話咁快又一年, 又再一次整火雞嘅日子. 一如以往, 同啲阿妹以及她們另一半趁住依個日子, 一齊嘻嘻哈哈一日.
真係覺時間過得好快, 其實對上一次整火雞餐都係無幾耐嘅事, 而家又話到Thanksgiving holiday(感恩節假期). 好快呀!
每年, 依個日子為咗準備啲火雞餐. 真係好忙. 而且, 次次去超市買野, 又會撞啱超市, 缺某啲貨品. 年年都係為咗準備一餐火雞餐. 例必左撲右撲, 無得話一站式比我買齊. 雖然, 每次準備火雞餐都好頻撲. 但當大家坐咪一齊食火雞. 咩野頻撲, 都唔記得啦!!
今年, 我唔覺意買大咗隻火雞, 成20 幾磅咁重, 隻火雞仲重過初出生嘅bb. 所以,焗火雞時間比以前需時. 所以, 焗焗下隻火雞,同啲妹踢拖行落樓下行個圈拖延時間, 順道買下咖啡飲. 我啲妹好鐘意上黎我度, 之後, 揾啲籍口落街行個圈架! 因為啲妹話, 好少呵, 可以一出門口就有野買喎! 仲要同人迫先過到馬路. 所以, 整火雞過程好長, 但唔經唔覺, 嘻哈咗陣, 就食得啦!!
但依餐, 都成9 pm 先開始食火雞餐, 唔知係咪遲咗開飯, 我哋食咗好多呀! 仲用了兩個幾小時食添. 總之, 坐埋一臺, 你講一句,我講句....仲飲下酒, 依依嘩嘩!! 又玩下鋤大D, 個氣氛好歡樂. 又玩到深宵 4am......好盡興.
↓焗火雞途中, 落街買了飲品..................三妹, 我 and 四妹
↓仲將啲相整特別效果...............六個人, 飲四支酒. 好開心. 我仲特登買咗新紅酒杯黎飲酒添!!
opop
↓番茄雜菜湯.............................................Hot cross bun
↓主菜: 20 幾磅重嘅火雞, (火雞內裡有蠟腸糯米飯做餡, 所以, 超重), 仲有, 波蘿蜜汁火腿.
oop
↓一邊食一邊飲紅酒.
↓當然黎張大合照啦!
呢隻火雞真係中西合璧，咁大隻，仲有餡嘅，食咗幾多餐？
ReplyDelete[版主回覆10/14/2010 06:44:00]小花媽 ~我年年整火雞都喜歡用糯米飯做餡架!! 因為我覺咁樣整法,隻火雞無咁0鞋架! ~隻火雞有大部分都分咗啲比啲妹, 所以, 都唔係話剩咗好多. 但我依兩日, 都仲用緊食剩嘅火雞做餸.
姊妹多，真係好開心！我只有一個妹咋！
ReplyDelete[版主回覆10/14/2010 06:44:00]Happy Girl ~我都時常係你個blog見你同你妹妹啲小朋友一齊食飯. 都好開心呀!! ~其實, 姐妹多, 好個陣時咪開心囉!! 唔好就, 好嘈架啦!! ~你睇我好,我睇你好者!!
嘩,火雞節大餐呀,好豐富,同埋妹妹們一齊過節,好熱鬧,好有節日氣氛,無得頂呀!
ReplyDelete[版主回覆10/16/2010 09:53:00]LaLa: ~感恩節假期, 食火雞最有氣氛. 而且, 又多個籍口同班啲妹and 她們另一半癲返日嗎.哈哈~ 雖然, 我屋企無咩特別野玩, 但我哋少少話題就講好耐. 笑餐檬架!! 好開心. ~其實, 我娘家好有中國傳統, 絕不會慶祝感恩節. 係我出咗黎自己住之後, 我先開始慶祝感恩節. 成班人一齊食火雞, 整火雞, 感覺好warm 架!! 學你話齋, 無得頂...哈哈~
20幾磅既火雞....超大隻呀@@!!! 我仲記得以前喺perth過x'mas時.....我同大pooh都會喺supermarket買現成既turkey嚟焗應吓節.....但2個人1定食唔晒.....所以好多時我哋食完之後.....雞胸都會俾晒大少2少食.....所以每年x'mas.....2個衰仔都特別開心......哈哈!!!!
ReplyDelete[版主回覆10/16/2010 09:53:00]開心幸福Pooh~ ~今年我唔覺意買大咗隻火雞, 焗咗好耐先食得!!哈哈~~ 係就係大隻, 但我分晒啲火雞肉比啲妹以及她們的另一半. 所以, 20幾磅火雞都唔會話剩好多. 哈哈~ ~係超市買啲現成火雞好味嗎?? 聖誕節, 有隻火雞應節特別有氣氛, 你係Perth 生活都幾開心吖!!