茶餐廳

October 10, 2010 (Sunday)

    平時, 星期日嘅時份, 對我隔離果個人黎講, 簡直係心率不安日. 因為, 星期日之後係星期一, 要迎接返工天.

   但今個禮拜係感恩節長周末(Thanksgiving holiday)星期一唔需要返工.  所以, 今個星期日, 出咗成日街. Yeah!!

   原本, 諗住去飲早茶, 點知瞓過龍, ........瞓到做兼職時, 先起身.   攪到成下午4pm 先食我第一餐.

   見放假, 就渣遠少少, 去茶餐廳食, 幸好趕得切下午茶時段. 我二話不說, 當然係點個西多士, 凍檬蜜......我最後還叫客沙律炸雞翼......食完感覺超良好.  依啲野係就係好容易自己整, 但係要出街食先滋味.

   之後, 仲去行啲chinese mall 買 iphone4 case. 啲chinese mall 最多依啲野架啦!! 唔知係咪太耐無行chinese mall. 感覺有如返咗香港咁, 樣樣貨品都覺好新奇. 行到啲鋪頭開始拉閘才走.

↓兩個人 ....食了三個餐....哈哈!! 其實,唔係我哋大食,只係下午茶份量細咋!0

     有時, 無聊時, 由其事夜欄人靜嘅時候, 我會係度諗, 如果我倆都係香港生活, 我倆生活會唔會更加精彩, 更加熱鬧呢?? 這個問題, 不知從我腦海中浮現了幾多次.  係我硬頸, 還是頑固, 已經在加拿大這領士生活了十多年. 還是會想想這問題.

     自己主流已經不是追香港新聞 or 香港劇, 每天看CNN,CBC, TSN.....  連買餸, 都很少光顧唐人超市. 社區活動同埋啲西方節日, 我會盡量參與, 盡量做到足. 最內疚是很多中國人嘅禮節, 我可以一頭霧水.  係傍人(由其是我父母)心目中, 感覺我好投入加拿大. 忘記自己嘅根. 說實話, 我這十多年, 真的好努力做加拿大人. 因為, 我要投入, 才能有資格批評. 加拿大是否適合我.

    雖努力了十多年, 仍很掛住香港的一切.

     一餐茶餐廳和幾小時行Chinese Mall 時間, 便觸動我心....寫埋依啲野添!! 其實, 我沒有唔開心, 只是有感而發咋!