放工之後, 返屋企攞番架車, 就出門. 第一站, 去咗Sporting Life (運動用品店鋪)幫Auntie E 攞返件衫. 檢查好晒. 無穿無爛, size 又啱. 咩都睇混架啦!! 下次, Brian攞返件衫返溫哥華. 唔好再話換啦!!
任務完成之後, 去咗超級市場, 因為今日, Brian 做廚師. 煮返餐過我食.....其實, Brian 好少煮飯架!! 雖佢獨立生活好耐, 但他出街買外賣多或者我煮居多. 我唔理啦!! 他肯煮我肯食架!!
其實, 發起Brian 煮飯果個人, 原來係Brian's daddy. 因為我哋聖誕節返溫哥華時, Brian's daddy開始煮飯. 仲係一邊煮, 一邊望住個食譜煮. 係依個情況下, Brian 又跟Brian's daddy入廚房望下. 就係咁, 佢哋兩仔爺, 就係廚房轉黎轉去啦!! 有見及此, Brian's Daddy就photo copy啲食譜比Brian.
返到黎多倫多, Brian 就攞住堆食譜研究. 到今日, Brian 就帶住其中一個食譜出街,一邊行超級市場一邊執材料.一邊攞住個食譜就一邊係廚房煮.
在我沒有幫忙情況下. Brian煮個蝶pasta 又唔錯喎!! 第一次入廚房煮算係好好味啦!!
Brian 煮完之後, 仲話好好玩添!! 最好笑, Brian 話煮飯有啲似讀大學時, 做chemistry lab 咁喎!! 依度加啲, 果樣加啲, 加下熱, 跟住啲程序, 令食物產生變化. 最後, 變成一蝶美味意粉喎! .....我都係第一次聽, 用化學實驗黎形容一蝶pasta咋!! 哈哈~~
↓Brian 連洗&切, 都係自己黎架!(係唔多知啲廚房啲架餐, 就黎問我囉!) ....仲自己煮埋汁料...最後製成品 Fettuccine with Mushrooms, Prosciutto and Basil0
↓味道真係唔錯. Thump up0
--------------------------------------------------------------------------
January 15, 2011 (Saturday) 落雪
又黎啦!!又黎啦!! 又黎10 cm 嘅大風大雪. 好彩琴日係超級市場買咗好多物資. 而且, 又唔洗工作. 便當休息天.
哈哈!! 休息天, 當然瞓呀瞓. 瞓到成點架!! 咪起身整野食囉!! 下晝又無無料料係屋企睇下電視. 講真, 地面濕滑, 寒風臨臨...都係坐係屋企最為舒服.
夜晚, Brian 又興起, 再一次入廚房煮多次pasta. 因為我哋係超級市場買多咗pasta啲材料. 咁見擦開晒, 仲有剩, 就再整多次囉! Brian 仲好pro 咁講. 要再整得好食啲喎!!
第二次再煮pasta 啲麵質果然係彈牙咗喎!! 確實, 有進步. 哈哈~一連兩日嘅晚餐都唔洗煮就有得食. 其實又幾舒服喎!!哈哈~~~
↓起身後,跑去窗口睇, 仲係落緊雪....有啲路都變白晒...完全見唔到路. 0
↓晏晝個餐, 食咗pasta(隔夜), pizza and prosciutto夾cantaloupe.0
你o個句"佢肯煮，我肯食" 絕對係呀 Brian 煮的 pasta 好掂喎~~ 我呢邊又係落雪呀!! 唉~
ReplyDelete[版主回覆01/26/2011 07:33:00]廿六 ~講真, 跟住食譜煮, 起碼有個譜, ﹐一定唔會難食得去邊. 所以, "佢肯煮, 我肯食"架!! 我坐係梳化一邊玩電腦,一邊等食. 都唔知等得幾舒服呀!! ~蝶pasta 真係not that bad 架!! 我唔係買花讚花香. 真係唔錯. ~今個冬天, 好似全加拿大都係不段落雪, and 嚴寒, 真係想冬天快啲過.
我男友都好鍾意煮, 但次次佢煮完個廚房好似打完第三次世界大戰, 遍地seasoning, 用盡全屋既煮食用具, 真係洗到我死死吓
ReplyDelete[版主回覆01/26/2011 07:33:00]慳妹 ~我男朋友由細到大都唔洗煮野食架!! 就算要佢煮都係超簡單嘅食物. 所以, 他肯渣住本食譜, 去買材料, 煮埋, 真係一大進步啦!! 他就算攪到個廚房混亂啲, 我都鼓勵佢煮多啲. 他煮慣咗, 就會熟識個廚房, 熟識煮野食嘅steps. 咁就唔會用盡廚房啲用具架啦!! ~我係依次都有洗個廚房, 但到他第二次煮, 已經用少咗廚房啲工具啦!! 我會乘機讚佢用少咗野. 慢慢進步. 我又有得食, 佢又肯煮. 大家都舒服啦!! 你試下啦!!
煮得好掂喎 咁你可以大把日子" un un"腳等食啦
ReplyDelete[版主回覆01/26/2011 07:33:00]Mui: 係架!! 我等食果陣時, 一邊睇電視,一邊上網,都唔知幾舒服. 哈哈~~
Brian 抵讚！你可以嘆吓嗱！
ReplyDelete[版主回覆01/26/2011 07:33:00]靚太Mrs. Beauty ~Thank you你讚Brian. ~哈哈~~~ 我都唔知幾鐘意佢肯煮飯呀!! 因為我有多啲時間上網嗎!!
Good job Brian! keep up the good work!!
ReplyDelete[版主回覆01/26/2011 07:33:00]Big Daddy Thank you.....Brian真係煮到個興趣出黎呀!! 他現在會研究食譜. 我係時候keep 定fit 等好野食啦!! 哈哈~
間唔中煮下又真係好有驚喜
ReplyDelete[版主回覆01/26/2011 07:33:00]WingL^^ 係呀!! 啲食物又係跟食譜煮,我先前都未食過依隻味. 所以, 突然間Brian有興趣煮. 我都好開心架!