隨心, 無準備有約嘅星期六

March 21,2010 (Saturday)

    每逢星期六, 都唔願起身, 好多時, 想出去嘆個早餐, 都會過咗時!!

    真利害, 我仲瞓到1:30pm 添!! 所以, 成3pm 先食午餐. 真係好唔應該........咁遲食. 打亂晒啲消化時間.

    算啦!! 依家唔瞓定幾時吖!! 星期六啲時間好難得係自己, 隨心想做咩, 就做咩!!

    最後, 好求去咗Brian至愛嘅粥鋪食....都唔明點解Brian咁鐘意食依間粥鋪???其實, Brian你都好chinese 胃吖, 但點解唔肯返香港架??

↓皮蛋瘦肉粥, 炒麵     

↓腸粉, 再同剛剛沖完涼嘅 tt 仔仔影相.

   食完個遲lunch, 就去下商場行下啦!行商場途中,見到間廚房用具店, 我一去依間鋪頭, 已經好鐘意啦!! 啲貨品種類係比較少見. 但價錢都有返咁上下!! 都係睇下就算啦!! 希望依間廚房用具店會減價啦!! 因為我想買個蕃茄煲呀!!

↓就係依個蕃茄煲, 令我停步望兩眼, 好想搬佢返去自己廚房囉!! 另外張相, .......Brian緊係喺度研究點解啲煲會賣到咁昂貴嘅???係用咩構做????

   夜晚6pm, 三妹及她的另一半放工, 就call 我!! 問我哋有咩地方好食

   就因為一個call, 我哋便約埋大家, 齊齊出外食晚飯. 四個人(我, Brian, 三妹以及她的另一半)去咗食西餐. 其實, 依餐晚餐, 我完全唔肚餓架!! 因為我遲食lunch 嗎!! 所以, 依餐晚餐大部份啲食物, 我都打包攞走.  因此,依餐飯, 真係傾計多過食飯. 哈哈!!

    食完飯, 三妹及她的另一半仲上咗黎我度玩........講真, 我屋企邊有野玩吖!! 只係大家傾下計, 講下傢私, 一齊睇下電視, 飲下野, 又0喜0喜哈哈咗一個夜晚 (顛到成4am_哈哈)

↓泊完車, 行去食晚飯餐廳時, 沿途台高頭見到個街景幾靚, 便影兩張, 平時, 成日都經依啲路, 又唔覺咁好睇喎!係weekend依啲優閒時間, 先覺條街,原來好靚....哈哈~~

↓餐廳嘅格局+頭盤嘅蟹餅

↓頭盤仲有青口, 沙律

↓三妹嘅雞扒餐 + Brian嘅pizza

↓三妹男朋友嘅牛扒 + 我叫嘅Gnocchi (雖好食, 但午餐還未落格, 所以,打包)

晚餐甜品--六層朱古力蛋糕.........由於, 三妹男朋友預咗上黎我度, 所以, 帶定好多零食上黎我樹囉!! 好似預咗黎我度開個小型party 咁!! 哈~