎!! 但我見到其他美國人啲blog, 我見到他們食啲野都ok....可能唔同省啦! ~我現在個區, chinese 野食, 已經唔係話特別多架啦!! 去我阿娘個區, 啲食店直情同香港一樣. 咩都有. 可能多香港人移民黎加拿大啦!! 你有時間都join依啲團黎加拿大食下. ~我都覺, 很多男士對煲仔飯, 情有獨鐘. 我三妹個男朋友又係好鐘意食架!! 我就間中先會煮, 雖整唔難, 但時時食, 都會悶架嗎! 不過, 趁現在仲係涼涼哋就整黎食下. 遲啲熱, 都唔襯食啦!
見到你整煲仔飯，搞到我又想食，可惜我無個煲/瓦煲，用普通煲整無咁好味
ReplyDelete[版主回覆04/07/2011 01:17:00]Mui: ~我個煲本地貨, 係Canadian tire 買架!! 你附近有無Canadian tire 呀??有機會經過就買返個. 我除咗用依個煲整煲仔飯, 仲會用依個煲, 用黎煲湯飲. ~但其實, 我想投資一個Le creuset 煲, 顏色colourful 外, 我覺幾耐用添!!
你嗰邊d點心都好吸引呀！size好似比香港大！
ReplyDelete[版主回覆04/07/2011 01:26:00]ccKitty08: 係咩, 我依邊啲點心size, 係大粒過香港架!!! 我都無留意添!! 係外國, 都可以間唔中飲下茶, 而且, 啲點心味道都唔差. 我覺好開心架啦!
Ipad 2 is so popular now...I wonder if the Cover for Ipad 1 will fit the 2???
ReplyDelete[版主回覆04/07/2011 01:26:00]Big Daddy: i Pad 1 and i Pad 2 有啲cover 都可以用返, 但i Pad 1 and i Pad 2 啲開關製, 分佈有分別. 如果, i Pad 2 用返i Pad 1 嘅cover 會有啲製會被cover遮住咗囉!!