回多倫多以後一星期

January 4, 2011 (Tuesday) 落雪
    返黎多倫多第一日, 一起身, 就見到街外白檬檬, 嚇到眼都特. 臨瞓前都無咩野, 但一起身就落雪黎歡迎我......雖然, 雪係好美, 但雪會仍成地面濕滑, 交通不便呢!!係街吋步難行......一落到街, 我條黑褲 and 我對黑鞋, 被街道上啲化學鹽,  飄白咗啦!! 好肉酸.

   我下晝lunch time, 生意上啲人係百貨公司約咗我, 務着大傷風兼寒風下,等咗好耐, 都未黎. 點知,  依個人甩低又唔call back.....

   但等人途中撞到好多人, 連L.V. sales 都撞到, 個個走黎同我講Happy new year! 又幾開心. 哈哈~

   但點都係返黎多倫多第一日, 返到屋企攰到吖! 好早就瞓啦!! 啲行李仲係大廳, 一啲都未執. 都唔知係咪同溫哥華三小時嘅時差. 好好好眼瞓.
-----------------------------------------------------------------------------------------

January 6, 2011 (Thursday) 落雪
   嗱!!我個人就係咁, 返咗黎多倫多, 啲大傷風, 咩咩喉嚨痛都好返啲, 唔通我係辛苦命, 放假就病, 過返正常生活就無野? 係夜晚先咳, 但對我黎講, 已經好咗好多啦!!

  攪到Brian's daddy 係我臨離開溫哥華時, 仲驚我返黎寒冷嘅多倫多會病多"二錢重", 我臨走時, 佢比咗一堆西藥我. 又教我係咩情況要點點點食藥.  但我返到多倫多, 都無咩野啦!! 啲西藥就收埋先啦!!

  依日, 同Brian 放工之後約埋一齊, 走咗去買中東餐食. 可能, Brian係美國L.A.時, 食咗餐中東餐念念不忘. 所以, 依日一放工Brian 就提議食屋企附近新開個間中東餐廳買外賣返屋企做dinner.

  間中東餐廳係連鎖式經營, 係我大廈後面街新開咗一陣, 係後門行去都好近, 都係第一次接觸依間中東餐廳, 啲野食味道都唔差, 價錢又ok 喎!! 第時煮唔切飯, 都可以考慮依間. 不過, 間鋪頭個男人(我估老闆啦!) 個樣有啲惡. 哈哈~~

   其實, 我覺自己幾鐘意食, 用wrap 包嘅食物. 所以, 我好buy依間中東餐. 哈哈~~    

↓我食lamb shawarmas, Brian 食四方盒果個chicken kabob dinner. 由於, 我哋叫咗combo, 所以, 送三角形samosas  (samosas 內裡嘅餡料有薯仔, 雞and 咖哩, 有啲似平時食啲咖哩角但重香料味)    0

----------------------------------------------------------------------------------------------
January 7, 2011 (Friday) 落雪
   三妹and 三妹男朋友黎咗downtown 買野.  所以, 大家就齊齊約去食dinner. 係咁凍嘅天氣下, 當然去食返碗熱辣辣拉麵啦!

   我哋四個(我, Brian, 三妹and 三妹男朋友)成8pm 先去食拉麵, 但間拉麵檔多人到不得了, 排咗好耐隊先有得食. 餓到我哋吖!!  一坐低就係咁挨野食. 小食都挨唔少...哈哈~~由於, 太餓, 無影到相.

  係四個人中, 原來只有我一個未去過日本. 原來聽他們三個人講, 依間拉麵店, 啲拉麵味道, 都同日本差唔多. 但麵質就日本好啲. 但係多倫多都食到差唔多日本味道嘅拉麵. 已經唔錯啦!!

  食完拉麵, 三妹and 三妹男朋友過咗黎我屋企坐. 三妹, 仲預先買咗個cake上黎, 由頭到尾放係車都無溶. 仲好凍添!! 而大家食下cake, 傾下, 講下......睇下電影. 咁就成2am 啦!!

   三妹and 三妹男朋友走時, 落好大雪....我幾驚呀!! 但無計啦!! 他們星期六要早起身返工, 所以, 唔可以係我度留舍. .....最後, 三妹and 三妹男朋友渣咗成個幾鐘頭highway, 先返佢啲屋企, 平時,半個鐘highway就ok 架啦!  不過, 安全到步, 就安樂晒.

  所以, 係加拿大居住, 就係有依樣隱憂囉!!凍無所謂, 凍到-20℃, 都係"凍"字. 但落雪真係好messy. 但依邊又唔係交通方便, 下下都要自己渣車先ok....雪地濕滑, 真係一個隱憂. 由其事啲雪係咁落, 能見度低, 政府就算派幾多鏟雪車, 都唔係條條路都鏟得切. 在依啲雪地渣車, 點都打十二分精神啦!! (好攰架!)

  所以, 我唔係太鐘意加拿大依邊, 成日話想走, 真係有原因架!!

↓日本拉麵, 食完, 成身暖淋淋.0

↓落雪落到個天檬晒. 能見度好低. (我成日覺一落雪, 個天就係紫色)0

---------------------------------------------------------------------------------

January 8, 2011 (Saturday) 落雪
   依日, 星期六, 休息天, 係返黎多倫多後, 第一個周末, 所以, 瞓到好晏先起身.

   但場雪, 仲係喺咁落, 落到唔想停咁. 我間唔中望出窗, 感覺自己眼前好似有塊白布咁. 啲雪真係落到好大呀!

    雖場雪落咗好多, 落咗好耐. 但竟然天文台係無事先報導過.   依場雪暴, 係特發性落到咁大架!! 好彩依日唔洗返工, 返學咋!! 如果唔係交通一定好亂.

↓起身時, 都唔早啦! 但場雪仲落緊....落到天都檬晒. 完全見唔到黑色啲道路0

↓剷雪啦! and 晒化學鹽0

    咁星期六,又瞓得晏, 而且, 出面落雪落到咁大.....都無意欲出街玩啦!! 我好求其, 行落樓下間麥當當買野食咋!! 有時, 係依啲大雪情況, 11 號巴士(我對腳), 係最穩陣出街嘅方法.

↓麥當當午餐(也可叫下午茶餐)......現在, 麥當當出咗chocolate banana pie,味道都唔錯0

      而入夜後, Brian自己做完兼職, 順道買Tim Horton's 外賣返黎. 好彩, 依份兼職唔遠, Brian都只利用 11號巴士就攪掂. 講真, 如果太遠, 都費事做!! 因為真係好多雪.

↓Tim horton's 晚餐+ 中東餐廳嘅samosas and 中東甜品(白色三角形果件)...甜品餡料係開心果, 所以,都幾香.0

------------------------------------------------------------------------------------
January 9, 2011 (Sunday) 睛天
   見依個天色睛朗啲. 嗱嗱臨走出街啦! 因為返咗黎多倫多一星期, 咩都無買過, 雪櫃都空空如也. 再唔添日常用品and 糧食. 真係不得了啦!!

    而且, 見出開街, 就幫埋溫哥華個Auntie M 去Sporting Life(運動服裝鋪) 換返件衫. 遲啲拎返去溫哥華比返佢. 其實, 我哋都唔知可唔可以換架!! 因為, 點知間鋪過咗成個聖誕and 新年, 仲有無貨剩架!! 我都係同Auntie M 講, 我只係"盡人仕"架咋!! 但講真, 間鋪唔近我住所架!! 坐車又唔三唔四, 到唔到, 而且, 難泊車!!!......我真係襯好天色好, 先撲去.  好彩, 間鋪仲有貨(係我, 係咁問啲sales, 叫sales 噤下個電腦咋!!) 但件衫係第二個貨倉.....要遲啲再去攞. ......0下!! 咪即係要我再撲多一次囉!! 計計埋埋, 為咗Auntie M 依件衫, 我撲咗成三次依間運動鋪頭啦!!

    而今日, lunch time 就去商場裡面啲food court 攪掂. 我初頭還以為過咗聖誕and 新年, 啲商場唔會好多人. 點知, 車位都唔多個外, 係food court 都要等好耐先有位食.  成日感覺多倫多越黎越多人......

↓Brian 食咗new york fries, 我食咗鬼佬嘅中餐(滿州wok)....突然想食佢哋啲味...哈哈~~0